... اروح لبيت عمي سلطان يدرسني رياضيات باجر عندي امتحان
.... بابا سلطان تعبان خلي اخوانج يدرسوج
... بابا اخواني ايسر. حاير بأبنة. واسر بخطيبتة. بس سلطان. فاضي وراسلتة كال تعاي
..... يلة امشي اوصلج
ضحكت... وعد تجين تدرسين وياي
ردت... لا من يدرسج عود انتي تعاي اشرحيلي
.. تمام.
طلعت وية بابا. اضحك علة وعد تستحي ومتريد تروح
وصلني. وبس سلم وگعد شوي. شرب چاي طلع بقينة اني وسلطان كاعدين بل مضيف
هوة نايم عل قنفة واني كاعدة بل گاع كدامنة
طبلة صغيرة خليت عليهة الكتاب
وهوة بقة علة نفس وضعيتة
... طلعي المسائل لصعبات نبلش بيهن
.... تمام.
طلعت لصعب وهوة لكتاب كلة صعب خطية يشرح ويرد ورا. واني مدري خوف مدري ماريد اتفشل من يسئلني وما اجاوبة.
عاد خليت تركيزي كلة ويا حتة من يرجع يسئلني لو يسويلي ختبارات اعرف اجاوب وما اتفشل
ضل يدرسني من ساعة ٢ الضهر لحد ساعة ال ٥ لعصر حسيتة تعب بس ميريد يبين
سديت لكتاب وكتلة..... خلص كافي راح اخذ مية علة هاذ لتدريس
.... اي نشالله
گالهة وتمدد بتعب.
.... عمي وين
... اخذ مرتة وراح للدكتور
... اصف واسراء شو ماشفتهم
.... ماسمعتيهم طلعو قبل شوي آسراء تريد تروح لاهلهة.
.... زين شلون يعوفوك وحدك بلبيت بلكي ردت شي وماكدرت
.... مايخافون علية مو جديدة عليهم
.... زين هسة منو يوصلني للبيت
... انتضري آصف
... واذا تأخر
.... لا هسة ساعة ويرجع
لميت كتبي ولقرطاسية. خليتهن بجنطة
وكعدت اباوع ويا علة. فلم اجنبي اكشن
كلامة وياي قليل عكس قبل.
التفت علية. .... تعرفين تسوين شامية.
بتسمت.... لا مااعرووف
عوج حلگة.. كبر همداج لعد شتعرفين
... اعرف اسوي سيليلاك
... ثول شكدامج طفل
.... والله هاذ لاكدر علي
كام علة حيلة.... الحمدالله من شلت لنهوة عنج وماتورطت بـ سيليلاك
YOU ARE READING
هجران وحب
Romanceصدفة تجمع بين ابن لانبار وبنت الجنوب جمعتنة صدفة ورتبطنة رغما عنا عشقنا بعضنا رقم كل المصاعب ولاختلاف بيننا اصبحنا جسدين بروح وحدو لا نكثرث لمذهب كل منا ايسر &زهراء برواية هجران وحب تنبية لقصة حقيقية
تكملة البارت ال ٣٤
Start from the beginning
