عيناكِ واللحن القديم

بارت -2-

الصوت : لمار لمار لمار

لمار: انداريت وجان اشوف ينان 😨

ينان: من طلعت لكيت لمار بعدها بسيارتها والشارع ازدحام غيرت رايي ولحكتها وصلن للصالون نزلن البنات وجان تنزل هي صحتها وكتلها اسف لحكتج بس نسيت اكولج شي

لمار بتعجب: لا عادي بس شنو النسيت تكوله؟!

ينان: مد ايده نسيت اكولج تشرفت بمعرفتج واتمنى نكون اصدقاء

لمار: صفنت وابتسمت ابتسامه عميقه هوه هذا الشي وك الي الشرف ومدة ايدها وصافحته اصدقاء 🤝💋

ينان: اممم اكمشي هذا كارت مالتي راسليني عليه وان شاء الله نبقى دوم اصدقاء

لمار: وك ان شاء الله عن اذنك تاخرت ع البنات

ينان: اخذي راحتج مع الف سلامة

لمار : مع الف سلامة

لمار : رحت طبيت للصالون وسوالف وضحك وسويت اضافري وكملنا ساعه 8 ونص وطلعنا رجعنا للبيت وصلت ساعه 9 للبيت كعدت يم اهلي تعشينا واتفقنا انو نروح باجر نخطب نور العصر وخابرت المدير اخذت اجازه باجر ومن كثر التعب رحت اخذت شور سريع ولبست

ورحت ذبيت روحي ع جربايتي وسرحت بالاحلام بعد نهار طويل متعب 😴😴

ينان : رجعت للبيت بعد ماحاجيت اميرتي واني فرحان وطبيت لغرفتي بدلت وباوعت ع حديقه من شباك غرفتي وجان تخنكني العبره تذكرت الماضي البشع بس غيرت رايي وفكرت بحبيبتي الحلوة ونتضرت مسج منها بس ماكو بعدين اتصل عليه حسين وطلعنا رحنا للكوفي وسوالف وضحك رجعت ب 1 بليل ورجعت ضليت انتضر مسج من لمار بس بلا جدوى وانتضر وانتضر وصارت ساعه 3 وماكو آخر شي رجعت للالم الي بداخلي ورجعت لضلام الماضي الي شكله ماراح ينتهي وبعدها نمت لانو ايست من لمار

.
.
.
لمار : تحركت وجان اكعد شبعانه نوم ومرتاحه حيل كنت غسلت وجهي وفرشت اسناني وصليت صبح ونزلت ويه ماما صبحت عليها ونضفت البيت كله وسويت ريوك ورحت كعدت اخوتي اجوي ع الطاوله اكلنا كلنا سوى عدا حسين جان بلدوام 😢

بعدها كملنا ريوك غسلت مواعين وصارت ساعه 11 صبح صعدت بغرفتي عدي كم ملف اشتغلتهم ودققت عليهم وراسلت غرومة وتذكرت انو اني نسيت اراسل ينان رحت جبت الكارت من الجنطه وسيفت الرقم بلفون وكتبتله