#جاء الليل بوشاحه الاسود وجعل الجميل يغط في نوم عميق😴💜......الا ان هناك شخص لم ينم لانه كان يرى كابوس مرعب...كانت تركض في فزع وهي لا تدري الي اين تذهب لم يكن حولها سوا الظلام وحينما توقفت لتلتقط انفاسها..سمعت صوت رصاص اخفضت راسها وهي تصرخ من الهلع...امسكت راسها...ووجدت نفسها مازالت في تلك الغرفه الكئيبه
انا:نفس الكابوس تاني💔..اووووف اوووف صوت رصاص صوت رصاص ظلام سلالم ....في شنو راسي واجعني ياااخ ااااخ صداع 💔💔 ....م عارفه قدرت ارجع انوم متين بس المهم جاء الصباح البائس الليله كان يوم نطلع الحديقه
الممرضه:يلا قدامي...مشيت بي هدوء وقعدت تحت شجرتي المعتاده ..كنت بفكر في الكابوس شويه وحشيت ليك بي زول واقف وراي اتلفت ولقيته الغبي داك بسس ياهو مجد الحاول يعتدي علي💔
مجد:الحلو مالو قاعد براهو😏
انا:انت م عندك كرامه ولا م بتوب..(الجبهة بح😂)
مجد:هه متوحشه ..انا حاسس انك م زيهم والله فعشان كده حقول ليك شئ حيعجبك😉😉
انا:شنو
مجد:بعرف كيف اطلعك من هنا
انا:بالجدد😍
مجد:يب يعرف مخارج الشفى كلها بس بشرط😉
انا:شنو هو...قرب مني ولمس شعري
مجد:اخد المقدرت اخده المره الفاتت..م تفتكري خفت منك بس سمعت صوت خطواط قلت احسن انسحب واجيك تاني بس شكله دكتوره نهال مشدده عليك الحراسه....بعد القالو د انا عيوني بقو شرار من الغضب قمت ع حيلي او شئ واديته بكوس في بطنه الكف موضه قديمه اصلا..وشلوت قوي في كراعه قعد يكورك عاينت يميني لقيت حجر ضربته في راسه لمن نزف جاء يمسكني زحيت بي سرعه جيت وراهو ضربته بي كراعي في ظهره بحركه سريعه م عارفه عملتها كيف🌚💔..خت يده محل الضربه وبقى بنبذ وبكورك كانت ماشه اضربه تاني لو ما الممرضات جو
انا:فكوننني ي متخلفين والله الليله الا اقتله الحيوان التافه الحقير زحوا مني ياااااخ😤😤😤
مجد:والله ي حيوانه المره دي م ارحمك😡...جات دكتوره نهال جاريه لمن وحده من الممرضات حكت ليها الحاصل بره
نهال:مجددددد في شنو مالك مع المريضه 😤
مجد:دي وحده مجنونه ساي براها قعدت تكورك وتتجنن فيني بالجد مجنونه😏(عان الكضببب🌚💔)
انا:نا م مجنوووووونه ياخ م مجنونه انتو انتووو جننتوني وانت ي حقير ي كذاب حاولت تعتدي علي عايز تنكر ي..قاطعتني د.نهال
نهال:بس بس اخرسي انتي م عندك شئ غير الكواريك يلا ودوها غرفتها ...مسكوني اتنين بقيت بقاوم فيهم عفصت وحده في رجلها والتانيه ضربتها في وشها وجريت جهة البوابه
نهال:انتو ي طير امسكوها م تخلوها تطلع بسرعه 😤...باقي الممرضين جو بي وراي ونا شفت وزدت السرعه البوابه كانت فاتحه عشان العربيه البجيبو فيها مجانين جداد المهم المستشفى بقيت في حالة فوضى ..بس للاسف في اخر لحظه البوابه اتقفلت مسكت البوابه وبقيت بكورك
انا:لالا افتحوا افتحوا عايزه ارجع بيتنا انا م مجنونه 😤😡.... بقيت بضرب في البوابه بي كراعي لمن اتورمت جو الممرضين ومسكوني ونا بقاوم فيهم..بعد م جدعوني في الغرفه جات داخله الزفته ديك ااااي نهال 😒
نهال:تضربي دكتور وتحاولي تهرب اممم الظاهر في تطور مالك فجاءه تاني هجتي م كنتي هاديه ليك فتره
انا:الهدوء م قبل العاصفه ي دكتوره ي محترمه😏..قلتها بي طريقه مستفذه
