اهلكتني عيناك

7

اهلكتني عيناك 💚
#حورحيدر
#الانستا: enghour98
#الواتباد:eng_hour
Tik tok: enghour1

تابع الصفحه وصوت للبارت فضلا وليس امرا †

#يحلوه مشاركه للبارت ♥️-علقو بين الفقرات 🆕

گعدت الصبح باوعت لروحي ملابسي مشككه ونازل دم عليه...
التفت شفته نايم بصفي...

كميه كره بداخلي كتله وكلبي محترگ ...

تفف على وجهك يا نگس...

حرمني من الفرحه الوحيدة الي تنتظرها اي بنيه... اخذتها مني بكل وحشيه...

حسيته اتحرك...

فزيت من مكاني واديه گامت ترجف... ما عرفت شسوي ضليت اباوع لروحي شسوي يربي...

گوا حاولت امشي للحمام اول ما خليت رجلي على الگاع ارد اگوم....

اااااااي يمه...

صرخت وروحي لابت من الوجع والم مو طبيعي احس بي...باوعتله و دمعتي نزلت...

دعيت من گلبي...

الله لا ينطيك يا حقير... الله ياخذ حقي منكم

سديت حلگي باديه خفت لا يگعد
ضليت حايرة شسوي...

ضغطت على نفسي ولفيت روحي ومشيت للحمام...

باوعت لروحي بلمرايه...شكلي بشع روحي مموجوده بس جسد ممزق منتهك ...

اكو شي انكسر بداخلي برائتي طفولتي رهبه احس بيها وخوف من منظري رگبتي البيضه اتشوهت بلمساته القذرة...

العروس باول صباح الها امها تگلها وجهج ورد...

هل لحظه صدگ كبرتني... وخلت حقد بداخلي لهواي اشخاص

يگولون الانسان يتغير من ينكسر گلبه... اني انخذلت هوايه

من هل لحظه قررت اواجهه كل شي بنفسي... ما راح ارجع لاحد
الاهل...
الدلال...
طفولي... مراهقتي...

صرت مثل الطير المذبوح لا بيه اطير وارد لاهلي ولابيه الاعيش ويه ذباحي...

اشتم ريحته بجسمي نفسي گامت تلعب... ذبيت كل شي ابطني

گمت اذب مي حار على جسمي... والدم صار ينزل ويه المي

فركت جسمي حيل بلليفه...اريد اوخر قذارته مني ما اريد ريحه هل خايس تبقى بجسمي...
لگيت محظريلي فستان الصباحية...
لبست فستان جويتي قصير يصير قوله بدون ردن...

طلعت واني ايدي على گلبي بس لا گعد صدگ يمكن اذا شفته اتفل بوجهه ... حمدت ربي من ما لگيته
گلت بكره وحقد ...
گلعه...

احس بكره تجاهه مو طبيعي... صارلي ساعات من عرفته وصرت ما اطيقه...

من البچي على حالي حتى مليت ودموعي نشفت...