صلي علي رسول الله
استغفر الله العظيم و اتوب اليه .
جاء الطعام و جلست تتناول كلا منهم طعامها و
فجأة
ريڤان بصراخ : جنبي
بتول بقلق : مالها في اي
نيڤين بتوتر : فيكِي اي ما أنتِ كنتِ كويسة
ريڤان بصوت خافت : مش قادرة
ثم سقطت مستلقية علي الأرض
يوسف من الخلف : في اي
ريماس : منعرفش هي مرة واحدة وقعت
يوسف : طب انا ممكن اوصلكوا بعربيتي المستشفي
ليلي باستعجال : ماشي يلا
سندت كلا من بتول و لارا و هنا ريڤان الي سيارة يوسف و انطلقوا الي المستشفي.
_____________
في الطريق :
ليلي بقلق : احنا المفروض نتصل بمامتها يا جماعة
لارا : ايوة فعلا
نيڤين : ثواني هتصل انا
فريدة ( والدة ريڤان) : الو
نيڤين بتوتر : ايوة يا طنط عاملة اي
فريدة : الحمدلله يا حبيبتي
لارا : انتي لسة هتتعرفي
ثم اخذت المحمول من يد نيڤين
لارا : ايوة يا طنط احنا رايحين مستشفي ****** عشان ريڤان أغمي عليها مرة واحدة و منعرفش مالها
فريدة بخوف علي ابنتها : اي طب طب انتو فين دلوقتي
لارا : احنا في الطريق للمستشفي و خلاص فاضل بالكتير خمس دقايق
فريدة : طب انا جيالكم حالا
اغلقت الخط كلا منها ؛
نيڤين بدموع : انا خايفة اوي
ريماس : و انا كمان
ثم اجهشوا جميعهم بالبكاء
يوسف : متقلقوش يا جماعة هتبقي كويسة أن شاء الله
_______________________
في المستشفي :
هنا : ها يا دكتور مالها ريڤان
الدكتور : هي كويسة بس احنا محتاجين تدخل جراحي عشان نشيل الزايدة
بتول : بس هي معندهاش الزايدة يا دكتور
الدكتور : للاسف هي تقريبا كانت بتاخد مسكنات و هي جت في الوقت المناسب كان ممكن تنفجر .
فريدة بخوف من نهاية ممر الطابق الذي توجد به ريڤان : هي فين هي كويسة ؟
دكتور : اهدي يا حجة بنتك كويسة
الدكتورة : حضرتك والدها
حسام بقلق علي ابنته: ايوة يا دكتور هي مالها
الدكتور : اشتكت من جنبها قبل كدة ؟
فريدة : ايوة و كانت بتاخد علاج
حسام : ايوة يا دكتور احنا وديناها لدكتور من فترة و قال إنها مش محتاجة عملية ولا حاجة و أنها تاخد ********* و ********* و مبقتش بتشتكي فعلا
الدكتور : الكلام ده من قد اي
فريدة : بقاله كتير حوالي تلات سنين
الدكتور : لا الموضوع متطور المرة دي و هنحتاج تدخل جراحي . ممكن حضراتكم تخلصوا الإجراءات لحد منجهز غرفة العمليات .
حسام : يعني هتبقي كويسة
الدكتور : ايوة و من حسن حظها دكتور الجراحة موجود النهاردة عن اذنكم
فريدة بنواح : يا حبيبتي يا بنتي
ليلي : متقلقيش يا طنط هتبقي كويسة
ريماس : تعبناك يا يوسف معانا النهاردة معلش
ليلي : اه والله شكرا ليك بجد
يوسف : علي اي يا جماعة مفيش حاجة
نظرت لهم فريدة باستغراب فهي لا تعرف من يوسف و ماذا أتي به الي هنا .
