خصلة شعر ﴿الأصلية﴾

﴾part36"بارت٣٦﴿

بقلمي : مريم الـثامر
خصلة شعر
قراءه ممتعه
___________________
ثم اني احب ان احيطك علماً بأن :
ضحكتك محفوظة بأقصى تجاويف قلبي
واني احافظ عليها كـأعز تـذكـار لـدي مـنـك
هو النعمة الذي اغمض عيني في نهاية كل يوم
واعدو ان لا افقده ...
-روسلين : گاعدة ومالي خلگ احد ومابيا اطلع من الغرفة والتم مع الأهل واراسلة ماكو
يابة شاغت روحي ايمتى ترد عليا
ومايرد ظل بالي مشغول عليه
مابيدي غير رحت توضيت وبقيت اصلي وادعي من الله واقرة قرآن
صاحوني عالاكل مارحت ولااكلت ولاشربت شي واني ساجدة عالسجادة ادعي اجاني اشعار فزيت وكملت دعائي وركضت لزمت الفون دشوف من منو
رقم غريب مدري منو
-الووو
-روسلين : منو ؟
-اني سكينه تتذكريني
-روسلين : يا سكينه بنت اخت صميم
-سكينه : اي اني
-روسلين : هلا سكينه شلونج
-سكينه : بخير الحمدلله وانتي
-روسلين : الحمدلله
-سكينه : عندي موضوع مهم وياج
-روسلين : خير إن شاء الله احجي
-سكينه : خالي يريدج بعده
-روسلين : خالج تزوج ومرته حامل
-سكينه : ادري بس الشرع حلل أربعة
-روسلين : ومرته شنو ذنبها وهيا حامل
-سكينه : من تجيب
-روسلين : مستحيل اوافق اخرب بيتها
-سكينه : لا منو گلج هيا راح تعرف
-روسلين : شون رجلها يتزوج عليها وهيا متدري
-سكينه : بالسر وانتي تباتين عدنا وبحجه الشغل يجي يومين عندج ويومين عدها
-روسلين : ماحب المشاركة اني
-سكينه : يطلگها بس بشرط انتي تربين الطفل الي راح يجي
-روسلين : شنو ذنبها تطلگ وشنو ذنب البيبي يبتعد عن امه ورضاعتها
-سكينه : والحل شنو
-روسلين : باعي سكينه اني متزوجة
-سكينه : هو عقد وصور وشگيهن
-روسلين : مو مال اشگ الصور لا والله اشگ راسي واطلع خالج وانعل ابو احساسي حبيت غيرة بشر لو ميصير الهوى مايوصل لـصوته !
عوضني ربي بـ بشر لو غيب عنه شبر يعلن خبر موته
-سكينه : براحتج مااضغط عليج اني
-روسلين جيت حتى اكتبلها بيباي اجتني رسالة من من ذوالفقار
-ذوالفقار : شلونج لبوتي
-روسلين : مدري
-ذوالفقار : مشتاكلج
-روسلين : كفي تعال
-ذوالفقار : مگدر هسة ليش متعشيتي
-روسلين : شدراك
-ذوالفقار : عنج كلشي اسئل
-روسلين : گاعدة وحدي ومهمومة
-ذوالفقار : كل لحظة دتخيلج يمج
-روسلين : ترة فاضت عيوني
-ذوالفقار : اروح فدوة لدموعج
-روسلين : خايفة عني انت وين
-ذوالفقار : صافن بصورتج ترة اني ببعدج حالي مو زين
-روسلين : بس تجي ماخليك بعد تروح شبر بعيد عني
-ذوالفقار : ارجعلج لاتخافين بس الله اليعلم شكثر مشتاگلج
-روسلين : اكو بنات هناك
-ذوالفقار : اي اكو
-روسلين : ممممم
-ذوالفقار : باعي حبيبي  الاكتفاء بالحب يخليك تبتعد عن الخيانه فـشنو اذا اكتفيت بعشقكك حتى لو جان بعيد ماتشوف أحد غيرة
