داليدا

٦

{وما بعد هذا؟!}
{كُتِبَ قَدرِي}

*ثم اتيتني انت مثل اهتزاز خط نبضات قلب لمريض...بعد أن ظن الكل انة فارق الحياة*

طل:ماف زول ليهو حق ياخد قرار في حياتي صح ولا لا؟ امي قالت لي طل نحن م قاعدين نتدخل ف حياتك والليله لازم ندخل قلت ليها امي هي سنه وحده ومسحت العرق والتعب ظاهر ف عيوني... ابوي قال لي دايما م قاعد احميك تاخدي قرار في حياتك الليله القرار قرارك وهي سنه وحده م فرقت وبعدين هو كبير واعي م قال ليك نخبي القرار قرارك حتقدري تعيشي مع واحد اصغر منك؟ عاينت لي فواز الكان مطمن من قراري وعاينت لي امي الدموعها نازله وعاينت لي ود الحاضنه مهران وهياف وكروان عاينت لي كروان البحبني وعاينت لي هياف المبتسم لي اخدت نفس عميق وقلت لي أبوي......

فواز:كنت خايف جدن من قرار أهلها والليل كلو بدعي انو ربنا يسهل لي ويسهل قرارت اهلها مشيت ليهم وانا كنت بدق ليها ما بترد قلت ف الشغل لمن دخلت رحبو بينا واتونست معاهم ابوي قال لي فواز يلا قلت ليه لحظه اخذت نفس والتوتر بان في ملامح وشي قلت ليهم عاوز اقول ليكم حاجه وان شاء الله نقدر ناخد فيها قرار يسهل حياتنا اااا اناا امس بتناقش مع طل قالت لي ان عمرها26وانا25 أمها قالت سجممي قلت ليهم ف والله انا شاريها وعند قراري عاوز طل انا والله عاوزها وشاريها ومتمني نكون تحت بيت واحد ي... قاطعني اخوها مهران قال لي ي زووول لا إله إلا الله محمد رسول الله اختنا م بنديها لزول اصغر منها مفترض تعرس راجل اكبر منها وم عندنا بت بتعرس راجل أصغر منها هياف قال ليهو مهران استغفر ربك ما كده يا مان كروان قال لينا القرار قرارها م حند... امها قالت لااااا القرار هنا لينا نحن وبتنا وبنخاف عليها قلت ليها يا امي استهدي بالله القرار قرارنا كلنا وانا والله مستخير وال.. قاطعني مهران قام وبقا يصرخ اختي م تتزوج راجل أصغر منها عمي قال ليه مهران احترم نفسك انا البقرر ما انت والخ..(ذكرت الكلام في البارت ال4) بس طل جات داخله وحصلت جوطه لا اولها ولا آخرها بس حسم الموضوع ابوها بي القرار قرارك كانت بتعاين لي شديد كنت متوتر ومطمن في نفس الوقت متوتر وخايف....