_________________________
دكتور الجراحة ( فاروق ) و هو والد احمد : الحالة جاهزة
احمد : ايوة جاهزة يا دكتور
فاروق : طب يلا
________________________
خارج العناية :
لارا : متقلقيش يا طنط أن شاء الله خير
فريدة : يارب يا بنتي
حسام : روحوا انتو يا بنات الوقت أتأخر كمان عشان اهاليكم متقلقش عليكم يلا هوصلكم
هنا : مفيش داعي يا عمو احنا هنروح
حسام : و ده يصح بردو يا بنتي يلا تعالو هوصلكم بالعربية
____________________________
و بعد عدة سويعات داخل العناية .
فريدة : ها يا دكتور طمنا
فاروق : الحمدلله بنتكم كويسة كلها كام ساعة و تفوق من البنج
حسام : يعني ينفع تروح معانا
فاروق : هي المفروض تفضل يومين تحت نظرنا و بعد كدة نشوف هينفع تروح و لا لاء بس اطمنوا
فريدة بقلق : لي يا دكتور هي ممكن متروحش
فاروق : الحالة متأخرة بس الحمدلله أننا لحقنا نلحقها لان الموضوع كان فعلا ممكن يخرج عن السيطرة لو اتأخرت اكتر من كدة عن اذنكم .
فريدة : يا عيني يا بنتي
حسام بحزم : انتي ازاي تسيبيها تاخد مسكنات و انتي عارفه انها غلط
فريدة : و انا اعرف منين أنها بتاخد مسكنات مشتكتش من جنبها
حسام : مكنش باين علي شكلها يعني
فريدة ببكاء : هو انت مش عايش معانا في نفس البيت يعني و بعدين الفترة اللي فاتت كانت فترة امتحانات و كل سنة بيبقي شكلها مجهد في الفترة دي بسبب قلة النوم و المذاكرة مش شايف بنتك خست قد اي
حسام بحنية : خلاص متعيطيش بس انتي عارفة أنها بنتنا الوحيدة و بنخاف عليها ازاي
اجهشت فريدة في البكاء : مهي بنتي انا كمان يا حسام
ضمها حسام الي صدره : خلاص حقك عليا متعيطيش
بعد برهة خرجت الممرضة من غرفة ريڤان :
فريدة : مينفعش ندخلها يا آنسة
الممرضة : لا للاسف مينفعش دلوقتي
فريدة برجاء : خمس دقايق بس
الممرضة : طب متتأخريش عن خمس دقايق عشان متضرش انا .
______________________
عند بتول و ريماس
نهال بعصبية : اي كل ده هو ده اللي مش هتتأخروا
بتول بحزن : ريڤان أغمي عليها ووديناها المستشفي و دخلت العمليات
نهال بصدمة : اي ! طب أغمي عليها لي و ازاي و انتو كنتو فين
ريماس : كنا معاها يا ماما هنكون فين بس هي مرة واحدة صوتت و مسكت جنبها و مرة واحدة أغمي عليها
نهال : طب وهي عاملة اي دلوقتي كويسة
بتول : مش عارفين والله يا خالتو لسة عمو حسام روحنا و قالنا عشان منتأخرش اكتر من كدة
نهال : طب خلاص نروحلهم بكرة الصبح
ريماس : اه والنبي يا ماما لاحسن طنط فريدة صعبت علينا اوي و كلنا خفنا علي ريڤان
نهال : الله يكون في عونها ووالله ؛ خشوا ناموا انتو عشان نروحلهم بدري
بتول : تصبحي علي خير يا خالتو
ريماس : تصبحي علي خير يا ماما
نهال : و انتو من أهله يا حبايبي
___________________________
عند نيڤين
رقية : اي ريڤان عاملة اي
نيڤين: دخلت العمليات والله يا ماما
رقية : لي هي كان مالها مكانت كويسة
نيڤين : هي وقعت مرة واحدة منعرفش لي
رقية : ربنا يقومها بالسلامة ؛ ايلين غسلت المواعين و نشرت الغسيل روقي انتي عشان لو هتروحي عند صاحبتك بكرة
نيڤين بتعب : حاضر يا ماما
____________________________
حنان بتوتر : يعني اي اغمي عليها مرة واحدة دي دي كانت كويسة الصبح و زي الفل اي اللي حصل
ليلي : معرفش بقي يا ماما احنا كلنا خفنا اوي و عيطنا
حنان بحنية : تعالي يا ضنايا في حضني
ليلي ببكاء : هو لي كل اللي بحبهم بيسيبوني بابا مشي و سابنا من و انا صغيرة وراح اتجوز واحدة خليته يبعد عننا و عمر بيكلمني ببرود
حنان بتعجب : انتي لسة بتكلمي عمر
ليلي : ايوة يا ماما انا بحبه
حنان : احنا مش كنا قفلنا الموضوع ده بقي
ليلي : يا ماما عمر كويس والله و انتي عارفاه
حنان بغضب : و لما هو كويس مجاش اتقدم لي و لا هنقضيها تليفونات و شاتات اتفضلي اعمليله بلوك و امسحي رقمه من عندك
ليلي : يا ماما بس ده جارنا وك.....
