သည်မောင် လက်ခုပ် တီးပါ့မယ် ( သည္ေမာင္ လက္ခုပ္ တီးပါ့မယ္)

၁၉

"~~တကူကူးကူ~~တကူကူးကူ~~
(~~တကူကူးကူ~~တကူကူးကူ~~)
~~ချိုတေးသံသာ ပျိုလေးထံမှာ~~
(~~ချိုတေးသံသာ ပျိုလေးထံမှာ~~)
~~ချစ်တင်းနှော ပြောဖို့ ရွှင်ကြည်စွာ~~
(~~ချစ်တင်းနှော ပြောဖို့ ရွှင်ကြည်စွာ~~)"

ထိုင်ရာမှ ထ၍ ပုခက်နားသို့ လျှောက်ကာ သီချင်းကလေးအား သံယောင်လိုက် ညည်းဆိုမိသည်။ သည်သီချင်းကို သူအလွတ်ရနေပါပြီ။ ကလေးချော့သိပ်ချိန်တိုင်း အမြဲတစေ ကြားနေရသည်မဟုတ်လား။ သူ့ခြေတိုတိုတုတ်တုတ်ကလေးများဖြင့် ကြမ်းခင်းမှအသံမထွက်စေရန် ကိုယ်ဖော့လျှောက်ရင်း အမျိုးသမီးကြီးထံ ချည်းကပ်မိသည်။ သူ့ကို မြင်သည်နှင့် ထိုအမျိုးသမီးကြီးမှာ ထပ်မံပြုံးပြန်တော့သည်။

"~~တောင်သေလာ ချောင်ဟေမဝါ~~
(~~တောင်သေလာ ချောင်ဟေမဝါ~~)
~~မာလာဖော့ ညှာကျော့~~
(~~မာလာဖော့ ညှာကျော့~~)
~~ပျိုနွဲ့သူဇာ ကြိုလှည့်ပါ~~
(~~ပျိုနွဲ့သူဇာ ကြိုလှည့်ပါ~~)
~~တကူးကူးကူးကူးကူး~~
(~~တကူးကူးကူးကူးကူး~~)"

သီချင်းလေးအဆုံးတွင် သူ့မျက်ဝန်းများ ပိတ်ကျသွားသည်အထိ ပြုံးမိသည်။ ပုခက်ထဲမှ ကလေးငယ်အား တစ်ချက်ချောင်းကြည့်ကာ အသည်းတယားယားဖြစ်နေတော့သည်။ ပုခက်ထဲ၌ သူနှင့်တစ်ချိန်တည်းမွေးသူဖြစ်သော်ငြား ခန္ဓာကိုယ်သေးကွေးသည့် ချစ်စရာကလေးမှာ နှစ်ခြိုက်စွာ အိပ်မောကျသွားတော့သည်။

"ထွင်းငယ်....ဘွားမြေးကလေး...​​ထွေးငယ်ကလေး အိပ်မောကျနေတာ ချစ်ဖို့မကောင်းပေဘူးလား...."

သူ့ခေါင်းကို တဆတ်ဆတ်ငြိမ့်ပြမိသည်။ သူသည်လည်း ထွေးငယ်ကလေးကို အသည်းတယားယားဖြင့် ချစ်ရသည်မဟုတ်လား။

"ဘွားမြေးလေး ထွင်းငယ်ကလည်း အလွန့်ကို ချစ်ဖွယ်ကောင်းတာပါပဲ....ဘွားဖြင့် အသည်းယားလိုက်တာလေ...."

ထိုအမျိုးသမီးကြီးမှာ သူ့ခေါင်းလုံးလုံးအား ဆွဲဖွကာ တိုးတိုးရေရွတ်နေတော့သည်။ ပုခက်ထဲမှ ကလေးငယ် နိုးသွားမည်ကို စိုး၍ထင်ပါ၏။

"သည်ညတော့ ဘွားမြေးကလေးကိုလည်း ဘွားကိုယ်တိုင် ချော့သိပ်မယ်နော်....ဘွားမြေးလေး ဘယ်သီချင်းလေး နားထောင်ချင်လဲ"