༺༻قبلات على شفاه عابسه ༺༻
السلام عليكم
اعرفكم ع نفسي اني مينا من بغداد عمري 18 سنه طالبه سادس علمي مواصفاتي سمره مايله للبياض عيوني بنيات بس شوي كبار طولي حلو لا طويله ولا قزومه ههه شعري نازل لجوه كتوفي بشويه لان دائما اكصه ماحب اطوله المهم شكلي مقبول واني احبه متواضعه كلش واندماجيه وحساسه اي شي تنزل دمعتي
اعرفكم على اهلي
•بابا رجال محترم وخلوق عمره44مهندس وبعد ماطلعنه لبنان اسس شغله الخاص بي وفتح شركه اعمار
•ماما شخصيتها قوية ومسيطره وهم عمرها 44 مهندسه وجانت بنفس القسم ويا بابا وخذاها بعد حب 3سنوات
أخواني:
عمار 25 دكتور اسنان مزوج وعده توأم ولد وبنت (ريا ــ ريان) وتقى زوجته وبنت عمي
علي 21 جامعه حقوق ويحب وحده ويا من الجامعه ومقررين بس يخلص جامعته نخطبها اله
قصتي تبلش من اول مصارت احداث العراق وتخربط الوضع بابا خذانه وطلع اللبنان وضع بابا المادي جان كلش زين
༺༻ ونبدي بالقصه ༺༻
مينا: اني نايمه حسيت ع صوت ماما تصيح عليه
ام عمار: مينا ماما كعدي الدنيا مغرب واخوانج وابوج راح يجون كومي ساعدي مرت اخوج بالعشه يله كافي نوم
مينا: اي ماما كاعده المهم بقت تصيح اله كعدت نزلت وبوجهي للمطبخ واني اشم ريحت الاكل وكاتلني الجوع ها تقى شنو مسويه عشه ميته جوع
تقى: دروحي هسه غسلي وجهج وعدلي شعرج قبل ليجون الجهال ويخترعون
مينا: واني اخزرها اممم عود محملتنه مانيه لان مسويه عشا
تقى: بضحك احسن منج اقل شي مانايمه وباجر امتحاناتج
مينا: اوووو تقى لا ذكريني بربج باجر اول امتحان ونوب كيمياء وكلششش خايفه
تقى: عادي يمعوده بس لا تتوترين وتخافين وانتي خوش قريتي الله يسهلج حبيبتي
مينا: تقوشه حبيبي الله يسمع منج هاا وين ماما والجهال مساع مخلتني انام بس تصيح عليه
تقى: هههه راحت للماركت الي هنا اجيب اغراض ناقصتنه والجهال راحو وياها
مينا: اممم والله كتلني الجوع ديله تعالو
اجتي ماما وجهال ومتشريتلهم حلويات وجبس وعصاير واني من جوعي اخذ من ايدهم واكل وهمه يبجون
ام عمار:كافي ولج خليهم ساكتين حاسبه نفسج وياهم
مينا:بحسره اييييييييه والله.يا ام عمار وكت جنت اني المدللـه وهسه من اجمي احفادج دفرتيني الله يسامحج
تقى وام عمار:هههههه خبله
شويه واجه عمار و راه اجمي علي وبابا طبعا علي بفراغه يروح لبابا لشغل
ام عمار: يله كومن جهزن العشه
تقى ومينا: ماشي
جهزنه العشه وجتمعنه عالطاوله تعشينه وكملنه وكلت التقى روحي انتي اخذيلهم الجاي واني راح انظف المطبخ
تقى: ماشي
تقى صبت الجاي وديته ورجعت حتى تساعدني
مينا: لا لا اني انظفه انتي سويتي عشه روحي سبحي قبل ميصعد عمار الساعه ب 11 (طبعا احنه نتأخر بالعشه لان بابا والولد يتأخرون بالشغل)
