الملالي كلبوا من اغاني النبي للفرح والعرس والكولات.
_ ندسته
بيبي بيبي
ها حبيبه
عفيه اريد ارجع راسي حيطك حس الدك براسي
اي والله يمه اني هم بس شفتج متونسه وسكتت.هبه/ كمنه وبيبي لبست عباته عدل
اجتي
ام هيثم/ وين وين حجيه بداعت الغالي مطلعينبيبي / والله عذريني مو حمل دك وطرب هوايه
يمه مولود السلامه ان شاء الله
وبالخير عليكم خطبة وليدنه ويوم عرسه وادبجله هم.ام هيثم/ ههههه فدوه لعينج حجيه يخليلج هل حلوه
وبوجودج ان شاء الله
شلون لعد انتوا اول الناس بعرسه ان شاء الله ممطولين.هبه / احس تخربطت يا الله الصبر والستر استر عليه لتفظحني واوكع هسه بنصهم.
هوايه والله هوايه عليه واكفه ويحجون بعرسه كدامي.بيبي/ يله يمه اودعناكم
ام هيثم/ دقيقه حجيه
ولج مينا مينا يمه عشا بيت صديقتج وينهواخر شي طلعنه من هذا السجن محملين مواعين عشانه
دخلت محمله احلام وامال ادخل وايدي بايده حبيبي
وتاليته شايله ماعون خطوبته.دخلنه للبيت ونزعت وغسلت ولبست ملابس البيت
شوكت وشلون صار كل هذا ماعرف لان عقل مضل براسي امشي واتحرك بدون وعي._مشفت اله كاعده على الصينيه اني وبيبي وخاله العشا.
البيبي/ شفتي يمه شفتي خطيبة هيثم شحلوه
اي بيبي
بس جسمه متين شويه
_ ياربي حموت
اي بيبيامه تكول هو راده
ويكول تناسبني
من عمر
وشهاده
_ اي اي بيبي
دكول شهر ونزوجه قبل محرم
اي اي
و
كافي كافي بيبي راسي راسي حيطك شلون وين اهج وين اروح
ربي ليش ماخذتني ويه ابويه ليش ماخذتني امي.عفت الاكل وكمت ركض لغرفتي
بجيت بجيت لمن عيوني وشلن دموع.وره ساعه تقريبا حسيت بتانيب الضمير
شلون عيطت بوجه بيبيتي شنو ذنبه بدكت الناقص هيه.رحت لغرفته لكيته ماكو
رحت للهول لكيته على كعدته بس جاره كوشه وممده وحاطه راسه عليه.شافتني واكفه باب الهول
فتحتلي ايده.......ورحت ركض لحظنه انام مثل من جنت طفله.بيبي/ اني ادري اليوم نقهرتي لان شفتي كل البنات ويه امهاتهم وانتي لا
اني معوظتج يمه
مكفيت وسديت مكان امج
كليلي حبيبه خاف باجر من اسلم امانتي ابوج يعاتبني يكلي ليش يمه عيشتيه بيتم وحسستيه ماله احد._ حظنته اكثر وراسي على صدره
بيومه يمكن طكيت نفجرت
يتم وكبد ونقص وحرمان سنين طلعته بهل يوم
ربي متشوف حالي....انصفني بس شويه والله راضيه بالقليل.
YOU ARE READING
فوارق طبقيه
Actionفتاة بسيطه يستقوي عليها رجل غني احبها بطريقة الخاصه لترى كل انواع الذل والظلم وأم تقوم ببيعها من أجل مصالح زوجها لتقع في وكر الذئاب. وزوج ظلمها بقدر حبه لها ليترك لها بصمة تعاني منها ماتبقى من العمر جمال/ وفقر/ وعذاب/ وغدر/ ورايات سوداء جميعها أجت...