Ｃａｌｉｇａｒｉ(Complete)

YOU ARE READING

Fanfiction

You are the 𝙡𝙖𝙠𝙚, the 𝙨𝙩𝙖𝙧𝙨, the 𝙢𝙤𝙤𝙣? Ethereal music's soulful tune Princess of the glacial water Nevermore a lover, daughter In death, your voice will soar the plains Sing for me those sad refrains Graceful swan, my deep regret you ne...

#ballet #wangyibo #xiaozhan #zhanyi #zsww

Hide and Seek Arc II

Start from the beginning

by _GloriaMie_

~~~~~~~~~~~~~~~~~~

မော်ချီထားတဲ့ မျက်နှာနုနုထက်တွင် မာန်စွဲလေး ကပ်ပါသော အပြုံးတစ်ခု ခိုတွယ်သည်။
လုံးချေထားသည့် လက်ရေးမူနှုတ်ထွက်စာအား အမှိုက်ပုံးထဲသို့ သံယောဇဥ်ကင်းစွာ ပစ်ထည့်ခဲ့လိုက်သည်။
ယခင်ကထက် ကျယ်လောင်သော ဝေဖန်သံတွေကို နားစွင့်လို့ ဖရိုဖရဲ မျက်နှာတွေအား အရသာခံကာ ကြည့်နေရင်း သူမ၏ မျက်နှာထက် အပြုံးတို့မှာ ပိုပီပြင်လာရသည်။
Locker ခန်းရှိရာသို့ သူမ၏ ဦးတည်ရာကို မိန်းမချောလေး တစ်စုက အဟန့်အတား ပြုသည်။
အရင်က Clara အား အနိုင်ကျင့်နေကြ မိတ်ဆွေဟောင်းကြီးများကို လုချီ တွေ့လိုက်ရစဥ် စိတ်အားထက်သန်စွာ နှုတ်ဆက်လိုက်ပေမယ့် တစ်ဖက်လူတို့ကတော့ ရန်ရှာရန်သာ တေးထားကြပုံပင်။

"ကပ်ပါးလိုဟာမ ဘယ်အကွက်တွေ သုံးပြီး Swan queen နေရာကို နင်က မှန်းရဲရတာလဲ"

ပါးစပ်ဖြင့် ပြောရုံတင်မကပဲ ကိုယ်ထိလက်ရောက် ကျူးလွန်လာသော သူမ၏ လက်သွယ်သွယ်ကို ဖမ်းကာ ဆုပ်ကိုင်လို့ ရက်စက်စွာ ချိုးလိမ်ထားရင်း လုချီ သူမ၏ ဆံနွယ်တို့အား အကြောင်းမဲ့ ဖွလိုက်မိသည်။

"နင်တို့ သဘောမပေါက်ကြသေးဘူးလား။
အခုအခြေအနေမှာ ငါက နင်တို့ ထိချင်သလို လာထိလို့မရတော့ဘူးလေ။
အတူတူ ဆိုးသွမ်းခဲ့ကြပြီး ဘာလို့အခုမှ ဓမ္မဘက်တော်သားတွေ လုပ်နေရတာလဲ"

"နင့် ရဲ့ ရွံစရာ ပါးစပ်ကို ပိတ်ထားလိုက်စမ်းပါ။
Clara ကို သတ်ပြီး Swan Queen နေရာကို ရနေသွားတာ တစ်လောကလုံးသိတယ်"

တစ်စတစ်စ ဖြူဆုတ်လာသည့် လုချီရဲ့ မျက်နှာထက် တုန်လှုပ်ခြင်းတို့ တစ်ဖန် ဖြတ်ပြေးသည်။
အားလျော့သွားသော သူမ၏ လက်ချောင်းတို့ကြား ရုန်းကန်၍ လွတ်မြောက်လာသည့် ထိုတစ်ယောက်က သူမ၏ နာကျင်သွားသည့် လက်ကောက်ဝတ်အား သိပ်သည်းစွာ ဆုပ်ကိုင်ထားသည်။
လုချီသည် ကိုယ်စေးမကပ်သလို တွေဝေသွားခဲ့ပြီး တခနအတွင်း သူမသည် ဝိဥာဥ်တစ်စုံတစ်ရာ ပူးကပ်ခံရသလို စိတ်လွတ်ကိုယ်လွတ်ဖြင့် ထပ်တလဲလဲသော စကားတစ်ခွန်းကိုသာ ဂါထာတစ်ပုဒ်လို ရေရွတ်နေသည်။