تقى: ماشي بس ترا بس هالمره من باجر انتبهي الامتحاناتج واني عالشغل لمان تخلص الامتحانات وهو شعدنه شغل غير غسلت الماعون وتنظفت البيت
مينا: اي اي بس روحي خلي اكمل شغل شكد تحجي ههه
تقى: موصوجج
نظفت المطبخ وكملت وصعدت لغرفتي اراجع شوي كعدت عالجربايه راجعت للامتحان وحضرت ملابسي ومددت عالجربايه فتحت الموبايل لكت مكالمات من صديقاتي وهواي رسائل عالمجموعه مالتنه حجيت وياهن شويه اباوع لساعه ب 1 سديت الموبايل ونمت
كعدت ب 6 هم راجعت شوي ومتحمسه للامتحان لان بابا كلي بس تنجحين بمستوى عالي اشتريلج سياره
صارت الساعه ب 7رحت للحمام سبحت وغيرت ملابسي ورحت على علي كعدته
مينا: علوش علش علاشي اكعد وصلني للمدرسه
علي: والله من سمعت علش وعلاشي كلت تريد شي
يله خلصيني بسرعه
مينا: يله اني جاهزه
طلعنه بسياره وصلني دخلت للمدرسه وهوسه كل وحده ادور عله اسمها تلكتني ساره (صديقتي)
هلاو حب
مينا: هلا سروش لكتي اسمج
ساره اي لكته واسمج هم ويايه بنفس القاعه
مينا: اهاا خوش و نور
ساره: لا بالقاعه الي بصفنه
مينا: تمام
شوي ورن الجرس ورحنه. نركض للقاعه امتحنت وطلعت انتظرت البنات لمان طلعن واجتمعنه وطلعنه سويه للبيت ومشت الامتحانات ع نفس الروتين لمان اجه اخر امتحان رحت امتحنت وبقينه بالمدرسه نودع بعض وكذا تعرفون اخر امتحان فرجعت متأخره
مينا: رجعت من المدرسه متأخره فتحت الباب الخارجي مالت الحديقه وتفاجئت البيت هوسه شفت بابا واكف يم باب الاستقبال ويبجي رحت اركض علي كتله شكو بابا شبيك تبجي شصاير
ابو عمار: ماكو شي بابا جدج مريض وجابو لهنا لان باالعراق مدا يسووله شي بلكي هنا يعالجو
مينا:(وبعيني الدمعه لان جدو كلش يحبني و اني هم جنت كلش احبه) بابا لاتبجي فدوه الي كاتبه الله يصير ان شاء الله تاخذونه لدكتور زين ويعالجه
ابو عمار: ان شاء الله بويه يله تعالي سلمي عله جدو وعمج
مينا: دخلت لكيت جدو حالته كلش سيئه ماتوقعته هيج سلمت علي وبست ايده وراسه وهو يادوب يحجي ورحت سلمت على عمي حسين(ويصير ابو تقى) وبست راسه لان هو الجبير
عمو حسين: هلا عمو شخبارج كبرانه وصايره مره (طبعا احنه العراقيين منبطل سوالفنه كل ما نشوف واحد كبران شوي لازم نكول صايره مره واذا ولد صاير رجال)
مينا: اي عمو شعبالك لعد
سمعت صوت ورايه لتفتت وشفت ولد طول وجسم رياضي معضل حنطاوي وعيونه صفر شعره بني
مينا:.............
هلاو حبايبي هايه قصتي الاولى شي من حقيقيه وشي اضافه من عندي حتى انطي نكهة للقصه اتمنى تعجبكم ودعموني واتمنى اذا اكو اي خطأ تكلولي والي عدها شي تحب اضيفه للقصه عادي ♡🥺🧸
YOU ARE READING
انقذني لكي لا اصبح فصيله
Teen Fictionلا سلطـة لنـا على قلوبنـا هى تنبـض لمـن أرادت ...!"
