#استيقظ وبعد ساعه كان جاهز للذهاب الى الجامعه نزل عبر الدرج بهدوء غير معتاد
لين:فؤاد صباح الخير
فؤاد بي برود:صباح النور
لين:مالك بتقولها من طرف خشمك كده😒....طنشها ومشى
ندى:مالو اخوك
لين:بري م عارفه ليهو كم يوم ☹️
ندى:يمكن زهجان من ضغط القرايه كلها فتره ويرجع
لين:ياريت يلا طالعه المحاضره باقي ليها ساعه
ندى:الله يوفقك
وصل القاعه وقعد في اخر بنش ....بعد دقايق اصحابه جو لاحظه انه متغير حاولو يسالو عن السبب بس م جاوب شويه والدكتور دخل
وسيم:فؤاد م ممكن معاك مالك انت الايام دي
فؤاد:اصلا نت م حتريحني الا احكي ليك
وسيم:اصلا بيستك على شنو🌚
فؤاد:طيب نهاية اليوم بوريك
وسيم:اوكي....نهاية اليوم وبعد خلصو محاضرات وسيم ركب مع فؤاد وقرر يمشي معاهم بيته
"في شدة فقط نعرف من هم الاصدقاء الحقيقيون اما وقت الفرح الجميع اصدقاؤك"
فؤاد:نت لسه مصر
وسيم:يب🌚
فؤاد:طيب قبل كم يوم مشيت لي مستر ماجد في الشركه
وسيم:ابوووك😒
فؤاد:ياخ اي ابوي المهم مشيت ونا زهجان وطلبت منو يوريني مكانها
وسيم:انت لسه م نسيتها??!
فؤاد:وسيم انت غبي مستحيل انساها
وسيم:طيب طيب وابوك قال شنو
فؤاد:كورك فيني وقال لي وديتها مستشفى امراض عقليه عشان تتعالج طلبت منه اسم المستشفى بس رفض يوريني كوركت فيهو قام عصب علي واداني كف قدام الموظفين وطردني من الشركه وطلب مني م اجيها الا لمن استلم شهادتي وما افتح معاهو الموضوع تاني💔 نا بموت ياخ م ممكن يكون ظالم كده طول عمري ونا بقول حيتغير بس مستحيل يتغير دايما بحب يتحكم فينا وانا بالذات بذلني وبضربني عمره م راعى انه انا بقيت كبير حياته م عاملني كولده مهما عملته م بعجبه ياخ انا بكره شديد وكرهته زياده لانه م عارفه طفش البت المسكينه في ياتو مستشفى سالت عنها في كل المسشفيات م لقيت اسمها..وسيم ربت ع كتفه بي حنان وكانه بقول ليك انا معاك
وسيم:اهدا ي صحبي كل شئ بتحلى بالرواقه بس انت اسي انتبه لي قرايتك عارف ابوك لو رسبت م حيخلك في حالك
فؤاد:معاك حق اخلص من الامتحانات بعد داك حشوف موضوعها تاني م حرتاح الا القاها
وسيم:طيب اعمل البريحك....رايك شنو نقعد نقرا 😉
فؤاد:قدام...وقعدوا يقرو وبعد خلصه وسيم رجع البيت وهو بدعي للسعاده لي صحبه وانه الله يريح قلبه
كانت تجلس ع كرسي العلاج وكانت صديقتها قربها تمسك ايديها وتحاول ان تخفف عنها الم الكيماوي💔....بعد ان انتهى العلاج كانت في حاله يرثى لها من التعب
هيام:هانت ي قلبي كلها ايام ترجعي احسن من الاول
ملك بي تعب:يارب💔....تشعر بالندم الشديد هذه هي صديقتها التي حاولت ان تخرب حياتها مع زوجها تقف بجوارها وتقويها لم تسمح لوالديها ان ياتيا وخصوصا والدتها لا تريد ان ترى العجز والحزن في ملامحها 💔
اتصل باخته لتخبره ماذا حدث مع صديقتها اخبرته انها تتالم اخبرها ان الامر عادي ولكنها ستكون بخير ...بعدها استعد ليتجه الى غرفة العمليات