نهال:انتي م حتتادبي ابدا شكلك بس انا بعرف دواك...جيبوها الكلبه دي😒..فعلا سمعوا كلامها وساقوني بالسلام طبعا عارفين وين اكتر غرفه بكرهها... بعد فتره م عارفه كم طلعوني من غرفة الكهرباء وطبعا كنت منتهيه رموني في غرفتي في الارض ولا حتى كلفه نفسهم يختوني في السرير💔💔
نهال:انت م حتبعد من البيت دي يعني 🙂
مجد:ياخ مزززه لو م كانت بتتكلم سوداني كنت قلت دي اجنبيه🤤❤️...وبعدين للمره الالف لي مهتمه بيها كتير كده يعني م هي في النهايه وحده مجنونه مفف زول بزورها اصلااا
نهال:مجد شوف كل البقدر اقوله ليك البت دي وراها ناس كبار كباار شديد لا انا ولا انت بنقدر نواجههم لو حصل ليها شئ فاهم
مجد:الناس ديل منو كمان😳
نهال:انا زاتي م بعرفهم انا بعرفهم عن طريق وسيط بس عشان كده ابعد منها
مجد:اووف م كنت قايل الموضوع كده طيب حبعد حبعد
نهال:كويس...(معلووومه عن مجد طبعا هو تافهه زي م عرفتو وبستغل المرضى وبحب شكله شديد وبخاف ع روحه يعني مستعد يعمل اي شئ بس يكون بي خير ومغرور )
#كانت تجلس خلف مكتبها وتلس برقه بطنها رغم انها تدري انها في الشهر الاول فقط ولكن تريد ان تشعر به ينمو داخلها 💕....ابتسمت وهي تتخيل اذا كان صبي ام فتاة ...تستيقظ من سرحانها بطرقات على الباب تقف من خلف مكتبها بعد ان تاذن للطارق بدخول ظنا منها انه مريض ولكن م راته مفاجاة غير سارة بالنسبه لها💔..
هيام:بتعملي شنو هنا اتفضلي اطلعي بره ...ومشت عليها ومسكتها من يدها ع جهة الباب
ملك:هيام دقيقه اسمعي بس
هيام:اخرسي ي واطيه م اسمع صوتك نهائي يلا بره😤😤
ملك:هيام اا...وطاااخ لقت الباب اتقفل في وشها(اححح حزينه جدنن 🐸)
هيام:ااوف ياخ دي الجابها شنو م صدقت خلصت منها
هيام طلعت وهي متضايقه شديد اول م طلعت بره العياده شافت ملك قاعده في الارض وشكلها حزين ومكسوره والدموع بتنزل منها💔...اتجازتها بي برود ومشت على عربيتها ملك اول م شافتها جات جاريه عليها
ملك:هيام عايني اسمعيني انا ..قاطعتها
هيام:ي بت انتي م عندك شويه كرامه شويه بس يعني م ممكن معاك .....
#بينما هو متجه الى مكتبه بعد عملية متعبه وجدها هناك
همام:هيااام انتي الجابك المستشفى شنو في شنو😳😳
هيام:😭😭😭😭😭💔...قعدت تبكي وحضنته
همام:في شنو اتشاكلتي مع باسل تاني
هيام:لا لا دي ملك
همام:مالها ملك مش دي صحبتك
هيام :اي بس😢😢💔
همام:هاك اشربي واهدي واحكي لي
هيام:ملك هي السبب في مشكلتنا انا وباسل
همام:كيف كيف طيب احكي ...وحكت ليهو اي شئ
هيام:بس هي ليها فتره كانت اختفت حتى قلت خلصنا منها بس الليله جاتني في العياده و💔😭
همام:ياخ م تبكي احكي عملتي شنو
هيام:م م عملت حاجه هي جات تعتزر وكانت بتبكي ولمن ركبت العربيه وكنت حمشي قالت انها عندها كانسر💔
*#جرحتني ي صديقتي بخنجر من ظهري واليوم انتي ع وشك الموت ماذا افعل هل اسامحك ام لا 💔..ولكن صعب ان انسى م فعلته لمن يكن سهل ....تبا للحياة التي تجعلنا في ظروف صعبه لنتخذ قرارات اصعب.*
--------------------------------------
---------------------
*☆يتبــــــــــــــــــــــــــــــــــــــــــــع☆☆*
*بــــــــــــــيــــــــــــــــــــجــــــــــــــة*
