Unicode
အိမ်ပြန်ရောက်တာနဲ့ နေ့လည်က ကော်ဖီဆိုင်မှာ ရိုက်ထားတဲ့ ဓာတ်ပုံနှစ်ပုံထဲက ပထမပုံကို My Dayတင်လိုက်သည်။ ထုံးစံအတိုင်း ဖေဖေက စလို့ အိမ်ကမိသားစုဝင်အားလုံးကို Hideထားပြီး။
Active Nowမဖြစ်သလို၊ စာပို့ထားတာလည်းမရှိ။ သူ့ဘက်က စကားလာပြောဖို့လည်း မမျှော်လင့်။ အမှန်အတိုင်းပြောရရင် ဘာသာပြန်ရမှာကို ပျင်းရိနေတာကြောင့် စာပြန်ပို့မှာမဟုတ်။
ဒါပေမယ့်... မျှော်လင့်မထားတာတွေက ဖြစ်လာတက်တယ်။
ထမင်းစားပြီးလို့ ပန်းကန်တွေဆေးကြောသန့်စင်ပြီး လက်ကရေခြောက်ချိန်မှာပဲ ဖုန်းscreenက လင်းလာတော့သည်။
' ဓာတ်ပုံပို့ပေးလို့ရမလား '
ချက်ချင်းပဲ နှစ်ပုံလုံးပို့ပေးလိုက်သည်။ ထမင်းစားခန်းထဲမှာ ဘယ်သူမှရှိမနေ၊ မိသားစုဝင်အကုန်လုံး တီဗီရှေ့ရောက်နေပြီဖြစ်သည်။
ခန္ဓာကိုယ်မှာ ပြင်းထန်တဲ့ အပူလှိုင်းတွေ ဖြစ်ပေါ်နေပြီး ကိုယ့်ဟာကိုယ် နောက်ကျောမလုံတာကြောင့် ဧည့်ခန်းကိုဖြတ်ကျော်ပြီး အပေါ်ထပ်က အခန်းဆီခပ်မြန်မြန်သွားလိုက်သွားသည်။
Thanksဆိုတဲ့ စကားကို နည်းနည်းကသိကအောက်ဖြစ်ပေမယ့် Babyဆိုပြီး ဘေးနားက အနီရောင်အသည်းလေးကြောင့် ရင်တွေတုန်ပြီး ဖုန်းကိုအိပ်ရာပေါ်ပစ်ချမိတော့သည်။
စိတ်လှုပ်ရှားမှုကို ဖြေဖျောက်တဲ့ နည်းလမ်းက လမ်းလျှောက်ခြင်း။
Stressများတဲ့နေ့၊ အိပ်မပျော်တဲ့ည၊ စာမေးပွဲရှိတဲ့ညတွေနဲ့ အောင်စာရင်းမျှော်ရတဲ့ အချိန်တွေမှာဆိုရင် လမ်းလျှောက်ရင်း စိတ်သက်သာအောင်လုပ်လေ့ရှိသည်။
ဘယ်လိုဆက်နွယ်မှုလည်းမသိပေမယ့် လုပ်ဖြစ်နေတဲ့အကျင့်တခု။
အခုလည်း အသက်ကိုဖြည်းညင်းစွာ ရှူသွင်းပြန်ထုတ်ရင်း အခန်းထဲမှာ လမ်းလျှောက်နေမိပြီး စိတ်တည်ငြိမ်သွားချိန်မှပဲ ဖုန်းကိုင်လိုက်သည်။
News feedရဲ့ ထိပ်ဆုံးမှာ မြင်လိုက်ရတဲ့ Postကြောင့် ဖုန်းကိုပြန်လွှတ်ချပြီး အားခနဲအော်မိသွား၏။ အခန်းတံခါး ဖွင့်ထားတာကြောင့် မနည်းဘရိတ်အုပ်ရပြန်သည်။
YOU ARE READING
ICY : Sugar Free Ice Cream
Romanceကျနော်တို့ နှစ်ယောက်လုံး မချစ်တက်ဘူး။ ကိုကိုပြောတာ ဟုတ်တယ်။ သိပ်ချစ်ကြတဲ့ ချစ်သူတွေ မဟုတ်ဘူးနော်။ BOY x GIRL Own creation Burmese Fiction Start - 04.09.2022 End - 11.05.2023 Cover - Pinterest