CTBC: Carrying The Billionaire's Child ✔ [COMPLETED]

CTBC: Kabanata 44

"H-hindi naman ako mawawala" wika ko dito habang pinapahid ang mga luha nito. Ramdam na ramdam ko ngayon ang labis nitong pagmamahal sa akin at lihim akong nagpapasalamat doon.

Parang hindi naman ako nito naririnig dahil patuloy pa rin itong nagsasabi ng mga saloobin nito sa akin. Natutuwa naman ako dahil nagiging open ito sa mga nararamdaman nito. Para sa akin ay isa iyong paraan para maging maganda ang isang relasyon.

"Y-you caused pain to me, sweetheart. B-but I know, I deserve that pain. I hurt you once, so I'm willing to accept the consequences. If you are mad with me, y-you can slap me, sweetheart. You can say bad words towards me but----- but please, don't be quiet. Your silence is killing me more. Please sweet---"

Hindi ko na ito pinatapos sa pagsasalita nito dahil hinalikan ko na ito sa labi dahilan para mapamulaga ito. "Ang sabi ko, h-hindi ako galit" Nag-iinit ang magkabilang pisngi na wika ko no'ng bumitaw ako sa labi nito.

Mga ilang segundo rin siguro ang lumipas no'ng sa tingin ko ay naintindihan nito ang sinabi ko.

"T-totoo?" Hindi pa rin makapaniwala na tanong nito sa akin.

Sunod-sunod naman ang ginawa kong pagtango. Bigla namang sumilay ang malawak nitong ngiti kasunod ang walang tigil nitong pagluha. Alam ko na dahil iyon sa kasiyahan.

Nagulat pa ako no'ng mabilis nitong sugurin ng mapusok na halik ang aking labi. No'ng makabawi ako sa pagkagulat ay napangiti nalang ako. Tinugon ko na rin ang halik nito pagkatapos. I miss him!

—

"Hindi ka dapat makonsensiya sa mga bagay na hindi mo naman ginawa, sweetheart. Wala ka namang ginawa, naging biktima ka lang din ng kasinungaling ng Linda na iyon. Pare-parehas lang tayong naging biktima nina mom and dad" wika nito pagkatapos kong sabihin dito ang dahilan kung bakit ko ito iniwasan nitong nakaraang buwan. "Hindi dapat ikaw ang mahiya kundi ang inay mo at----ako" Dagdag nito na napabuntong-hininga pa pagkatapos.

Humarap ako dito dahilan para matigil ito sa ginagawa nitong pagbo-blower sa aking buhok. "Bakit pati ikaw?" Nakakunot ang noo na tanong ko dito.

Nagpakawala ito ng isang malalim na hininga bago pinatay ang blower at tumitig sa mga mata ko. "B-because I thought of using you to make revenge to----"

Ako naman ang napabuntong-hininga. "Wala na 'yun sa akin. Hindi kita masisisi pagkatapos ng nangyari sa mom mo. At saka ang sabi nga natin, huwag nating hayaan ang ibang tao at ang nakaraan natin ang sisira sa kaligayahan natin" Pagpapakalma ko dito habang nakangiti at hinahaplos ang mukha nito.

Napapikit naman ito habang dinadala ang haplos ko. "Thank you so much, sweetheart" wika nito bago nagmulat ng mata at hinalikan ang aking kamay na humahaplos sa pisngi nito kanina. "I love you, my Gem"

Napangiti naman ako. "I love you too, my Dior" Tugon ko kung kaya't sumilay ang malawak nitong ngiti sa labi.

"Nice" Napapakagat sa labi na wika nito. Halata sa itsura nito ngayon na pinipigilan nito ang sarili sa patuloy na pagngiti. "And because of that, I'll give you 50,000, sweetheart"