الحارث

البـارت الأخـير

• رواية: الحـارث♡
____________________

أبچي يمّك
حتى زين تشوف روحي
حتى تقراني بوضوح

ياحبيبي
لا تظن الدمعه ماي
الدمعه روح

____________________

نرجس:

نزلت من الخط وفتحت باب البيت
دخلت ووكفت يم باب المطبخ
وكلت: چنتنة ترا ميتة جوع

افراح: حلتلج السالفة انتِ ترا
ماشتغل عندج

تنهدت ودخلت كعدت عالكرسي
وكلت: ميتة تعب ونبي

- ليكول رايحة لحرب مو جامعة

- نفس الشي داحارب وداعتج

- استقري

وكفت وكلت: ابدل ملابسي وأجي
أسويلي اكل، وچنتنا مو خوش چنة
يرادلها تبديل

- انتي الي رح تتبدلين حبيب

- الف ميجن بمكاني

شلت جنطتي وجمدت حركتي
من كالت: مهيمن رح يجي اليوم
كال لحارث عندي موضوع وياك

التفتت وكلت: جذب

- وليش جذب حتى سنة ياسر
طلعت قبل فترة

- افرااح غير تحجين من وكت
هسة اروح انام اروح اعدل خلقتي
صار كومة مشايفتة

- هوة الصبح كالي حارث شوكت
تردين اكلج، بعدين هوة العصر
يجي تلحكين شعندج

- اهوووو

رحت بسرعة للغرفة وشمرت
غراضي طلعت ملابس ودخلت
للحمام وأول ماطلعت بوجهي
للمراية حطيت مكياج ومشطت
شعري وطلعت

دخلت للمطبخ وكلت: لكفتكمم

رفع رواد راسة بسرعة وحلكة مليان
اكل وافراح ابتسمت بعد ما جانت
توكلة وكلت: وين حارث خلي يجي
يشوف شديسوي ابنة ورا

افراح: شمسوي أجة تعبان من
المدرسة ومابي ياكل

نرجس: امم

رواد: انتِ معليج مامه فرح تقبل

نرجس: احجي باحترام عيب

رواد: ام دودة

نرجس: هاذة شلون لزك كل حجايتين
والثانية وكال ام دودة، ماكو دودة غيرك

رواد: الا اكول لبابه

- واني أكلة رواد فرح توكلة من
يجي من المدرسة

- معليججج امم دودههه
بسسس تكليلههه اضرربج

- وأكلة ميحترم ويصيح علية

افراح: كافي مو قصدة هسة
يعتذر منج

- ماريددد

عبس شفتة من خزرتة افراح
شهكت وتراجعت ليورة من دفع
الماعون بايدة مطشرة بالكاع
وصحت: شبييي هاذذذ انجلببب