A Runaway Royalty (Completed)

Chapter 31

Chapter 31: Wedding

Cyienna / Ciara

Naalala ko ang sinabi ni Luther noong nakaraan na pupunta kaming church dalawa kasama ang family niya kaya ito nag-aayos na ako. Nakakahiya naman na paghintayin namin sina Tita.

Naka-white fairy off-shoulder maxi dress ako. Ito na lang kasi ang damit na mayroon ako sa closet. Simpleng white flat sandals rin ang suot ko, nakalugay na rin ang buhok ko habang kulot ang dulo.

Iyong clutch bag ko lang ang dala ko dahil tanging wallet at cellphone lang naman ang dala ko, at ilang tissue pamunas sa pawis. Meron din akong gummy bear.

Lumabas na ako ng kwarto. Naabutan kong inaayos ni Luther ang rolex niya nang lingunin ako. Nakasuit siya ng suit pero ang coat ay nasa sofa pa rin, hindi pa nasusuot.

Natigilan pa siya nang makita ako.

“‘Oy, ayos ka lang ba?” Tanong ko dahil natulala siya.

“Huh?” Kumurap-kurap siya. “Y-Yeah.”

“Maganda ba?” Alanganin kong tanong, ngumiti pa ako.

“Sobrang ganda…” tumango siya nang dahan-dahan habang nakatitig sa akin. “Mo…:

Nakaramdam ako nang pag-init ng pisngi ko. Ako ang nagtanong pero bakit parang umakyat lahat ng dugo ko sa mukha? Naiilang ako! Bumilis rin ng tibok ang puso ko.

Shit! Unang beses ‘to nangyari sa buhay ko, ah!

“Uhm… s-salamat…” shit! Nakakahiya! “T-tara na? Teka, tapos ka na ba?”

Tumango siya. “Yeah, let’s go.” Dinampot niya ang coat sa sofa, ako naman dumiretso sa may pinto.

Nga pala, wala pa rin dito ang babies namin. Dapat talaga kukunin na namin kaso gusto ni Karylle na nandoon ang aso namin. Hindi na ako umapila, at saka may binili pa siyang bed nina Ruby.

Magsisimba kami ngayong linggo pero hindi ko alam kung saan pero ang sabi naman ni Luther, sa QC daw. E, hindi ko pa rin alam.

“Saan bang simbahan?” Tanong ko habang nakatingin sa gilid ng salamin.

Nasa kotse na kaming dalawa. Mabuti at hindi traffic! Actually, hindi pa kami nagbe-breakfast. Tanging coffee lang.

“Divine Savior Parish,” sagot niya, nakatingin pala siya sa cellphone.

Napatango ako. “Gutom na ako.”

Nilingon niya ako. “I know you said that, that's why I bought this.” Inabutan niya ako ng isang mcdo na nakalagay sa paper bag. “I told the bodyguards to buy a food at ‘yan lang ang nabili nila.”

“Okay na ‘to, gutom na ako, e.” Binuksan ko na ang paper bag para kunin. Dahan dahan lang ang drive niya kahit wala namanh sasakyan. “Ang bagal mo magdrive,” puna ko.

“Baka kasi mahulog ang kinakain mo kapag binilisan ko mag-drive.”

Napatango na lang ako. “Gusto mo kumain?”

“That’s yours, Cia.”

“Ayos lang, hati tayo dito.” Marami kaya ang pagkain na ‘to kaya hindi ko mauubos.

“Subuan mo ‘ko ulit.”

Napakamot ako sa noo bago gawin ang sinasabi niya. Sinubuan ko na lang siya dahil ayoko naman na magutom siya at isa pa coffee lang ang breakfast niya.

Nang matapos kami kumain tinabi ko na ang pinagkainan namin. Kinuha ko ang mint sa bibig para kumuha ng isa, binigyan ko rin siya bago itabi.

Nang makarating kami sa buong lugar, naghanap na agad siya ng parking. Nagtaka pa ako dahil mga naka suit silang lahat, iyong iba ang ganda ng ayos at may hawak na bulaklak.