-روسلين : احبك اني
-ذوالفقار : لا متحبيني لو تحبني متبقين روحي جوعانه
-روسلين : اني روحك ؟
-ذوالفقار : وأكثر من روحي احبج يلا لبوتي گومي اتعشي وتعاي
-روسلين : صار تأمر أمر انت
شافها ومارد
گمت رحت تعشيت وتونست مع خالتي سمر واسراء وسويت كيكه صورتها ودزيتها لـ ذوالفقار واخذتلي قطعة ورحت لغرفتي
-ذوالفقار : ادري ماراح يبقى من اجي لازم تسويلي كيكة بس الي اليذوگ منها اكسر ايده
-روسلين : تدلل بابا
-ذوالفقار : اكلج حبيبي
-روسلين : گول
-ذوالفقار : ماكو احد يمي نصعد فيديو
-روسلين : لا خاف لاتاخذلي سكرين وتنشره
-ذوالفقار : اي واكتب عليها هاي مرتي مانطتني خمس ملايين عود نشرت صورها
-روسلين : هههههههه واتصلت عليه فيديو
-ذوالفقار : اخخ گلبي
-روسلين : سلامة گلبك
-ذوالفقار : النعمة الجوى خشمج شون اوصللها
-روسلين : صرت اسوي حركات بشفايفي واعض بيهن
-ذوالفقار : احترگو اهلج يولي لتسوين هيج خرببيومج يولي گعدي راحه ترة اشولفي وحدة منا منا ابوسها
-روسلين : عود ترضاها على نفسك شيافيك يلامسون غير شفايفي
-ذوالفقار : اتفل عليهم لو باسو غيرج
-روسلين : ايمتى ترجع
-ذوالفقار : مدري والله
-روسلين : اممممم
-ذوالفقار : جان كلش عاجبني اخذج ونروح لـنص بغداد بس مو بهذا الجو بجو شتائي ممطر اجيبلج ورد احمر مثل لو شفايفج ونزور المتنبي وندور سوى على كتاب قواعد الحب واكلج كسرت القواعد عيونج وناخذ صورة يم باب الشبندر نشرب گهوة مُرة وحلاوتها عيونه نگعد على دجلة وندندن شمسين واكلج عيون الناس تحسد كل حبيبين ونروح ناكل بدربونه اكل بغدادي ونروح نزور الامام ونصلي ركعتين وندعي للأهل والأحباب ويتسجل هذا اليوم اجمل ايام العمر
-روسلين : بجيتني ترة ايمتى ترجع ونتلاگه بوسط موصلنا
شافها ومارد
حسيت بشي غريب من شافها ومارد دزيتله هواي مسجات ومارد گلبي صار يدگ بالحظة الف دگه وجسمي كله يرجف وشفايفي بردت وحسيت گلبي وگف ركضت برى الغرفة واريد اروح لـغرفة عمتي رجليا بعد تغوشت عيوني ووگعت گدام باب غرفتها وبعد محسيت بنفسي
-إسراء : طلعت من المطبخ وگاعدة اگلب بالموبايل ولمحت احد متممد خفت وصيحت بأعلى صوتها وشفتها روسلين يمةةةةة روسلين ماتت الحگونة روسليييييين
-سحر : يمة صيحي رجلج خلياخذنه للمستشفى
-إسراء : موبالبيت يمة مو بالبييييت طلع عنده شغل ضروري
-سحر : ولج روحي عيطي بالفرع صيحي على أحد يلحگنه ولج راح تروح من أيدينا ولج ركضي
-إسراء : ياعالم ياناس الحگونه معدنا زلمة بالبيت الحگونه
التمو الجيران واجت نرجس وبناتها ومسويات روحهن يبچون عليها واني شفتهم بعيني شون يضحكون من جوى لي جوى
اجه زلمة ديشيلها
