" Ozzy မရှိတော့ဘူး "
ထိုစကားလုံးလေးရဲ့အဆုံးမှာ သူမရော Jordanပါ တိတ်ဆိတ်သွားသည်။ ဆေးရုံအတွင်း သူသူငါငါသွားလာနေ၍ အသက်ဝင်လှုပ်ရှားနေသည့် ကမ္ဘာကြီးသည် သူတို့နဲ့ မဆိုင်သကဲ့သို့ တိတ်ဆိတ်နေသည်။
" အစောင့်အရှောက်ဖြစ်တဲ့ သူကပါ ငါ့အနားကထွက်သွားပြီ "
" ငါပြောသားပဲ စာချုပ်ချုပ်ထားပါဆိုတာ မင်းမှလက်မခံဘဲ..." ဂျောင်ကုသည် သက်ပြင်းရှည်တစ်ချက်ချကာဆိုလာသည်။
" ငါတို့စကားများခဲ့တာ။ ငါ့ကိုသူအကြီးအကျယ်စိတ်ဆိုးနေတာကို ခံစားမိတယ်။ ငါလည်းဒေါသမွှန်နေတာမို့ သူ့ကိုပြန်အော်မိတယ်။ အဲ့နောက် ငါသူ့အတွက်ရည်ရွယ်ထားတဲ့ လက်ပတ်လေးက အကြောင်းအရင်းမရှိဘဲ ပျက်ကျသွားတယ်။ သူနဲ့ငါ့ကြားက အဆတ်အသွယ်ကိုလည်း မခံစားမိတော့ဘူး..."
" ငါသာဆိုလည်း စကားနားမထောင်ဘဲ လုပ်ချင်ရာလုပ်တတ်တဲ့ မင်းကို ထားခဲ့မိမှာပဲ။ မင်းသိလား Ozzy က သာမာန်ဝိညာဉ်လေးတစ်ခုမဟုတ်ဘူး။ ငါတောင်သူ့ကိုအမိန့်ပေးလို့မရဘူး။ ပြောလို့မရဘူး ငါ့ထက်အင်အားကြီးရင်ကြီးနေမှာ...."
ဂျောင်ကု၏ စကားတို့ကိုကြားသည့်အခါ လိန်းသည် အဝေးတစ်နေရာသို့ အသက်မဲ့စွာငေးနေသည်။ ဒါစမ်းသပ်မှုတွေထဲကတစ်ခုလား...။
" ငါ့ကိုဖတ်ထားပေးမလား။ ငါအရမ်းမွန်းကြပ်တာပဲ...။ "
ဂျောင်ကုအနည်းငယ်တွေဝေသွားသည်။ စေ့စပ်ထားတုန်းကတောင်မှ လိန်းဘက်က ယခုလိုမျိုး မတောင်းဆိုဖူးပေ။ သို့ပေသည့် သူဘာမှမတုန့်ပြန်နိုင်ခင်မှာပဲ လိန်းသည် သူ့အားပွေ့ဖတ်လာသည်။
" ဒီဘိုးဘေးလေး တစ်ယောက်တည်းတော့ စိတ်ညစ်မခံနိုင်ဘူး Jordan...တစ်စုံတစ်ယောက်တော့ အကြီးအကျယ်အထင်လွှဲတော့မယ်ထင်တယ် " နားနားကပ်ပြောတဲ့ လိန်း၏ စကားတို့ကို ကြားကြားချင်း ဂျောင်ကုသည် လိန်းကိုတွန်းထုတ်ကာ အနောက်သို့ လှည့်ကြည့်မိလိုက်သည်။ သူ့အားရွံရှာသလို နှာခေါင်းရှုံ့ကာကြည့်နေသည့် ထယ်ယောင်းကို တွေ့လိုက်ရသည်။
" အသိလား..." ထယ်ယောင်းဘေးမှ ရော်ဘက်ခ်သည် ထယ်ယောင်းကို တံတောင်နဲ့ တွတ်ကာမေးလိုက်သည်။
YOU ARE READING
Escape: Back Of The Red Door
HorrorThe red door means protection. What is it protected from? They forbid to open the red door. Why do they forbid? I reached behind the red door. I saw something they were afraid of. But that is something warmly & lovely . . .
Episode 13: Something Between Two Red Head
Start from the beginning
