Ｃａｌｉｇａｒｉ(Complete)

YOU ARE READING

Fanfiction

You are the 𝙡𝙖𝙠𝙚, the 𝙨𝙩𝙖𝙧𝙨, the 𝙢𝙤𝙤𝙣? Ethereal music's soulful tune Princess of the glacial water Nevermore a lover, daughter In death, your voice will soar the plains Sing for me those sad refrains Graceful swan, my deep regret you ne...

#ballet #wangyibo #xiaozhan #zhanyi #zsww

Hide and Seek Arc II

Start from the beginning

by _GloriaMie_

"ဘာများကူညီပေးရမလဲရှင့်"

တိုးကပ်လာသည့် မိမိ၏ခြေသံကြောင့် အမေးပြုသည့်လာသည့် ထိုဝန်ထမ်းမလေးက computer screen ကိုတော့ အကြည့်မခွာ၊ kyeboard ပေါ်တွင် ပြေးလွှားနေသည့် သူမ၏ လက်ချောင်းတို့ကိုလည်း အနား မပေး။
အချိန်အတော်ကြာထိ ပြင်ဆင်ထားပြီးသား စကားလုံးတို့ ထွက်ကိမလာပဲ မလှုပ်မယှက် ရပ်နေသည့် လုချန်အား ထိုကောင်မလေးက ဖျက်ခနဲ လှမ်းကြည့်လို့ ဇဝေဇဝါ အမေးထပ်ပြုသည်။

"ပြဿနာ တစ်ခုများရှိလို့လား"

" ကျမ ဘဲလေး အကကို ဆက်ကဖို့ မဖြစ်နိုင်လောက်တော့ဘူး ထင်တယ်"

အက်ကွဲနေသော သူမ၏ အသံ၏ နောက်တွင် သူမဟာ ကာလရှည်ကြာ မက်ခဲ့ရသည့် အိမ်မက်တစ်ခုအား မီးသင့်လို့ ပြာချရန် အသင့်ဖြစ်နေဟန်။
တင်းကြပ်စွာ ဆုပ်ကိုင်ထားသည့် နုတ်ထုတ်စာအား ထို ဝန်ထမ်းမလေးအား မပေးရသေးခင်မှာပင် အနောက်မှ အရှိန်ပြင်းပြင်းဖြင့် တွန်းလိုက်သည့် အားတစ်ခုက သူမ၏ ပိန်ပါးပါး ခန္တာကိုယ်ပေါ်သို့ သက်ရောက်လာသည်။
ကရောကပါး ယိုင်လဲကျသွားသည့် သူမအား တောင်ပန်းစကားတောင် မဆိုနိုင်သည်အထိ ထိုလူဟာ များစွာသော တာဝန်ကိစ္စရပ်တို့ဖြင့်။

"ဒီစာရွက်ကို မြန်မြန်လုပ်ပေးပါ။
ဒါက swan lake season အတွက် ballerina စာရင်းပဲ။
Swan queen အသစ်လည်း ရွေးလိုက်ပြီ"

လုချီ၏   မျက်ဆံတို့ဟာ တောင်စဥ်ရေမရ လှုပ်ခတ်သွားသည်။
ရင်ခွင်ဘယ်ဘက်ခြမ်းရှိ အသက်သွေးကြောတို့ နွယ်ပတ်ရာ နှလုံးအိမ်၏ ဆိုးသွမ်းမှုကြောင့် သူမ၏ နှလုံးခုန်သံအား သူမ ပြန်ကြားနေရ၏။
အနားသို့ တစ်လှမ်းချင်း တိုးကပ်သွားရင်း သူမဟာ   ဆူးပြည့်သော ချောက်တစ်ခုအတွင်း ပြိုကျခါနီး လူတစ်ယောက်အလား တုန်လှုပ်ခြင်းတို့ဖြင့်။
ထိုလူကြီး အပူတပြင်း အလျင်လိုမှုကြောင့် ဝန်ထမ်းမလေးမှာ ခြေမကိုင်မိ လက်မကိုင်မိ။
ဆွဲလုချင်းကို ခံလိုက်ရသော စာရွက်ပိုင်းလေးကြောင့် စက္ကန့်ပိုင်း အတွင်းမှာပဲ ထိုလူကြီးထံမှ ဆဲဆိုသံတို့ဖြင့် ဆူညံသွားခဲ့သည်။
စာရွက်ပိုင်းအား ဆုပ်ကိုင်ထားသော လုချီ၏ လက်ဖျားတို့မှာ ခါရမ်းနေသည်။
တဆက်ဆက်တုန်နေသော သူမ၏ ခန္နာကိုယ်ကြောင့် ဇီဝလုပ်ငန်းစဥ်တို့မှာ ခေတ္တ ချို့ယွင်းသွားသည်။
သူမဟာ တစ်စုံတစ်ခု ပြောရန် ကြိုးစားနေပေမယ့် ရှိုက်သံတို့သာ အဖက်တင်သည်။
တသွင်သွင်စီးကျနေသော မျက်ရည်များကြား သူမဟာ အရူးတစ်ယောက်လို   ရယ်သွမ်းပြန်သည်။
ရဲဆွေးနေသည့် မျက်ဝန်းတို့နှင့် အတူ သူမ၏ အူလိုက်သည်းလှိုက်ရယ်သံတို့ကြောင့် ကြောက်မက်ဖွယ်ရာ အိမ်မက်ဆိုးတစ်ခုသဖွယ်။
ရူးသွပ်ခြင်းတို့ပဲ့တင်သည့် သူမ၏ ရယ်ရှိုက်သံတို့နှင့်အတူ စိတ်လွတ်သလို အပြုအမူတို့ဖြင့် အကျည်းတန်လှသည့် ပျော်ရွှင်မှု။
စိတ်ပျက်ခြင်းပေါင်းများစွာဖြင့် အကြည့်တွေကြား သူမ ဟာတော့   ရွှေရောင်ရွှန်းသော အတောင်တစ်စုံရသည့် ငန်းဖြူတစ်ကောင်လို ပျော်ရွှင်မှုမျိုးဖြင့်။