حواديت روان أحمد«نِجُوم»♥️✨

10 - زوج قفوش.

- سيف .. يا سيف قوم بسرعة.
= أيه فى أيه الإنسان ميعرفش ينام فى ام البيت دا؟
- قوم بسرعة لقيت وصفة لماسك جديد عايزة اجربها بسرعة مفيش وقت للتفسير .
- طب أنا ذنب أمى أيه ما تجربي أنا مالى!!؟
- و اللَّهِ! أومال أنا متجوزاك ليه؟ مش عشان اجرب وصفاتى على وشك قبل ما احطها على وشى؟
قام و مسكنى من طرف التيشيرت - و حيات أمك مين دا اللى يتحطله ماسك!!
- لا دا واضح أن أحنا مينفعش مع بعض أنا متجوزاك عشان أخد لبسك و اجرب عليك الوصفات اللى بشوفها لكن قدام أنتَ مش عايزنى أحطلك الماسك اللى هيخرب وشك دا انت تطلقنى حالًا بقا .
- شايفة الباب اللى هناك دا !!
- ماله!
- تطلعى منه و مشوفش وشك غير لما اصحى عشان مقمش أخرمش وشك على الصبح انا فاضي للعبط دا !!
- طب أيه رأيك بقا أنك هتحط الماسك يعني هتحطه!
- و أنا قولت مش هحطه يعني مش هحطه.
- طب لو قولتلك هعملك مكرونة بشاميل النهاردة و هبعد عنك طول اليوم من غير نكد؟
- هاتى الماسك بسرعة مفيش وقت للتفسير.

after 10 minutes ..

- هو وشي بقي اصفر كدا ليه؟
- متقولش على نفسك كدا دا انت بقيت منور.
- أستغفر اللى العظيم يا بنتى الاصفر دا مبيطلعش ليه!
- ما هو مش هيطلع عشان بعد ما حطيته أكتشفت ان المفروض احط كركم جسم .
- نعم يا روحمك!!!!!!! يعني أنا بقيت سيف الاصفر !!
- تقريبًا كدا آه..
- تقريبًا كدا آه أيه الله يخربيتك كان يوم مطلعتلوش شمس يوم ما اتجوزتك هنزل الشغل ازاي أنا دلوقتى!!
- البس نقاب سهلة أهى.
- بتستظرفي يا روان !!! و اللّه أنا تعبت منك و مش عارف اعمل فيكِ ايه يا رب صبرني.
- أستهدى بالله بس كدا مكنش حتة ماسك اللى هيوقع بينا يا جدع أومال لو عرفت أن حرقتلك قميص الشغل كنت هتعمل ايه الحمدلله أنا كويسة متقلقش.
- قميص أيييه !!!!
أستوعبت أنا قولت ايه دلوقتى فحاولت أبعد و انا بقول
- ق..قميص الشغل .
عض شفايفه بعصبية و قال - أشوف فيكِ يوم يا بنت عم احمد غوري من وشي دلوقتى.
- سيفو حبيبي هو انا لو قولتلك عايزة اجرب ماسك تانى فى وشك عشان صحبتي عايزة تحطه بس خايفة هتقول أيه؟
حك دقنه و سألنى - طب لو قولتلك أطلعى برا عشان مقوملكيش اطلع عين اهلك هتقولى أيه؟
أبتسمت - هقولك بحبك يا نو العين طبعًا .
- طب أطلعى برا يا نور عيني بقا.
- بردوا مش هتجرب الماسك التانى !
- أطلعى برااااااا.
#تمت
#روان_أحمد
#يوميات_زوج_قفوش
| بصراحة كدا أنا عايزة اتجوز عشان أحطله ماسكات زي ما بشوف فى التيك توك ها ومتنساش تعمل لاف و رأيك مهم يا جامد 😂♥️♥️♥️♥️|