Let me Cherish you, My Lord (ZSWW) [complete]

12.သခင့်ရင်ခွင်ငယ်ထဲဝယ်

"ကျေးဇူးပါ အားလော့~~~"

(အားလော့ = လော့ဟိုဂျီတု = နတ်မင်းဆရာချန်ရိရဲ့ ဒုတိယ အနီးစပ်ဆုံးတပည့်ဖြစ်ပြီး ယခုတွင်မူ နတ်မင်းဆရာ၏ လက်ထောက် အဖြစ် တာဝန်ထမ်းဆောင်ရသောသူ။)

"ဆရာနေရ ထိုင်ရ အဆင်ပြေရဲ့လားဗျ။"

လော့ဟို စကားကြောင့် ချန်ရိအနည်းငယ်တော့ ရပ်တန့်သွားမိပေမဲ့ ချက်ချင်းဆိုသလို ဘာမှ ဖြစ်မနေဟန်နဲ့ အနည်းငယ်ပြုံးပြီး~~~

"ဆရာနေကောင်းပါတယ် အားလော့ရဲ့။ အားလော့ကကော ခုရက်ပိုင်း အရာရာ အဆင်ပြေရဲ့လား"

မပြေပါဘူး ဆရာ၊ ဆရာသူ့ကို ဂရုစိုက်သလောက် ကျွန်တော်က ပို၍အဆင်မပြေခဲ့ပါဘူး ဆရာ။

"အားလော့"

အတွေးများနေတာကြောင့် အသိမဲ့သွားတဲ့ လော့ဟိုက ချန်ရိရဲ့ တိုးဖွဖွ ခေါ်သံလေးကြားမှ အသိကပ်လာလေသည်။

"ဆရာ ဟို ဟုတ်ကဲ့ ဒီတပည့် အစစအရာရာ အဆင်ပြေပေမဲ့ တစ်ခုတော့ သိပ်အဆင်မပြေဘူး ဆရာ"

လော့ဟိုရဲ့ သိပ်အဆင်မပြေဘူးဆိုတဲ့ စကားကြောင့် ချန်ရိက လှုပ်လှုပ်ရှားရှား ဖြစ်လာပြီး စိုးရိမ်သံကလေးနဲ့~~~

"ဘာဖြစ်လို့လဲ လော့ဟိုရဲ့ ဘယ်လိုအဆင်မပြေတာလဲ ဆရာ့ကို ပြောပြလေ ဆရာကူပေးမှာပေါ့"

"ဆရာ ကျွန်တော့်ကို တကယ္ ကယ္မှာလားဟင်"

မျက်နှာငယ်လေးနဲ့ ပြောဆိုလာသူကြောင့် ချန်ရိခေါင်းညိတ်ပြမိတော့ လော့ဟိုက သူ့ကို မျက်ဝန်းရွှဲကြီးတွေနဲ့ မော့ကြည့်လာပြီး~~~

"ဆရာကျန်းမာရေးကို ဂရုစိုက်ပါ ပြီးတော့ ဆရာပျော်ပျော်ပဲနေပါ ဆရာပြုံးနေတာကို တပည့်မြင်ချင်လို့ပါ"

"~~~"

လော့ဟို စကားကြောင့် ချန်ရိ ခဏတာမျှ ကြောင်အသွားရလေသည်။ သူထင်နေတာက လော့ဟိုက သူကိုယ်တိုင်အတွက် တောင်းဆိုမယ်လို့ အခုဟာက ထိုသို့မဟုတ်လေတော့ သူ့ခင်မျာ ခဏတာမျှ ကြောင်အသွားရခြင်းဖြစ်သည်။

"သေချာပေါက် ဆရာက ကျန်းမာတာမို့ အားလော့ စိတ်မပူနဲ့တော့နော်"