အပင်စနစ်နဲ့အတူ သားရဲကမ္ဘာသို့ ကူးပြောင်းသွားခြင်း (ဘာသာပြန်) COMPLETED

Chapter 24

"မသောက်ရင် ဘာလို့ထုတ်ခဲ့တာလဲ" မိုင်နဲက မေးလာခဲ့သည်။

ရှဲ့စန်း သည် သူ အဝတ်အစား ချွတ်နေစဉ်တွင် ပြောစရာတစ်ခုကို ရှာဖွေနေပြီး ဤမေးခွန်းကို ဖြေရန် ပြင်ဆင်နေခဲ့သည်။

"ဒီဆေးကို ငါ့ ဆက်နွယ်သားရဲအတွက် သုံးနိုင်မလားလို့ တွေးနေတာ"

သူ ပြောတာကို ပိုယုံကြည်လာစေရန် မြန်မြန်ဆန်ဆန် ပြောလိုက်သည်။

" ငါ့ရဲ့ ဆက်နွယ်သားရဲက နည်းနည်း ကွာခြားတယ်။ အဲ့ဒါက တုပနိုင်တဲ့ ဆက်နွယ် သားရဲဖြစ်နေတယ်။ ဆက်နွယ်သားရဲ က အပင်တစ်ပင်နှင့်တူတဲ့ ငရုတ်သီးပင်ကို အတုယူခဲ့တာ မကြာသေးဘူး။ ဒီပိုးသတ်ဆေးက တိရိစ္ဆာန်တွေ အတွက်ဆိုတော့ သုံးလို့ ရမလားတော့ မသိဘူး။ သူ့ရဲ့လက်ရှိပုံစံနဲ့ အရမ်းထူးခြားနေပြီး ပြုစုစောင့်ရှောက်ရေးဌာနက လူအရမ်းများတဲ့အတွက် ဆေးကို တမင်သက်သက် အိမ်ကို ပြန်ယူလာခဲ့တာ"

မိုင်နဲက သူ့မေးစေ့ကို လက်ဖြင့် ပုတ်လိုက်သည်။

"လွှတ်တော့။ မင်းအရင်က ဘာလို့မပြောတာလဲ"

မိုင်နဲက သူ့လက်ကို ဆုပ်ကိုင်လိုက်ချိန်မှာတော့ သူ အံ့သြထိတ်လန့်သွားခဲ့သည်။ သင့်လျော်တဲ့ အကြောင်းပြချက်ကို သူ ဘယ်လိုလုပ်ပြီး လျင်မြန်စွာ ရှာဖွေနိုင်မှာလဲ။

သူ မိုင်နဲရဲ့ လက်ကို လွှတ်လိုက်တော့ မိုင်နဲ က ညဝတ်အင်္ကျီကို ကြယ်သီး ပြန်တပ်ပြီး ဝတ်ထားတာ မြင်လိုက်ရသည်။

"ငါ အနားယူဖို့ အခန်းကို ပြန်သွားတော့မယ်"

"ခဏနေဦး" မိုင်နဲက သူ့ကို လှမ်းခေါ်လိုက်သည်။

"မင်းရဲ့ ဆက်နွယ်သားရဲကို ငါ ကြည့်လို့ရမလား? ဒီနေ့ ငါတို့စားခဲ့တဲ့ အစပ်ဟင်း ၊ အဲ့ဒီ့ စပ်တဲ့အရသာက ငရုတ်သီးအရသာလား ?

ရှဲ့စန်း နှလုံးခုန်နှုန်း မြန်သွားခဲ့သည်။ ဟုတ်တယ် လို့ ဖြေလိုက်ရင် ငရုတ်သီးက ဘယ်ကလာတယ် ဆိုတာကို ဘယ်လိုရှင်းပြရမလဲ။

မိုင်နဲသည် ငရုတ်သီး အကြောင်းကို တွေးတောနေခဲ့သည်။ တုပနိုင်တဲ့ ဆက်နွယ်သားရဲ တစ်ကောင်က အပင်အဖြစ် အသွင်ဆောင်တာ ဖြစ်နိုင်သော်လည်း စားစရာများ ထုတ်လုပ်ခြင်းသည် လုံးဝမဖြစ်နိုင်ပေ။ အဲ့ဒါက သူ့ရဲ့ ဆက်နွယ်သားရဲက အမှန်တကယ် ငရုတ်ပင်ဖြစ်ကြောင်း ဝန်ခံခြင်းနှင့် ညီမျှသည်။