غياهب الغانِيَات

البارت الاول

وانتضرتك...
بين صفنات الليالـي
وجرح ودخان الجگايـر
وبين لچمـاتي وحسرتي
وحيرتي وكسرة الخاطر
وبين مدري و وين صاير؟
ٕ
ٕ

غياهب الغانِيَات
بقلمي(ريــــبـال)
 
لاتنسون التصويت والتعليقات بين الفقرات

قراءه ممتـعه♥.

__________________________
ٕ
ٕ
ٕ

ٕ

ٕ

ٕ

طالعه بشارع العب ويه بنات الفرع نكمز فرحانات وحده لازمه ايد الثانيه نفتر نلعب شده ياورد وولد المنطقه ليغاد من عدنه يلعبون بالطوبه لتفتت عله صوت امي ماده راسهة من الباب تصيح عليه

نجوه:- ولج يمفلوكه تعاي فوتي الدهر صابج هسه يجي ابوج يشبعج كتل ولله

شيماء:- يمه بس شويه بس هل فره اخلصهة وافوتن

نجوه:- اذا ماجيتيني اطلع اكطعج كدام البنات وحك الزهرة

فلتت ايد البنات ونزلت راسي بقهر فتت وستلمتني امي رزايل..

للمغرب اجه ابوي ركضناله انه وخواتي باسهـن وكمل انا منتظره دوري تقدمت حته ابوسه مثلهن صاح عليه فززني

عزيز:-  شوكتت تبطلين انتِ جااهله جايه واكفه وييه خواتج الصغار مرة شكبرج روحي وية امج صبن العششه يله تحركي

طلعت من كدامه ودموعي عله خدي لكيت امي  بالمطبخ باوعتلي  مقهورة ورجعت تكمل العشه صفنت مخليه ايدي عله خدي

نزيت من عيطه ابوي الواكف وراي

عزيز:- انااا مـوو كتلج تساعدين امج لو إلـة  بالكتل يلة  تمشين حيوانـة كومـييي

كمت والغصه مجلبه بــ بلعومي دموعي تكت وكفت محتارة مادري شسوي

نجوه:-  اثرمـي الزلاطه بعد امج

اخذت الخيار والطماطه كعدت اكصص بيهن لحد ماصبت امي كمنه انا وياهة ننقل الاكل التمو كلهم واخير شي انا كعدت يم امي مديت ايدي اخذت خاشوكه وآكل بشراهة ماحسيت شلون وكعت اللبن عله رجلين اختي ضلت تبجي وصيح وانا صافنـة

نجوه:- كافي يمه بسج بس كومي وياي خل اغسله

مترضه دكوم وماده ايدهة لَـ امي حته تشيلهة  امي حامل ماتكدرلهة اباوع عليهن ماحسيت إلـة نركعت براسي درت وجهي مفزوعه من الضربه رجع ابوي شمر عليه خاشوكه اجت بوجهي شهكت منهة

عزيز:- كومي يلَــ فكر شيلي اختج غسليلهة مشوفين امج متكدر دكوم لو إلـة اهينج بت الكلب انعل ابوج لاابو الجابج سكط 

بلعت ريكي وكمت شلت كوثر وهيه خازرتني بس شلتهة جلبت بشعري تملخ بي احس روحي راحت تملخه بكل قوتهة