နတ်ဘုရားအဆင့် လုပ်ကြံသတ်ဖြတ်သူ

အပိုင်း (၃) လောင်ယန်အသစ်

ဒါပါပဲ။ ဘာမှထပ်မရှိတော့ပေ။

ထိုအမျိုးသမီးကို ရုတ်တရက် သတိရလိုက်ခြင်းက သူ့နှလုံးသားကို အကြောင်းပြချက်မဲ့ ညှစ်ထားသလို ခံစားလိုက်ရသည်။

"မင်းရဲ့ အရေးကြီးတဲ့ လက္ခဏာတွေ အားလုံး ကောင်းနေပုံရတယ် သခင်လေး" ဟု ဆရာဝန်က လောင်ယန်၏ ဖြူဖျော့ဖျော့နှင့် ပါးလွှာသော ရင်ဘတ်မှ သူ၏ နားကြပ်ကို ထုတ်ကာ ဆရာဝန်က ပြောသည်။ "ဒါပေမယ့် သေချာအောင်တော့ ဆေးစစ်မှု အပြည့်အစုံလုပ်ဖို့ လိုပါသေးတယ်။"

လောင်ယန်သည် ကြင်နာတတ်သော ဆရာဝန်ကြီးအား မှင်တက်စွာ မော့ကြည့်လိုက်မိသည်။ ဒေါက်တာဟန်သည် လှပသော ဆယ်ကျော်သက်၏ စိတ်ရှုပ်ထွေးနေသော အကြည့်ကို မြင်သောအခါ သက်ပြင်းချလိုက်မိသည်။ ဒီကလေးနိုးလာဖို့ ဘယ်သူမှ မမျှော်လင့်ထားပါဘူး။ ပြန်နိုးထဖို့ မဖြစ်နိုင်ဘူးလို့တောင် သူထင်ခဲ့ဖူးသည်။ ဆယ်ကျော်သက်‌လေးရဲ့ ဦးနှောက်ပျက်စီးမှုက တော်တော်လေး ကြီးလွန်းသည်။ ဆယ်ကျော်သက်လေး အသက်ရှင်နေသေးရတဲ့ တစ်ခုတည်းသော အကြောင်းအရင်းကတော့ သူ့မိသားစုက သူ့အသက်ကို အထောက်အကူပြုတဲ့ စက်ကိုပလပ်ဖြုတ်ဖို့ ငြင်းဆိုထားတာကြောင့်ပင်။ ယခုမူ ၎င်းသည် မှန်ကန်သော ဆုံးဖြတ်ချက်ဖြစ်ပုံရသည်။

"စိတ်မပူပါနဲ့။ မင်းနေကောင်းနေပါလိမ့်မယ်။ ရုပ်ပိုင်းဆိုင်ရာ ကုထုံးနဲ့ မှန်ကန်တဲ့ အစားအသောက်တွေ ကျွေးပြီးရင် မင်းဟာ တခြား အသက်၁၇နှစ်အရွယ် ဆယ်ကျော်သက်တွေလိုပဲ ဖြစ်လိမ့်မယ်" ဟု ဆရာဝန်က ကြင်နာသော အပြုံးဖြင့် ပြောကြားခဲ့သည်။

လောင်ယန် သည် အပေါ်ပိုင်းပုံသဏ္ဍာန်နှင့် ဤပိန်ဖျော့ဖျော့ဖျော့နှင့် ပိန်လှီသော ခန္ဓာကိုယ်ကို ပြောင်းလဲရန်အတွက် လအတန်ကြာအောင် အချိန်ယူရပေမည်။ နေပါဦး - ဒီခန္ဓာကိုယ်က ၁၇....

၁၄ နှစ်အရွယ် ကလေးတစ်ယောက်ရဲ့ခန္ဓာကိုယ်လို့လုံးဝထင်ခဲ့ခြင်းပင်။ ဒါမဲ့လည်း၊ အခု သူစဉ်းစားလိုက်တာက အဲဒီသူနာပြုရဲ့ အဆိုအရ၊ သူ သတိမေ့မြောနေတာ ခုနစ်နှစ်ရှိသွားပြီ။ သူ့ရဲ့ ကြီးထွားမှု နှောင့်နှေးဖို့က ပုံမှန်ပါပဲ။