في بيت ابو عبدالله
في المطبخ عند البنات
الهنوف : وشفيك تبكين لايكون تبينه!
ريم وهي تبكي : لا بس ابوي
نوره : خلاص عمي بيرفضه
ريم وهي تبكي : بس بيزعل علي
ملاك : لا ماعليك ماتوقع يزعل
ريم ببكى : ماتعرفونه انتووو بيزعللل علي
غزل : ليه يزعل هو الي بيتزوج او انتي ؟
ملاك : اسكتي انتي
غزل : شدخلك انتي!
منيره : خلاص ريم لاتزعلين عمي اكيد بيزعل بس مابيطول بيرضى بالامر الواقع بالاخير
سكتت ريم بحزن
العنود حضنت ريم : خلاص ريومه حبيبتي لاتزعلين ان شاءالله عمي مب زعلان عليتس
الهنوف : لا والله بس العنود تحضنها حتى انا بحضنها!
منيره : وانا بعد
نوره : واناااا
ملاك : انا اول وحده بعدوو
غزل : على كيفكم وانااا
حضنو كلهم ريم وهم يبتسمون ومبسوطين ببعض
ابتسمت ريم وهي مبسوطه بعودة علاقتهم ببعض نفس قبل لانها تحبهم وتعتبرهم نفس خواتها واكثر
——————*—————-
في بيت ابوعبدالله
في الدكه
ابوعبدالله : ياااابنااات
الجده نوره : وشتبي فيهم؟
ابوعبدالله : يزينون الشاهي للعيال
طلعت الهنوف : هلا عمي
ابوعبدالله : سووو شاهي للعيال
الهنوف : تما... ابشر
دخلت على البنات بالمطبخ وقالت : خلاص عاد 3 دقايق واحنا حاضنينها وشذااا
غزل : صادقه خلاص
ريم : الحمدلله انكم بنات عمي
ملاك: صدق الحمدلله
الهنوف : وحده منكم تسوي شاهي
منيره : لا والله وش شغلتس انتي؟
الهنوف جلست على الارض : عجزانه
منيره : اذا ماسويتي بقول لابوي ترا
الهنوف : طيببب قوليله عادي
ملاك : عمي قالك انتي روحي سويه
قامت الهنوف : اففف منكم بسويه خلاص!
غزل بضحك : غصببب
الهنوف : لا والله؟ شرايك تسوينه انتي لأن اصغر القوم خادمهم
منيره : صحححح سويه انتي لاشغل ولا مشغله بس تحش في الرايح والجاي
غزل : شفففف من يتكلم تراك كبرررري ياماما لاتسوين كبيره على راسي
نوره : اقول سويه يالهنوف ولايكثر
الهنوف : مالت عليكم بس ليت الكل مثلي سنننع
ضحكو كلهم عليها وطلعو للمجلس
——————*—————-
في المجلس عند العيال
دخل نايف والابتسامه شاقه وجهه
سعود : شفيها الابتسامه شافه وجهك شصايير
نايف وهو مبتسم : ماتبوني ابتسم بعد
محمد : لا بس نسأل وش ورا ذا الابتسامه
نايف وهو وده يطيرر من الفرحه : لا مافيه شي الا مادررريتو؟
العيال كلهم : وش
نايف : انتو تدرون ان واحد خاطب ريم بنت عمي سعيد صح
فيصل : لاماندري متى صار اصلا؟
عبدالله : ماخطبهااا رسمي
سعود : وافق عمي طيب ؟
نايف بفرحه : هو كان يبيه بس امي نوره عييت
عبدالرحمن بفرحه : صدق ؟؟
نايف وهو مبتسم : اييي
محمد ابتسم : الحمدلله
خالد : طيب شفيكم مبسوطين لذي الدرجه يعني ماتبونها تتزوج
سعود : وليه عييت امي نوره؟
نايف : مدري والله بس اشوا انها عييت
فيصل : ليه؟
نايف : الولد بيني وبينه مشاكل من قبل وماحبييته وزين ماخذا من بناتنا
سعود : طيب عمي يدري ان بينك وبينه مشاكل
نايف بضيق : اي
فيصل : اجل ليه وافق عليه وهو يدري ان ولده اخوه متهاوش معه؟
محمد : خلاص اهم شي مهب ماخذها ماعلينا من الباقي
سعود : شرايكم نروح للمزرعه كلنا من زمان ماجيناهاا
الكل : تم
خالد: انا مارح اروح معكم بنام
فيصل : اذا راحو عمامي والاهل كلهم بتروح غصب
خالد : وشدخلك انت فيني
فيصل : اخوك الكبير! وابوي اصلا بيجيبك غصب
انسدح خالد : خلوني انام بس
