Ｃａｌｉｇａｒｉ(Complete)

ESTÁS LEYENDO

Fanfic

You are the 𝙡𝙖𝙠𝙚, the 𝙨𝙩𝙖𝙧𝙨, the 𝙢𝙤𝙤𝙣? Ethereal music's soulful tune Princess of the glacial water Nevermore a lover, daughter In death, your voice will soar the plains Sing for me those sad refrains Graceful swan, my deep regret you ne...

#ballet #wangyibo #xiaozhan #zhanyi #zsww

Velvet Arc I

Comenzar desde el principio

por _GloriaMie_

~~~~~~~~~~~~~~~~

အဒီနေ့ တရားခွင်အတွက် လိုတာထက် ပို၍ အားစိုက်ထုတ်နေသည့် ရိပေါ် ယခုလည်း မှန်ရှေ့တွင် အချိန်အတော်ကြာအထိ ထိုင်နေသည်။
သေချာစွာ စီမံထားသည့် အဝတ်အစားတွေကို 'မှိန်လွန်းတယ်'
'တောက်လွန်းတယ်' စသည့် အကြောင်းအမျိုးတို့ဖြင့် ပယ်ချပြီးသည့် နောက်မှာ ကတ္တီပါသား ဖြင့် ချုပ်လုပ်ထားသည့် နက်ပြာရောင် suit အား ကျေနပ်စွာ ရွေးချယ်လိုက်သည်။

"တရားရုံးလို နေရာ အတွက် ဒီဝတ်ဆုံက အဆင်မပြေဖြစ်လောက်မယ် ထင်ပါတယ်။"

အိမ်တော်ထိန်းကြီးရဲ့ စကားကို ဂရုမမူပါပဲ ဝမ်ရိပေါ်ဟာ သူ၏ လုပ်လက်စ ဖြစ်သည့် လက်ဝတ်ရတနာ သေတ္တာထဲတွင် စီတန်းထားသော ရင်ထိုးအချို့ကိုသာ စူးစမ်းနေခဲ့သည်။
မျက်လုံးထဲတွင် အထင်သာဆုံး ဖြစ်နေသည့် ရင်ထိုးတစ်ခုအား ရွေးလို့ ကောက်ယူလိုက်သည်။
ပြိုးပြက်နေသောအရောင်အဝါတို့ဖြင့် ထိုရင်ထိုးဟာ စိန်တစ်ပွင့်ထဲနဲ့တင် 1 carat ကို £70,00 အထိ တန်ဖိုးရှိသည်။

"ဘယ်ဟာလေး ဆိုရင် ကောင်းမလဲ ကြည့်လိုက်တာနဲ့ သခင်အစစ်က ဘယ်သူဆိုတာ သိသွားအောင်"

ရွေးရင်း ရေရွတ်လိုက်သော စကားအဆုံးမှာ ဝမ်ရိပေါ်၏ အကြည့်တို့သည် အနောက်ဘက်တွင် တိုးတိတ်စွာ ရပ်နေသော အိမ်တော်ထိန်းကြီးထံ မှန်မှ တစ်ဆင့်ထိုးဖောက်သွားသည်။
ကိုယ်ရှေ့တွင် ယှက်သွယ်ထားသော လက်တို့ဟာ ပုံမပျက်။
အစွန်းနှစ်ဖက်အား ညွှတ်တင်ထားသော နှုတ်ခမ်းမှာ မျှော်လင့်ထားသလို ဖြောင့်တန်းမသွားခဲ့။
ရိပေါ် ဘယ်လောက်ထိုးနှက်နှက် အရေးတယူ မပြုမှုသည့် ထိုလူ၏ အမူအရာဟာ ရိပေါ်အတွက်တော့ အင်မတန်မှ ခံပြင်းစရာ ကောင်းလှသည်။
စီးချင်းထိုးနေရင်းမှ အရှုံးသမားတစ်ယောက်နှင့် ဆက်၍ မယှဥ်လိုဟုဆိုကာ လှည့်ပြန်တတ်သည့် သိက္ခာချသော လုပ်ရပ်မျိုး။
မည်သည့် နေရာမှာမဆို ထိန်းချုပ်ဖို့ ခက်ခဲ့သည့် ရိပေါ်က အတွေးနဲ့တင် ဒေါသတို့ ပွက်ပွက်ဆူလာသည်။
သို့ပေမယ့် မည်သို့သောအခါတွင်မျှ တိုက်ရိုက် မရင်ဆိုင်ပဲ ကောက်ကွေ့တတ်သည့် အိမ်တော်ထိန်းမင်က ရှောင်ထွက်ရင်သာ ကြံစည်သည်၊