تتوقعو حتوافق؟ ولا حترفض؟
.......
فوز: شااورما عربي
ريري:بييييييت اليمن
هتان:لا ده ولا د بروست
رائف:شنوو ي مكنه
حسون :ي شباب حددو
عساف:ننقسم؟
ريري :انا حركب معاك
عساف :وصحبتك؟
ريري:تركب مع هتان وحسون
فوز:رييييييري قداااااامي يللاااااااا
حسون:😹😹😹😹
هتان:فوز وريري ورائف يلا قدامي
رائف :يلا
هتان حسم الفوضي ومشينا باب اليمن لمن جينا خاشين وقفت جمب هتان وقلت ليه قبل نخش عاوزه اصور معاك قال لي يلا اصورنا انا هو أول وتاني اتجمعو معانا واتصورنا كنت فرحانه اووووووي فرقت بالجد اللهم دخلنا وقعدنا ريري وانا ورائف حسون وهتان وعساف عساف قال لي شغاله شنو ي فوز قلت ليه شغاله ف المطبخ وبنظف و... قاطعني بي يبت قصدي مهنتك قلت ليه اني اطبخ احلى طباخ... اتفقو بالضحك عساف قال لي يعني م شغاله غير ف البيت قلت ليه لا اكرمك الله 🐸قال لي عندنا شغل ف البنك لو حابه قلت ليه لو استقبال انا موافقه قال لي استقبال قلت ليه م عاوزه غيرت رأي مالي ومال صحيه بدري واجهز بسرعه وامرق لالا يكرمك الله خليني ف عطالتي المضعفاني دي قال لي احسن ليك ياخ قلت ليه خلاص تمام بس بعد شهر اوك؟ قال لي حاضر حكلمهم قلت ليه الزيك منو قال لي كتار زي هتان ورائف قلت ليه وحسون وعساف مثلا ضحك قال لي نصور؟ قلت ليه اي ارح بقينا نتصور الاتنين وبنتونس كتير هتان قال لي خلاص كملت اختي يا مان عساف قال ليه صح قدامك؟ يلا قفل اها ي فوز قلتي لي بتمسحي كم مره قلت ليه اتخيل بس... ريري كانت بتتكلم مع رائف وهتان في موضوع مصر وما مصر وانها حتجي تبيت واتفقو نعمل جو لبعض وانا بتونس مع عساف ضحكنا وبدون قصد ضربنا كفو هتان قال لي فوووز قلت ليه م انتبهت اسفه قال لي انتبهو ي شباب الهاشميه م تشيلكم عساف قال لي اسف قلت ليه انا زاتي اسفه وضحكنا تمينا ونسه قبلت على حسون عاوزه اشوفه بعمل فشنو لقيتو بعاين لي اتوترت نزل راسو وركز ف التلفون عساف قال لي لمن ابوك قبضك بترقصي م دقاك؟ ضحكت قلت ليه واااااي انت عارف جا وانا برقص ف العب يلا وكمان بتجنن وااااااااااااااااااااااااااااي من المنظر البيش الاتختيت فيهو مباااااالغه عشره مرات ضحك قال لي حتموتيني ضحك والله قلت ليه قال لي غايتو لو دخل فيك شيطان بي طريقتك د م خااتي عساف ضحك قال لي رده فعلو معقوله ياه والله ي فوز انتي مكننننه بطني حتتشرط من الضحك عاينت لحسون عاوزه اقول ليهو طلبت شنو لقيته ماف قلت لي هتان وين حسون قال لي مشا يطلب قلت ليه طيب ماشه ليهو عاوزه اطلب قال لي بمشي انا خليك ريري نطت بسرعه قالت ليه لا ياخ حنسا موضوعي اقعد هتان قال لي طيب م تتأخري وم تتلفتي دي مروحه التربيزه ال.. عارفه محلو يلا مشيت لقيت حسون بشوف يطلب شنو قلت ليه حسون التفت قال لي نعم؟ قلت ليه اطلب بيتزا عائليه بي الخضار قال لي لا حياكلها ليك منو بالخضار د قلت ليه طيب بي الهودق قال لي طيب اصلا كنت حطلب انتي ارجعي لي عساف قلت ليه لالا عاوزه بطاطس كمان وم تنسا ص.. قال لي تمام قلت ليه خليني اتم م سمع باقي كلامي وطلب زعلت جدن من حركتو قلت ليه خليك زاتو م ترد م اتكلم معاي مشيت وقعدت ريري همست لي مالو الحلو؟ حكيت ليها قالت لي فوز امكن بغير من قعادك مع عساف قلت ليها يغير ليه ومن شنو وبصفتي شنو قالت لي بيستو اكيد بغير م الا يحبك شربت مويه اول بعدها قلت ليها طيب قالت لي استحملي قلت ليها اوك.
حسون جا بقينا نتونس وكل ما اقول افتح معاهو موضوع يقفلني زعلت بجد جابو الطلبيه قبل ناكل هتان صورنا كم صوره كده وبديت اكل تلفون حسون دقا رد بي طيب ي الغاليه حاضر من عيوني بس اصل وادق ليك حاضر؟ يلا قفل م عارفه ليه نفسي سدت من الاكل ودموعي قربت تنزل ريري مسكت يدي أكلت لقمتين وقمت قلت ليهم ماشه اتمشا برا الجو عجبني ومشيت بسرعة قبل يمنعني زول دموعي نزلت بقيت اقول فوز؟ ليه انتي زعلتي؟ أمكن م حبيبتو بس هو م حكا لي قبل كده فوز طيب انتي لسه زعلانه معقول بتح..لااااا ااااا فووووز لااااااااا م تغلطي لااااااا انا ليه  غبيه طيب ليه يتنرفز اخخخ يا فوز لا لا م تعيدي غلطك بس حسون غير اخخخ مشيت وقفت جمب العربيه لمن جو حسون كان بعاين لي بس ركبنا وصلنا البيت ريري قالت لي ادي نفسك حريتها قلت ليها م فهمت مشت وهي عساف منتظرني يلا دخلت غرفتي وقفلتها استحميت وغيرت ورقدت كنت بفكر فوز ليه زعلتي امكن صحبتو امو اختو بس ليه قال كده يارب طلعت ف السرير فوق وبقيت امسح وشي وامشي شعري واقول معقول حبيتو؟ طيب فوز ليه م تحبي هو يستاهل مشيت غسلت وشي وقفت قصاد المكيف وبفكر فوز هو ود حلال ومحترم وم غلط عليك ف كلمه ولا كده فوز م تمنعي نفسك زي م قالت ريري واصابع اليد م وحده ياررررب لمن شفت نفسي مشتته جريت اتوضيت استخرت وجيت دقيت ليهو..

