اهلكتني عيناك

22

اهلكتني عيناك 💚
#حورحيدر
#الانستا: enghour98
#الواتباد:eng_hour
Tik tok: enghour1

تابع الصفحه وصوت للبارت فضلا وليس امرا †

#يحلوه مشاركه للبارت ♥️-علقو بين الفقرات 🆕

يَفلان هَاويك الگلب عَوف الحَچي البّي خوة

سديته منه واباوع لروحي بلمرايه وجهي احمر وعرگان وضاغطه على التليفون حيل ليگول چنت بحلبه مصارعه...
اعصابي مشدوده...

من احچي ويه امين احس كل حواسي مركزه وياه ويه كل كلمه وكل حرف ينطقه...

صوت رساله... يمه گلبي مدري شيصير بي من اسمعها ادري بيها منه... فتحتها لگيتها اغنيه

لسانك حبيبي طولان ويرادلك گص لسان... لك احچي ويايه عدل لا صير مو خوش انسان...

اسمعها واني اضحك... ليش بنظره هو خوش انسان هسه چاا المو خوش شلون يصير بله...

دزيتله وره دقايق...

شتصير بعد جنابك ... اذا هسه لسان السمچه بلوه حياتي صار

لا ادراي باوعت للشباك... مدري صار يخص امين حصريا ملك اله وحده...

لاحظت نفسي شگد متغيره صدگ وياه فلتت براغيي على گولته...
اتمردت وياه... حبيت استقباله لهذه التمرد باسلوبه الادبسز الفريد
نمت واني تفكيري عن امين وبامين فقط...

........

گعدت الصبح على هلاهل بيبيتي مكيفه ليكول اول مره تزوج ولد
اباوعلها شلون تدبچ وهيه لازمه فوطتها وتضحك وتصفگ وخوالي مگابليها ويهوسون وياها...

احسها رجعت حمديه بطيبتها قبل ما تتوفى امي...

بس اني اللچمت منها هواي وگمت ما أمن لاحد...

الانسان اوف منه ابن آدم مينظن بلحظه يتغير عليك ...

بدلته وكملنه اني لبست بنطرون وفوگاه قميص فوگ الركبه بشبر ضال بنفسي صارلي كومه ما لابسه حابسيني بالعبايه اليوم عرس خالي محد يگدر يحاجيني لا حبوبتي ولا امين...

عمتي ونور ما اجن اليوم بس الولد ... بما انو احنه جوارين فلزفه متصير من بيتهم لبيتنه ...

قررو ياخذون العروسه ويفروها بلمنطقه... حتى يكمل الاشهار حسب العادات... ونروح للمصور ونرجع للبيت

ماجرين كوسترين النه والگرايبنه... الزلم كلها بالباب لچحت امين واگف ويضحك ويه هشام اتخربطت احوالي يسولف ويضحك ما منتبهلي وكل ساع لو يعدل لحيته لو يتلمس شواربه ضليت فاهيه بين ما يسولفن النسوان وينجمعن اني عيني عليه اتمنيت يلتفت ويشوفني ...

بس رن عقلي من اتذكرت شلابسه.. لااا يربي ان شاء الله ما يلتفت

ماعت رجليه من الخوف... هو اني ليش اشجع نفسي بالبدايه ومن تصير صدگ اكوم اطك رجل برجل...