_ أقولك نكتة
_ لا
_ ماشي .. مرة واحد رفع قضية و قعت عليه كركركركركرك
_ استغفر الله العظيم يارب.... يا صبر أيوب.... ليست مُضحكه
_ طب إسمع دى طب.... إدينى فرصتى و أنا هبهرك... مرة واحد دمه فار جريت وراه قُطة
_ لعن الله من علمك كيف تتحدثي .... أُصمتى ليس لديكِ حس فكاهي يا فتاة
_ افتراء والله بالله افتراء.... دا أنا دمي عسل
_ عسلٌ أسود يا لعينة
_طب بقولك
_ نعم يا مُصيبة حياتي
_ أنا عايزه أعمل زى فيلم تايتنك
_ ماذا ؟!
_ أيوه بُص أنا أقف فى مُقدمة السفينه و هفرد دراعاتي كده و أنت تيجى تقف ورايا و...
_ توقفى توقفى واللعنة .... انتِ تجعليني أفقد أعصابي بلا سبب
_ مالك بس يا يويو
_ لا تُلقبينى بيويو .... لقد كُنت جنًا لطيفًا يجلس فى ذلك الفانوس بكُل أريحه و أمان فجأة إنقلبت حياتى رأسًا على عقبًا بعد أن قُمتي بتحريري ... ليتكِ لم تفعلى
_ إنتَ زعلان
_ قليلًا
_ ليه ؟!
_ بلا سبب
_ هى الساعه كام ؟!
_ لِمَ..؟!
_ ما لسه معدتش 12 اهى.... أومال إنتَ هرموناتك فيها إيه ؟!
_ ما علاقه الساعة بالهرمونات
_ لا أصل أنا بعد الساعة 12 بيجيلى جفاف عاطفى و بقعد أتخيل قصه حب بيني و بين واحد ميعرفش إنى عايشه على وش الأرض..... المهم مش حوارنا
أنا عايزه هدوم كتير أوى و مكياج كتير أوى و عايزه شقة جديدة ...
_ سأفعل لكِ كُل ذلك.... أولًا سأعرض عليكِ عدت منازل و انتِ إختارى حسنًا
_ تمام وريني ...
بعد قليلٍ
_ تمام أنا هأخذ دى
_حسنًا ... و الآن لنذهب لأحد محلات الملابس.... إختاري كُل ما توديه
_ ماشي
YOU ARE READING
صفقة لمدة سبع أيام
Short Storyصفقة لمُدة سبع أيام ، فُرصة ذهبيه لتحقيق كُل ما أتمنى بلا مُقابل بدأت فى٢٠٢٢/٩/١٠ انتهت ٢٠٢٢/١٠/١ النوفيلا مُقتبسة من فيلم لــ 'اسماعيل يـس'
