صلي علي محمد عليه افضل الصلاة و السلام
و بعد إشراقة الشمس لتدل علي يوم جديد تتسلل أشعتها الذهبية الي غرفة ريڤان لتستيقظ علي ألم في رأسها بسبب سهرها ليلة البارحة تتحدث مع اصدقائها . نظرت في الساعة لتجدها السابعة و النصف كانت ستكمل نومها و لكن فتحت عينيها فجأة لتتذكر أن عليها الذهاب الي الجامعة فاليوم سابع يوم في امتحانات اخر العام استيقظت سريعا و دلفت الي الحمام لتستعد الي يوم جديد أدت فروضها و اخذت معها شطيرة لتأكلها في الطريق .
ريڤان : الو يا لارا انتي فين
لارا : اي يا بنتي عمالة ارن عليكي كل ده نوم
ريڤان : ما انتو السبب مخليتونيش انام بدري المهم انتي فين ؟
لارا : انا داخلة علي الجامعة اهو انتي اللي فين ؟
ريڤان : انا طلبت اوبر عشان صحيت متأخر و ركبت اهو ربع ساعة بالكتير و هكون عندك سلام .
لارا : سلام
أغلقت كل منهما الخط لتخبر ريڤان السائق بأن يسرع فهي متأخرة كثيرا .
وصلت ريڤان الي الجامعة و ذهبت الي المدرج لتغضب منها لارا علي تأخيرها .
لارا : اي كل ده تأخير يا هانم
ريڤان : الطريق كان زحمة اوي المهم معاكي الملخصات انا مخلصتهمش كلهم امبارح
لارا : اه اه معايا
و جلسوا سويا ليتذكروا ما درسوه علي مدار العام
__________________
عند نيڤين تستيقظ علي صوت والدتها المرتفع نوعا ما
والدة نيڤين : اي يختي صحي النوم مش قلتلك تصحي بدري عشان نروح نزور خالتك عشان تعبانة و نجيب الحاجات من السوق .
نيