စိတ်ထဲတွင် အော်ဟစ်သောင်းချန်းနေသလောက် လက်ကလည်း အနားရှိ ပန်းကန်လုံးတစ်လုံးကိုယူကာ ကောက်ပေါက်ရန် လက်ရွယ်လိုက်သည်။
" Vante တော်ပြီ...တော်ပြီနော် ဟုတ်ပြီလား...ငါတို့တွေ အေးဆေးပြောကြမယ် အေးဆေးပေါ့ " ထယ်ယောင်း၏ ပုံမှန်မဟုတ်သော စိတ်အခြေအနေကိုသိသည့် လိန်းသည့် ထယ်ယောင်းလက်ထဲမှ ပန်းကန်လုံးအား ဆွဲလုရင်း ဖြောင်းဖျလာသည်။ ထိုအခါမှ ထယ်ယောင်း၏ ဒေါသတို့သည် ပိုမိုတောက်လောင်လာသည်။
အကြောင်းအရင်းကြီးကြီးမားမားမရှိပါလဲ သူ့ရှေ့က လိန်းကို တစ်စစီ ဆုတ်ဖြဲမိချင်သည်။ ဝုန်းဒိုင်းကြဲကာ သောင်းကျန်ပစ်ချင်မိသည်။ သို့သော်လည်း အဆုံးမှာတော့ လည်ချောင်းတစ်ခုလုံးအောင့်လာသည်အထိ ဒေါသကို မြိုသိပ်ထားလိုက်သည်။ လက်သီးကို ကျစ်ကျစ်ဆုပ်ထားသည်မှာ အကြောများပင် ထောင်လို့ တုန်ရီနေသည်။
ဂျောင်ကုသည် မူမမှန်သည့် ထယ်ယောင်းကို တစ်ချက်ကြည့်ပြီးနောက် အပြင်သို့ ခနထွက်သွားသည်။ ထို့နောက် အတွင်းရေးမှူးနဲ့ ဖုန်းခနပြောပြီး အထဲသို့ ပြန်ဝင်လာသည်။ ဂျောင်ကုပြန်ဝင်လာသည့်အခါ အခန်းထဲရှိ လူတိုင်းသည် သူ့ကို ဝိုင်းကြည့်လာသည်။ သူ့ကိုစောင့်ဆိုင်းနေသလိုပင်။
" နင်တို့ ဟောကိန်းအကြောင်းပဲ ပြောမှာမလား...ရော်ဘက်ခ်ကိုလည်း နားထောင်ခိုင်းလိုက်။ အဲ့မေဘေးလည်း သိသင့်တယ်။ ဒါမှ သူ့လုပ်ရပ်တွေကို ရပ်တန်းကရပ်မှာ..."
ထယ်ယောင်းထံမှ ရုတ်တရတ်ကြီး အဆဲခံလိုက်ရသည့်အတွက် ရော်ဘက်ခ်သည် နာကျင်စွာနဲ့ ပြုံးလာသည်။ ဘာလို့မြားဦးကငါ့ဘက်ပဲလဲ ဟမ်!
" ဒါပေမယ့် သူက..." လိန်းသည် တစ်ခုခုပြောရန် ပြင်နေသောလည်း ထယ်ယောင်းသည် ဂရုမစိုက်တော့ဘဲ စာအုပ်မည်းမည်းကြီး တစ်ခုကို ထုတ်ပေးလာသည်။
" နင် Witches' alphabetတွေ နားလည်တယ်မလား " ထယ်ယောင်းသည် စာမျက်နှာ တစ်ခုကို လှန်ရင်းဆက်ပြောလာ၏။
" ဒီမှာ ရေးထားတာ ငါနည်းနည်းတော့နားလည်တယ် ဒါပေမယ့် အကုန်လုံးကျတော့ ရှုတ်သွားလို့...ဒီမှာကြည့် ဒီစာလုံးတွေက ဟောကိန်းမလား..." ထယ်ယောင်းသည် တစ်နေရာသို့ လက်ထောက်ပြလိုက်သည့်အခါ အားလုံးသည် ဝိုင်းအုံကြည့်လာသည်။
ВЫ ЧИТАЕТЕ
Escape: Back Of The Red Door
УжасыThe red door means protection. What is it protected from? They forbid to open the red door. Why do they forbid? I reached behind the red door. I saw something they were afraid of. But that is something warmly & lovely . . .
Episode 16: Sunya
Начните с самого начала