حسون:لمن كنا المطعم وفوز مركزه مع عساف ما باقي الا يشيل رقمها ياخ انا عارف تماما ليه عصبت وخفيت غيرتي اي لاني بحبها والله وكلمت امي واخواتي وموافقين كلهم اني اعتبرها شريكه حياتي اي حبيتها والما بخليني احبها شنو؟ امكن هي خاتني بيست زي م بتقول بس انا خاتيها لقدام انا م بلعب بي بت وعندي اخوات ف البيت بخاف عليهم حتى من قشه امي قالت لي حسون فيك شي؟ قلت ليها الليله فوز زعلتني وما قادر اكتر من كده قبيل اتكلمت مع هتان وطلبت يدها منو وهو قال اجي خطوبه رسميه يوم الأربعاء الفي وشنا وقتي اتصل على ابوها وقال خير ان شاء الله بعد يجي من مصر نعمل عرس امي بجد انا لقيت روحي فيها هي الادتني الشغف اني افوح واكمل حياتي هي نفسها البت القلت ليك عقدتني من شكلي قالت لي هي يا ولدي الا كان البرص وبعدين هو بس من حنكك لي شفايفك يعني كلو ظاهر قلت ليها مخيف قالت لي لا ي حسون م تقول كده يرضا عليك قلت ليها اه يا أمي البهمني فوز فوز وبس قالت لي غايتو البت جننتك نفسي اشوف فوز البتتكلم عنها اربعه وعشرين ساعه دي قلت ليها بتشوفيها أن شاء الله ب.. تلفوني دقا وكان جمب امي قلت ليها فوووز قالت لي ياها وردت هي انا ابتسمت وخفت انو فوز تخاف
=حسون انت شايف لمن تزعل كده وتقفلني بفرحني مث... قاطعني صوت مره قربت ابكي من الغيره
_هي انا م حسون
=انتي منو
_مالك هسي بتبكي
=انتي منو ياخ 💔😭
_انا امو ي بت عاد الحب عمل عملتو فيك
=.........
انتو عارفين احساسي ف اللحظه دي؟ احساس هي عارفه ودي امو وانا ببكي وقلت كلامي القبيل؟ 🙂عارفين يعني شنو اتبكمت واتحرجت اتمنيتتتت السماء تقع فيني ولا الموقف د يحصل
_م تخجلي هاك ليهو😹😹😹😹
=......
_فوز❤️
=ليه تديني امك ليه تختني ف الموقف ده ليه ليه بس هسي حتقول عني شنو ياولد للناس هسي تقول قليله ادب وبتتملم كده مع ولدي... قاطعني
_فوز
=وبعدين تعال هنا لشنو يعني بس لشنو بتقفلني كده يلا وريني انا عملت شنو عشان تقفلني ولا ك... قاطعني
_فوز اسمعيني فوز بتبكي م..
=لا م تقاطعني وكمان بترد بي الغاليه لمنو؟ ولا دقيقه لشنو اصلا تقفلني كده وبترد على حسب كلامي وبتتونس بي التلفون وانا؟ وانا قدامك اها قول بتكلم مع عساف حياكلني ولا حأحبو من النظرة الاوله ولا يذوب في بحر غرامي ما شفت الونسه عامله كيف.... قاطعني
_بحبك
=😨😨😨😨
_الا تسكتي كده
=😨😨😨😨😨
_حددت موعد مع ابوك وحنجي الأربعاء اجهزي وبعدين تعالى د شنو الرغي الكتير د وبعدين هي زعله وراحت انتي عارفه اني بزعل لحظه وبنسا واي غرت عليك من صحبي...قاطعتني
=انت قبيل قلت شنو؟
_حددت موعد مع ابوك
=لا القبلو
_د شنو الرغي د
=لالا قبل حددت موعد دي
_😹😹😹😹
=😨😨😨يا زفت الطين اتحدث
_اتحدث؟ 😹😹😹
=اي ياخ
_بحبك يا داليدا❤️

*نتلاقي*