ခုဆို အရာအားလုံးက အဆင်ပြေနေပြီ။ ကျွန်တော့် အိမ်မက်ဖြစ်တဲ့ ချစ်ရသူကို ပိုင်ဆိုင်လိုသည့် ဆန္ဒကလည်း အမှန်တကယ် ပြည့် ၀လာခဲ့ပြီ။ ချစ်ရသူကလည်း သူ့အတိတ်နဲ့ ပတ်သက်ပြီး စိတ်ဖြေနိုင်ခဲ့ပြီလို့ ပြောလို့ရတယ်။ အဲ့နေ့ဖြစ်ပြီးနောက် ကျွန်တော့်မိဘတွေကိုလည်း သူကိုယ်တိုင်ပဲ သူ့အတိတ်အကြောင်းကို ၀န်ခံခဲ့တယ်။ အဲ့တုန်းက ချစ်ရသူရဲ့ ပုံစံကို ကျွန်တော်လုံး၀မေ့နိုင်မှာမဟုတ်ဘူး။ နာကျင်စရာတွေသာ ရှိခဲ့တဲ့ အတိတ်အကြောင်းကို ကျွန်တော့်အတွက် အားတင်းပြီး ပြောပြနေတဲ့ ချစ်ရသူပုံစံက ကျွန်တော့် မှတ်ဥာဏ်ထဲမှာ တစ်သက်လုံးစွဲထင်နေတော့မှာ အသေချာပဲ။
အလုံးစုံရှင်းပြပြီးနောက် ခေါင်းငုံချသွားကာ ချစ်ရသူပြောခဲ့တဲ့ စကားတစ်ခွန်းကလည်း ကျွန်တော့် နှလုံးသားမှာ သေရာပါတက်တူးတစ်ခုလိုမျိုး စွဲထင်သွားခဲ့တယ်။
'ချို့ယွင်းချက်တွေရှိတဲ့ ကျွန်တော့်ဘ၀ထဲကို မောင့်ကို ဆွဲခေါ်မိတာ တောင်းပန်ပါတယ်.....ဒါပေမယ့် လက်မလွှတ်နိုင်တာမို့ အားနာနာနဲ့ပဲ တောင်းဆိုပါရစေ.... မောင့်ကို ပိုင်ဆိုင်ခွင့်ပြုပါ... ' တဲ့။
အဲ့နေ့က ကျွန်တော် မျက်ရည်တွေအတော မသတ်နိုင်အောင် ကျခဲ့ရသေးတယ်။ ကျွန်တော့် မိဘတွေရဲ့ အဖြေကို စောင့်နေတဲ့ ချစ်ရသူပုံစံမှာ စိုးရိမ်မှုတွေအပြည့်နဲ့။ ကျွန်တော့် သိတာပေါ့...ချစ်ရသူစိတ်ထဲ ဘာတွေတွေးနေခဲ့မယ်ဆိုတာ။
လက်သီးကျစ်ကျစ်ပါအောင် ဆုပ်ထားတဲ့ ချစ်ရသူ၏ လက်အား ကျွန်တော် ဆုပ်ကိုင်ပေးပြီး မိဘနှစ်ပါးထံ တောင်းဆိုစွာကြည့်လိုက်မိတယ်။ကျွန်တော့်မျက်၀န်းတွေရဲ့ အဓိပ္ပာယ်ကို ကျွန်တော့်မိဘတွေကလည်း အသေချာသိတယ်။ ပြီးတော့ လိုက်လျောပေးခဲ့တယ်။
'မေမေတို့အကုန်သိပြီးသားပါ...နောက်ပြီး လက်ခံပါတယ်' ဆိုတဲ့ မေမေစကားအောက်မှာ တင်းထားတဲ့ ချစ်ရသူရဲ့ စိတ်တွေ အကုန်ပြေကျခဲ့တယ်ထင်ပါရဲ့... ကျွန်တော့်ကို ဖက်ပြီး ကလေးတစ်ယောက်လို ရှိုက်ကြီးတငင် ငိုကျွေးတော့တာပဲ။ ဒါပျော်လို့ ငိုတယ်ဆိုတာ ကျွန်တော်သိတာမို့ မငိုနဲ့လို့ မတားဖြစ်ခဲ့ဘူး။ ပြန်လည် ဖက်တွယ်ရင်းသာ နွေးထွေးစွာ ထွေးပွေ့ထားမိသည်။
YOU ARE READING
"အကြင်နာပိုပါသည် မောင့်ဟန်ချီ"(Completed)
Short Story"မောင့်နာမည် ချမ်းမြေ့မောင်ပါ ဟန်ချီရဲ့စိတ်ရောကိုယ်ရောနှစ်ပါးစလုံးကိုရွှင်လန်းချမ်းမြေ့စေမယ့်ချမ်းမြေ့မောင်ပါခင်ဗျာ... ဟဲဟဲ" //ချမ်းမြေ့မောင် "ဒီမျက်နှာရူးကတော့လား...." //လှမျက်ဟန်ချီ (ကျေးလက်ဟာသလေးပါနော်။ ပေါ့ပေါ့ပါးပါးလေးပါပဲ။ကျွန်တော့်ရဲ့ပထမဆုံး...
ဇာတ်သိမ်းပိုင်း(Final)
Start from the beginning
