إنجاد ألغياث (متوقفه)

البـارت " الخـامس

روايـة:- إنجاد ألغياث..
للكاتِبه:- شَمسِ..
إنتبـاه:- البارت خالي من الأحداث الخياليه..
............................................................
بَعد مرور ٣ ايام من الحادِثه الاخيره..

كاعده بغرفتي ومطفيه كل الاضويه وسماعاتي بأذني اسمع قُرأن.. وراسي وسط رجليه وتايهه بتفكيري..

كُل شيء صار بهلسبوع اخذ ثلث ارباع حيلي..
سواية غيد التكسر الضهر.. ووجود حمزه بحياتي فجئه..

بس اجه طاريه براسي.. وگف صوت القرأن وشتعل صوت نغمة الرنين.. تعلن إتصال حمزه..

سميت بأسم الله وجاوبته..

اريج.. تحمحمت بصوت مبحوح.. الو..

حمزه.. بنبرة خدر.. ياهلا بهلصوت..

اريج.. ستغربت راسي فتر.. هذا شبي شلون يحاجيني هيج..

اريج.. بصوت حاد.. خير حمزه؟

حمزه.. بنفس النبره.. يابعد اهل وطوايف حمزه..

اريج.. وجهي صار طماطه بقيت صافنه وماعرف شجاوبه..

حمزه.. يولي ليش هيج تشلعين بگلبي والله شاريج واريدج..

اريج.. دموعي تنزل واني اسمع كلامه.. بنبرة بجي.. معقوله رجعت تحبني حمزه؟..

حمزه.. مسحي دموعج تره احرگ عشيرتج.. ي احبج عندج اعتراض؟..

اريج.. راسي نضرب من كلامه بدون تفاهم سديت الخط.. وخذتني الصفنه..

-
-
غيد..

غيد.. من صار الحادث ذاك لليوم اني مماكله شي بس مي وماطلع منلغرفه حابسه روحي ومحمد يتصل ما اجاوبه..

طلعت بليل اريد اغسل وجهي عيوني مورمه.. احس حراره جاي تخترق حواسي فد مره متأذيه..

فتت للحمام فتحت الدوش ودخلت جواه بملابسي.. ابجي واباوع بشكلي بلمرايه.. كُلش متغيره ولا جنني اني.. ضعفانه ووجهي شاحب وشفايفي ما الهن لون..

طلعت منلحمام ونشفت جسمي وغيرت ملابسي..
فتت لغرفتي.. باوعت بلمرايه وبديت احجي ويه نفسي..
غيد انتِ موهيج انتِ قويه.. انتِ محد يگدرلج!!
صفنت وقررت ابدي بدايه جديده ويه نفسي وويه رب العالمين.. فرمتت جهازي وهتميت بشكلي وطلعت اكلت..

اتمشى بأتِجاه المطبخ.. سحبني صوت من غرفه اريج.. گلبي وجعني مجرد تذكرت منظرها ذاك اليوم وشلون جانت مقهوره.. قربت أذني يم الباب..
سمعت صوت شهگاتها.. قاطع صوت بجيها صوتها وهي تگول.. " حمزه صدُك بعدك تحبني؟ "
نصدمت صدمة عمري.. هاي اختي التحاول تهديني للصراط المُستقيم هيه هم هيج جاي تسوي؟

بدون ما يضهرلي صوت.. فتحت الباب بقوه ودخلت..

-
-
حمزه..