حنان بحزم : بلا بس بلا مبسش متخلينيش اخد منك التليفون ده و اقلك متكلميش صحابك كمان .
ليلي بتأفف : حاضر يا ماما
حنان : لو رايحة عند ريڤان بكرة خديني معاكي واجب بردو نطمن عليها
ليلي : حاضر يا ماما ؛ تصبحي علي خير
حنان : و انتي من أهل الخير يا حبيبتي
حنان : ليلي
ليلي : نعم يا ماما
حنان بتعاطف : تعالي هنا جنبي
جلست ليلي بجانبها لتقول حنان : يا بنتي انا خايفة عليكي مليش في الدنيا غيرك بعد ما ابوكي سابنا و هيتجوز واحدة منعرفلهاش اصل من فصل اسمعي كلامي متوجعيش قلبي عليكي و لو عمر من نصيبك هيروح فين يعني مهو متلقح اهو ركزي انتي في مستقبلك بس و أن شاء الله تبقي محامية شاطرة قد الدنيا
قبلت ليلي والدتها من وجنتها لتقول : ربنا يخليكي ليا و ميحرمنيش منك ابدا
____________________________
عند هنا :
وليد(والد هنا)بغضب : اي كل ده تأخير
هنا بارتيعاب : انا اسفة والله يا بابا بس صحبتي أغمي عليها و كن...
وليد : و المفروض بقي أني اصدق حواراتك دي صح انتي عارفة انك خسرتي ثقتي من ساعة مكنتي بتكلمي الواد الصايع اللي اسمه حسام من ورانا
هنا ببكاء : يا بابا احنا كنا لسة صغيرين مش كل شوية نفتح الموضوع ده بقي انا اعتذرت كتير
وليد باستهزاء : كملي تمثليتك الكدابة دي و دموع التماسيح بتاعتك دي اتفضلي روحي علي اوضتك و مفيش خروج من البيت لمدة أسبوع
ركضت هنا الي غرفتها و ألقت نفسها علي السرير و اجهشت بالبكاء .
نعمة (والدة هنا) : هو احنا مش هنخلص بقي من النكد ده البنت معملتش حاجة تاني و الحوار عدي عليه سنين كفاية بقي
وليد : بتدافعي عنها كمان طبعا مهو لولا تربيتك و دلعك الزيادة ده مكنتش عملت كدة اتفضلي خشي اوضتك انتي كمان مش عايز اشوف خلقتك قدامي
ذهبت نعمة الي غرفتها و هي ليس بيديها حيلة فوليد تغير كثيرا و اصبح قاسي عليهما مما ادي أن تلجأ هنا لشخص آخر و تعصي أمر الله
___________________________
عند لارا
محمود (والد لارا) : اي يا حبيبتي صحبتك عاملة اي
لارا بحزن : دخلت العمليات و منعرفش حاجة لسة يا بابا ثم أكملت ببكاء أنا بحب ريڤان اوي يا بابا و خايفة
محمود بحنية : متخافيش يا بنتي أن شاء الله هتبقي كويسة مفيش حاجة و بكرة اخدك و نروح نطمن عليها .