-إسراء : والله وماخليك انت تشيلها وخرو
شلتها وخليتها بالسيارة واسعفناها للمستشفى
ودخلوها لغرفة وبعد شويا طلعت الدكتورة
-سحر : ها يمة شبيها روسلين
-الدكتورة : تعبانه واعصاب وصار عدها هبوط وعدها فقر دم
-إسراء : ايمتى ناخذها للبيت
-الدكتورة : اليوم زحمة لازم تبقى تحت المراقبه باجر اجي اجيك عليها ونقرر لا نخرجها لو تبقى
-إسراء : تمام دكتورة شكراً
-الدكتورة : بس روحي ادفعي مصاريف المستشفى
-سحر : صار يمة هسة ندفع كل المصاريف
-إسراء : زين دكتورة ايمتى نگدر نشوفها
-الدكتورة : انطيتها مهدء هسة باجر الصبح طبولها
-إسراء : يمة رجلها ميعرف بحالها
-سحر : لاتگليله هسة لا يتسودن بهاليل
-إسراء : تمام ماراح اگله اني دروح ادفع المصاريف اجيبلج شي وياية
-سحر : بطل مي
-إسراء : من عيوني
مشيت خطوتين دگ تلفوني
-إسراء : الو ها احنه بالبيت يعني وين شنو اهوووو مو امك متقبل اگلك اني مااحجي الزم حاجيها
-سحر : منو
-إسراء : ذوالفقار
-سحر : الو ها يمة
-ذوالفقار : يمة مرتي وين
-سحر : بالمستشفى
-ذوالفقار : ليش يمة شصاير
-سحر : مدري يايمة والله مدري اسراء شافتها واگعه واسعفنها
-ذوالفقار : الدكتورة محجت مگالتلكم شي
-سحر : گالت اعصاب وهبوط وفقر دم
-ذوالفقار : هسة جايكم اني
-سحر : وين تجي ياوليدي لاتخاف احنه يمها
-ذوالفقار : لا يمة مگدر اعوفها وحدها بالمستشفى هيا ٥ ساعات واصل
-سحر : بكيفك بس والله ماله داعي
-ذوالفقار : محتاجة شي
-سحر : سلامتك وليدي
-ذوالفقار : بالج عليها يوم هاي روحي لو يصير بيها شي اموتن بعدها يمة
-سحر : اسم الله عليكم وليدي
-ذوالفقار : يلا اني اتوكل هسة
-سحر : الله وياك وليدي
-إسراء : ها يمة شيگول
-سحر : بعد خمس ساعات راح يصل
-إسراء : الساعة هسة ١٠ ونص الليل يعني الفجر يصل
-سحر : گتلو لا تجي بس هو اصر
-إسراء : چا شلون يمة غير مريته ويحبها
-سحر : ذوالفقار ابني وأعرفه ماحاب وحدة مثلها ابد
-إسراء : ابنج وانتي ادرى
-سحر : لو اني جنت بدالها مجان يعوف شغلة ويجي
-إسراء : يااااا هسة طخت عندي ذوالفقار ابد ميعوف الواجب شعجب هسة رجع
-سحر : غير علمودها هاي المصگوعة
-إسراء : عين الحسود بيها عود
-سحر : شقصدج ولج اني احسد ابني علمود مرته
-إسراء : يمكن غيرانه
-سحر : لا وحق كلمن الا حق بالعكس فرحانه كلش بعد شريد من الله بعد غير راحتهم وانتي تدرين شگد تعذب والله عوضة بـ روسلين
-إسراء : تصدگين والله
-سحر : يمة نعسانه وين انام
-إسراء : امشي هاي الغرفة اني هم دنام من الغبشة راح يجي ابو خابصها ويخبصنه خبص
-سحر : هههههه نزول عليج
____________________________
لـلحكاية بقية
لاتنسون التصويت + متابعة للحساب
احبكم اني 🥹❤️