တွယ်ကပ်ရန်ကူးပြောင်းလို့လာ[Completed]

အခန်း(၄၅)

"တခြားနည်းလမ်းအကြောင်း ပြောရရင်တော့ သန့်စင်တဲ့ ရေရင်းမြစ်ကြော နောက်တစ်ခုကို ထပ်ရှာမှပဲရမှာ။ဒါပေမယ့် ဒီလိုကိစ္စမျိုးက ရှာဖို့သာ လွယ်တယ်ဆိုရင် ဘာလို့များ ကျွန်မ ဒီလောက်အကြာကြီး ခံစားနေရအုံးမှာလဲ?15နှစ်တောင် ကြာခဲ့ပြီရှင်။အသင်္ချရောင်ခြည်အဖွဲ့ရဲ့ ခွန်အားတွေကို အလုံးအရင်းသုံးပြီး ကြိုးစားခဲ့တာတောင် ဒီနေ့မှာ ရှင့်ကို တွေ့ခွင့်ရဖို့လောက်လေးပဲ လုပ်နိုင်ခဲ့တယ်"

"ဒီ15နှစ်လုံး ဘာသဲလွန်စမှ ရှာမတွေ့ခဲ့ဘူးလား?"

မုရုံဖုန်းက ပြန်မဖြေခဲ့ပေ။တွန့်ဆုတ်နေပုံရပြီး လက်တစ်ချောင်းကို အသာမြှောက်၍ ဘေးမှ လက်ရန်းကို ခပ်ဖွဖွ တို့ထိလိုက်သည်။

"မုရုံရှန်းကျစ်"

"ဘာသဲလွန်စပဲရှိရှိ ကျွန်တော့်ကို ပြောပြပေးပါ။ကျွန်တော် မင်းကို သေချာပေါက် ကူညီပါ့မယ်"

မုရုံဖုန်းက အချိန်အကြာကြီး တိတ်ဆိတ်နေခဲ့သည်။ထို့နောက် ခေါင်းခါပြ၍ သက်ပြင်းတစ်ချက်ချကာ

"ထားလိုက်ပါတော့"

ဝမ်ရွှမ့်အမူအကျင့်က အလွန်ကို ရှင်းလင်းနေခဲ့ပြီး ဖြစ်သည်။သူသည် လူကောင်းတစ်ယောက် ဖြစ်၏။မုရုံဖုန်းကို ကူညီချင်ပါသော်
လည်း အပြန်အလှန်အားဖြင့် ထိမ်းမြားလက်
ထပ်ခြင်းကိုတော့ လက်မခံနိုင်ပေ။အတင်း
အကျပ် လိမ်ရစ်ထားသော ဖရဲသီးဟာ ဘယ်
တော့မှ ချိုမြနိုင်မဟုတ်။ထိုအယူအဆကို မုရုံဖုန်းလည်း နားလည်ပါ၏။

"ကျင့်ကြံသူဝမ်...ရှင့်ရဲ့ ကြင်နာမှုအတွက် ကျေးဇူးတင်ပါတယ်။ဒါပေမယ့် အသင်္ချေရောင်ခြည်အဖွဲ့တောင် မလုပ်နိုင်ခဲ့တဲ့ ကိစ္စတ
စ်ခုကို ရှင်က ဘယ်လောက်အထိများ ကူညီပေးနိုင်ပါ့မလဲ?"

"မဆုံးဖြတ်ခင် အရင်ကြိုးစားကြည့်သင့်တ
ယ်"

ဝမ်ရွှမ်က ပြတ်ပြတ်သားသား ပြန်ပြောခဲ့သ
ည်။

"ကြိုးစားပြီးတာတောင် အရာမထင်ခဲ့ရင်ရော?"

ဝမ်ရွှမ့်စကားများမှာ ပြတ်တောက်သွားရတော့သည်။

"အဲ့ဒီလိုသာ ဖြစ်ခဲ့ရင် ရှင်က ကျွန်မရဲ့ နော
က်ဆုံးသော မျှော်လင့်ချက် ဖြစ်သွားတော့မှာ"