لارا : يارب يا بابا يارب
محمود بتساؤل : كلتي ؟
لارا : لا والله يا بابا ملحقناش
محمود بمزاح ليهون عنها : طب تعالي انا و انتي نحضر الغدا سوا
لارا بابتسامة : مش جعانة والله يا بابا مليش نفس
محمود : ازاي بقي ده أن مكلتش و مستنيكي عشان ناكل سوا
لارا : طيب هتاكل اي
محمود : انتي نفسك في اي
لارا : مش جعانة بس لو انت مصمم اوي يعني نطلب بيتزا
محمود : احنا اخر الشهر بس ماشي كله عشان خاطر عيونك
____________________________
خلدت كلا من ريماس و بتول الي النوم ؛و لكن بتول لم تكن نائمة كما يظنون .
كانت تحدث بتول شخصا ما علي الهاتف
بتول بتوتر : قلتلك مش هينفع اقابلك
المجهول : لي بقي أن شاء الله
بتول : مش هينفع
المجهول : لا هينفع و هينفع غصب عنك كمان و تعالي بالزوق بدل متيجي بالعافية ؛ كمان حاجة
بتول : انا غلطانة اني حبيتك و وثقت فيك من الاول اصلا
المجهول : اه شغل حبيتك و محبتكش و شغل البنات ده المهم انا محتاج مبلغ كدة
بتول بخوف : مبلغ اي و بعدين و انا مالي اصلا
المجهول بضحك مستفز: لا مهو انتِ اللي هتجبيلي المبلغ
بتول : انت اكيد اتجننت انا مش هعمل كدة طبعا
اغلقت الخط في وجهه و حظرت المتصل
حاولت أن تخلد الي النوم و لكن عقلها المشوش لا تستطيع أن تنم .
______________________
في الصباح :
ريڤان بدون وعي بسبب البنج : ماما انا مكلتش الكبدة
احمد بتساؤل: عايزة كبدة ؟
ريڤان : اممم
احمد بتفهم : انتي لسة مفوقتيش من البنج كل ده
دخلت فريدة بلهفة : هي صحيت
احمد : أه بس لسة مفاقتش البنج مأثر عليها شوية و هتفوق متقلقيش انا كنت بشوف الضغط و ضربات القلب و كويسين مفيش حاجة
خرج احمد من الغرفة
فريدة : تعالي جبتلك عصير
ريڤان : لا انا عايزة كبدة بقي
فريدة بتعجب : كبدة اي اللي انتي عايزاها انتي كمان
دلف وليد : ادا هي فاقت
ريڤان بعصبية : انا عايزة كبدة بقي
وليد بتعجب : كبدة اي مش فاهم
فريدة : سيبك منها لسة مفاقتش من البنج
ريڤان: اقفلوا النور هنام
فريدة : حاضر
نامت ريڤان مرة أخري
فريدة بقلق : هي مش هتفوق بقي
احمد : يا امي متقلقيش هي كويسة والله وكل ده طبيعي
وليد : بس دي بقالها كتير نايمة يبني
احمد : كل جسم غير التاني فيه ناس ممكن تفوق بعد يوم فيه ناس بعد نص ساعة فيه ناس بعد ساعتين و هكذا عادي
فريدة : يعني هي كويسة صح
احمد : والله كويسة
____________________________
جاءت كلا من ليلي و حنان ثم بعد ما يقارب بنصف ساعة جاءت نهال و ريماس و بتول تبعهم كلا من ونيڤين و لارا سويا ليطمئنوا علي ريڤان
نهال : ها يا فريدة ريڤان عاملة اي
فريدة : فاقت بس لسة تحت تاثير البنج
حنان : طب الحمدلله ؛ مينفعش ندخلها ؟
