Ｃａｌｉｇａｒｉ(Complete)

JE LEEST

Fanfictie

You are the 𝙡𝙖𝙠𝙚, the 𝙨𝙩𝙖𝙧𝙨, the 𝙢𝙤𝙤𝙣? Ethereal music's soulful tune Princess of the glacial water Nevermore a lover, daughter In death, your voice will soar the plains Sing for me those sad refrains Graceful swan, my deep regret you ne...

#ballet #wangyibo #xiaozhan #zhanyi #zsww

Velvet Arc I

Start bij het begin

door _GloriaMie_

"မသွားခင် စိတ်တည်ငြိမ်ဖို့အတွက် ဂန္ဓမာ ရေနွေးကြမ်းလေး သောက်ဖို့ ကျွန်တော် ပြင်လာခဲ့ပါ့မယ်။"

နာမ်စား တစ်ခုနဲ့တင် ဆောက်တည်ရာမဲ့သွားသော စိတ်အစဥ်။
ဥပေက္ခာပြုကာ ကျောခိုင်းသွားသည့် ထိုကျောပြင်။
တားမြစ်ဖို့အတွက် သူကြိုးစားကြည့်လိုက်တယ်။
သူ သွေးရိုးသားရိုးမဟုတ်စွာ စွဲလမ်းရတဲ့ အဲ့အရည်ကြီးတွေကို ဒီထက်ပိုပြီး မသောက်ချင်တော့ပါ။
သို့ပေမယ့် သူ့ သွေးသားတွေက ဆာလောင်နေဆဲ ။
ထို အရာအား ကြားလိုက်ရုံနဲ့ကို တောင်းတနေဆဲ။
အပြင်သို့ ထွက်သွားသည့် အိမ်တော်ထိန်းကြီးက တံခါးကို စေ့ပိတ်သွားသည်။
သူဟာ တားမြစ်သော စကား တစ်လုံးတစ်လေတောင် ထွက်မကျလာခဲ့။
မဟုတ်မှ သူဟာ စွဲလမ်းသွားခဲ့ပြီလား။
အသိဥာဏ်တို့ ထုံးထိုင်းစေတဲ့အထိ ရစ်မူးသွားခဲ့လေပြီလား။
သူရှုံးနိမ့်နေနှင့်သည့် အကြောင်းအရာတွေထဲ ထို ဂန္ဒမာနံ့သင်းသောအရည်မှာ ကျိန်းသေပေါက် ပါဝင်နေပေလိမ့်မည်။

~~~~~~~~~~~~~~~~

တရားပြိုင်ထိုင်ခုံတွင် တိတ်ဆိတ်စွာ ထိုင်နေသော ဝမ်ရိပေါ်။
မထီမဲ့မြင်စွာ တစ်ဖက်ခြေထောက်ပေါ်သို့ ချိတ်တွယ်ထားသော ခြေတံရှည်နှင့် ပြောင်လတ်နေသော ရှူးတို့မှာ လိုက်လျောညီထွေရှိလှသည်။
အဆောက်အဦးအတွင်းရှိ လူထုရဲ့ ဝေဖန်စရာ အကြောင်းအရာတွေဟာ လွဲကြောင်းလွဲသွားကြပြီ။
ယခင်တုန်းက ရိပေါ်ရဲ့ ပြစ်မှုကြောင်းဆို ယခုမှာတော့ ရိပေါ် ရင်ဘတ်မှ ချိတ်ဆွဲထားတဲ့ ထိုအရာလေး၏ တန်ကြေးအကြောင်း။
တရားသူကြီးက သမ္မာကျမ်းစာအား ရွတ်ဆိုနေရင်းနဲ့မှ ဝမ်ရိပေါ်၏ ရင်ထိုးထံသို့ မသိမသာ   ဝေ့ဝဲလို့ကြည့်သည်။
ရိပေါ်၏ အကြံမှာ   အောင်မြင်စွာ   ပြိုင်ဘက်တရားလို ရှေ့နေမှစလို့ မှတ်တမ်းတင်နေသော စာရေးအဆုံး ထိုသော သူတို့၏ အာရုံအား စိန်တစ်ပွင့်တည်းဖြင့် ဖမ်းချုပ်နိုင်ခဲ့သည်။
ယိုယွင်းနေသော   ဥပဒေ ထောက်တိုင်နှင့် လူ့လောဘသားတို့အား   နောကျေနေသူပီသစွာ။
အပေးအယူအကြောင်း ကောင်းကောင်းသိတဲ့ ရိပေါ်က ငါးစာအား အောင်မြင်စွာ ချနိုင်ခဲ့သည်။
ရိပေါ်အတွက်တော့   ကိုယ်ကျင့်တရားဆိုတာ    ရိုးသားခြင်းတွေနဲ့ တည်ဆောက်ရတာမဟုတ်ပဲ အခကြေးငွေပေးလို့ ထိုရိုးသားခြင်းတို့ အား တည်ဆောက်ခိုင်းခြင်းမျိုးသာ။
ငွေ့နံ့သင်းသည့်အခါ "ဘာအလိုရှိပါသလဲ" ဟု ခစားပေးမည့် လူသားများ။
သို့ပေမယ့် ဝမ်ရိပေါ်ဟာ ဥပဒေအား လက်တစ်လုံးကြား လုပ်မည့် လူစားမျိုးမဟုတ်။
ငွေဆို ငမ်းငမ်းတတ်ကြသည့် ထိုလူများဖြင့်   ခဏ   ကစားကြည့် ချင်ရုံသာ။