مازن ومريم وصلوا الفيلا ومريم نزلت من العربيه ودخلت جرى لما شافت باباها ومامتها قاعدين مع مامة مازن وبصوت عالى عوبد حبيب القلب وحشنى ياراجل
باباها. بضحك وانت اكتر ياقلب الراجل
مريم مش انا مكلماك امبارح ومجبتليش سيره يعني ان انتوا جاييين
باباها. مازن اللى طلب منى كده
مريم ممممم مازن وانتى يافوفه هو طلب مته مقلتيش ليه
مامتها. طيب سلمى وبعدين اسالى ياقطر قشاش
مريم ايييه ده هو انا مسلمتش
مامتها تصدقي اه
مريم بالحضن يامزتى عاملة اييه يافوفه
مامتها انا الحمدلله
مريم حضنها وسلمنا ايييه بقى ماجبتيش سيره ليه
مامتها مازن طلب مننا كلنا منقلش ونخليها مفاجأة ليكى
مريم والله كل اعوانك خانوكى يامريم انا ماليش غير نونا
مامة مازن. دانا قلت انك نسيتيتى
مريم يالهوووووى هو انا بحب قدك فى الكون
مازن ابتدينا بقى
مامتها. البكش
مريم وربنا ابدا نونا عارفه حبها فى قلبي عامل ازاى
مامة مازن. عارفه ياقلبي يالا تعالوا ندخل نتغدى وبعدها نتكلم بقى فى الفرح وتشوفى تعملى اييه
مريم اعمل اييه يعني هناكل اما الفرح والكلام عنه مع بابا مش معايا
مامة مازن. مش لازم تشوفى المكان اللى هتسكنى فيه
مريم نعم مكان ايييه انا قاعده معاكي يانونا اومال مين اللى اسربله العيال لو عاوزه انام ها
مامة مازن. يعنى اييه مش فاهمه
مازن ماما مريم رفضت ان انا اجيب سكن بره وقالت انا هقعد مع نونا
مامة مازن.. انتوا بتكلموا بجد. ماتقول حاجه يااستاذ عبدالرحمن وام مريم
مامة مريم هقول اييه مريم اللى شيفاه صح تعمله
عبدالرحمن صح مريم ادرى بمصلحتها وهى حره المكان اللى ترتاح فيه تقعد فيه
مامة مازن. بس الواحده عايزة تاخد راحتها فى بيتها
مريم. طيب ماانا هاخد راحتى مش هيبقي بيتى
مامة مازن طبعا هيبقى بيتك
مريم. طيب خدى الكبيره البت نورا كمان هتقعد معانا بس استحملينا بقى
مازن ماما متوافقيش دى لو خلفة عيال هتجننا كلنا
مامة مازن. نعم موافقش دانا كنت شايله هم الموضوع ده
مريم ماهو ده اللى فكرت فيه يعني تربونا ونيحى لمانتجوز نسيبكم لا طبعاً
مامة مازن . انانظرتى فيكى مايخبتش ومن اول مره شوفتك تمنيتك لمازن وكنت كل يوم ادعى ربنا ان تكونى من نصيبه وربنا حققلى حلمى
مازن. بهزار انتى مش كنتي بتدعيلى انتى كنتي بتدعي عليا ياماما
مريم. والله ياعم انت تحمد ربنا ان وافقت اصلا
ملك اخت مريم. ياابله مريم دانتى البنات كلها بتحسدك على جوازك من ابيه مازن
مازن. حبيبتي انتى يالوكا قوليلها يابنتي متعرفش قيمة النعمه اللى فى ايديها
مريم.. يابنتي هو مش ناقص غرور
مازن. بضحك لا خلاص توبنا على ايدك يابنت القاضي الكل ضحك ومريم اتفقت ان مازن يغير اوضة نومه فقط مش اكتر بس مامته قالتله يتفرش ليها جناح كامل وبابا مريم مبسوط ببنته وبتربيته بيها خلته مرفوع الراس بين اهل خطيبها
دى نهاية الفصل الاخير
الفرح ان شآء الله على بالليل ادعولى بس ودعوه من قلبكم ليا ولزوجى البر هيموتنا