فريدة : لا ينفع انا كنت بجيب حاجة تاكلها بس
دخلا جميعهم الي الغرفة :
ريڤان بضحك هستيري : جبتولي الكبدة ثم أكملت ببكاء خدوا مني حتة
ضحكوا جميعا بصوت خارج عن إرادتهم
ريماس : طب هجبلنا حاجة نشربها ثم تابعت بمزاح و اجيب لريڨان الكبدة بالمرة
لارا : خديني معاكي
ريماس : يلا
خرجت كلا من ريماس و لارا ليجلبن شيئا يشربونه ليتفاجئوا بيوسف أمامهم
ريماس بدهشة: يوسف ؟ انت بتعمل اي هنا
يوسف و هو يحك نهاية رأسه : جاي أطمن علي ريڤان بقت عاملة اي دلوقتي
لارا بحدة : الحمدلله كويسة فاقت بس لسة تحت تاثير البنج
يوسف : ربنا يقومها بالسلامة ؛ ممكن رقمك يا انسة ريماس عشان اطمن علي ريڤان لما تفوق
ريماس بتوتر : ط....
لتقاطعها لارا بحدة : طب متاخد رقم ريڤان هي اللي تعبت مش ريماس
يوسف بإحراج: انا قصدي يعني أن ريڤان متعرفنيش و كدة فقلت اطمن عليها من آنسة ريماس
لارا : لا كتر خيرك والله
وجزت ريماس لارا بخفة لتخبر يوسف في احراج : طبعا يا استاذ يوسف اديني رقمك و هرن عليك
يوسف : ***********
رن هاتف يوسف برقم ريماس ليخبرها أنه سوف يحادثها ليطمئن علي صديقتهم
لارا : يعني انت جاي عشان تاخد رقم ريماس عشان تطمن علي ريڤان ؟
يوسف : لا انا كنت جاي و انا متردد بصراحة خفت أن والدها يفهم غلط او حاجة فقلت لو لقيت حد منكم موجود اخد الرقم يعني
ريماس محاولة تخفيف التوتر : تعبناك والله معانا يا استاذ يوسف
يوسف : لا تعب ولا حاجة اي حد مكاني كان هيعمل كدة
لارا بمزاح : اه طبعا اي حد مكانك كان هييجي يطمن عليها
يوسف بإحراج : استأذن انا بقي
لارا : اذنك معاك طبعا
ذهب يوسف لتقول لارا بسخرية : ابن اصول يوسف بردو مش كدة يا ريماس
ريماس بحدة : يا بت اتلمي بقي
لارا : حاضر حاضر هتلم
__________________________
هنا : يعني اي يا بابا مش عايزني اطمن علي صحبتي
والد هنا : يعني اللي سمعتيه مش هردد كلامي كتير
هنا برجاء : بس يا بابا انت عارف ريڤان أنها صحبتي و لازم ازورها
والد هنا : أن شاء الله لما تخرج ابقي خدي امك و زوروها في بيتها
هنا : بس يا بابا......
ليقاطعهم دقات الباب
والد هنا و هو يفتح الباب : مين حضرتك
هنا بذهول : انت انت اي اللي جابك هنا
__________________
تفتكروا مين اللي جه ؟
متنسوش تعملوا ڤوت و تقولولي لو فيه اي اخطاء في البارت ❤️
YOU ARE READING
لِمَا أْنَا ؟
隨機تتغير احداث حياتنا باستمرار ك ظهور شخص في حياتنا يقلبها رأس علي عقب بواسطة خبر يغير مصيرنا و مستقبلنا و لكن الأهم ان نستمر و نواصل و نتكيف بجميع الأحوال لا مانع أن نحزن قليلا و لكن لا ندع الحزن يتمكن منا علينا دائما البدء من جديد ليس علينا استغلال ك...
