قوارير موحشه

البارت الثامن عشر

مساء الخير والعافيه عليكم فراشاتي 🦋🖤

قوارير موحشه

*للكاتبه زهراء علي *

فضلا ممكن تصويت +متابعه وتعليق حلو مثلكم

..............

   

...............
كان عليك أن تبقى بجانبي عندما هزمتني الأشياء ، لا أن تكون ضمنها .🖤

*تبارك
كاعده ارتب بملابس حنين لأن اليوم خطيه ملحكت من طلعت ركض ركض وخلت الغرفه هوسه واني همات حضرت ملابسي مال دوام باجر دوامنه
دخلت بنت اخوي
: توته بيبي تكول انزلي سوي مُعجنات راح يجون بيت جدو  ابو ابراهيَم. 

:تمام حبيبتي هياتني نازله
كملت تصفيط.
ونزلت الماما
: ها ماما صحتيني بشنو اساعدج.
:توته اذا تكدرين سويلنه معجنات ناكلهه عصريه لان عمج ابو ابراهيم خابر لابوج گله غدانه يمكم. وماما انتي انزلي حابسه روحج بلغرفه
:اي ماما رَاح اسوي كيكه وفطائر.

سويت وخليته بلفرن  ووصيت مرت اخويه ادربالهه عليهن
ونزلت سمعت صوتهم وصلو
:سلام عليكم عمو شلونك رحت سلمت علي وع زوجته.
انداريت وضحكت الأبراهيم الابن الأكبر لعمو
ضحكلي جوز هم تذكر ايامنه مثلي من جنه كله سوه طبعاً عمو متزوج ع كبر فه بس إبراهيم عنده ومو كلش جبير اكبر مني ب٤ اسنين تقريباً.

: ها لج توته صايره مره من اتزوجتي  ولا جنج ذيج توته الخانسه الزغيره.
:ههههه غير كبرت شلونك شلون صحتك
طبعاً باوسته واني معتبرته مثل أخوي. متعوده من الزغر عليه
بس اعتقد مو عادي عد زوجته لأن التفت عليهه داسلم ووجهه محتقن ويطلع منه شرار وماردت السلام بس باوست كوه. 

طبعا اهله زوجوه وهوه زغير  لان بس هوه عدهم حته يفرحون بيه

بعد ماصارت كعده عائليه وتغدينه كمت اغسل المواعين. ويا زوجات اخواني
و اسمعهم يسولفون يسئلون بماما شعجب توته هنا ماما كلتلهم فتره تضل ترتاح وشويه مشاكل كلولهه سش
بابا كلهم متناقشين نقاش بسيط واجت هنا تكضيلهه كم يوم بين ماتهدء النفوس.
:ها الله يهديهم يآرب.

:كملت غسل وخليت الجاي ع النار وفززني صوته
إبراهيم :ها كالو زعلانه اهلج بدت المشاكل شوفي هاي لين مارضيتي بيه من ردتج وضلت نفسي بيج ههههه.

:هههههه شوف هذا يمعود والله بطران مبيناتنه شي نقاش بسيط

:لج ادري اشاقه.
:دخلت رهف زوجة أبراهيم

حبيبي عمو ديصيحك خذته وراحت وهيه تباوع صفح.

. طبعاً أبراهيم حجه هيج لأنو كان رايدني وخطبني بس بذاك الوقت عمري ١٥ زغيره ومامفكره بالزواج وادرس وثانياً معتبرته مثل اخويه.

كملت كلشي وبعد ماصار العصر وحلينه بالكيك راحو البيتهم. 
همه طلعو ودخلت حنين

.....................