-ي دكتور نحن نقفد المريض اصبح نبضه ضعيفا
همام:لا لن نفقده تبقى القليل ....بعد ساعات انتهت العمليه خرج همام الى اهل المريض وهو ينظر الى الارض لا يدري كيف سيخبرهم
والدته:هل هل هو بخير هل نجحت العمليه
همام:فعلت م بوسعي ولكن ابنك دخل في غيبوبه
والدته بانهيار والدموع بعينيها:م ماذا متى سيتيقظ
همام:لا ادري...حاول ان يطمئنهم ولكنهم كانو في حاله يرثى لها
رامز:خلاص ياخ انت عملته العليك
همام:كان لازم اعمل اكتر
رامز:مش انت قلت قرب يموت معناها انت انقذت حياته وانا متاكد حيقوم من الغيبوبه
همام:ان شاء الله
رامز:يلا بلاي افردها انا ماشي وراي شغل
همام:طيب....بعد يوم شاق كان المنزل هو وجهته استلقى على سريره بعد ان اخذ دشا منعشا ...ولاول مره يفكر بشئ لم يفكر به من قبل هل حياته مثاليه مثل م يراها الجميل هو طبيب ناجح وثري جداا يثق تماما ان الالاف يتمنون مثل حياته ولكنه ولاول مره يشعر ان هناك شئ ينقصه ابتسم وطرد هذه الافكار السخيفه من راسه ونام....في صباح اليوم التاني واثناء م هو موجود في مكتبه ورده اتصال من شخص لم يتوقع اتصاله ابدا..
همام:الو ...اي انا همام...متين....طيب بحاول اجي ...ححجز اقرب طياره...في ياتو مستشفى ...طيب ..يلا....اتصل باخته
هيام:انيشتاين بتصل دي معجزه دي😂😂
همام:هيام انا حرجع السودان
هيام:ك كيف في شنو
همام:جدي مريض شديد وانا لازم امشي اشوفه
هيام:جده منصور???!
همام:اي
هيام:حجي معاك😢
همام:جنيتي انتي خليك هنا نسيتي انك حامل
هيام:بس☹️
همام:ولا كلمه خلاص انا حشوف اقرب حجز وامشي وحتصل اطمنك
هيام:طيب....قفل منها وحجز عن طريق النت الطياره كانت موعدها بكره
ديفيد:حسنا ولكن متى ستعود
همام:لا ادري تماما ولكن علي الذهاب
ديفيد:ولكن انت دكتور مهم ولديك مواعيد مع المرضى
همام:نعم انا مهم ولكن لست الوحيد هناك دكتور رامز ايضا
ديفيد:اه حسنا يمكنك الذهاب ولكن حول تقارير المرضاك الى دكتور رامز
همام:سافعل بتاكيد...خرج من المكتب وتنهد براحه انه استطاع ان يقنعه.....ينتظر النداء على رحلته وبجانبه رامز وهيام وباسل لتوديعه....بعد ان ودعهم وصعد الى الطائره كان يفكر كيف سيستطيع ان يتحمل سيل الذكريات التي ستنهال عليه عندما يذهب الى بلده والى منزل جده فقد قضى معظم حياته هناك مع والديه والان هو عائد ولكن لن يستقبلوه كعادتهم💔تنهد بحزن وتكأ على الكرسي وهو ينظر الى السحاب عبر النافذه..
*#ننكر ماضينا ونحاول ان ننسى الذكريات الحزينه فيه ونعيش على امل اننا نسيناها وفجاءه ياتي شئ من الماضي لذكرنا ونعود الى نقطة الصفر💔..*
--------------------------------------
---------------------
*☆يتبــــــــــــــــــــــــــــــــــــــــــــع☆☆*
*بــــــــــــــيــــــــــــــــــــجــــــــــــــة*
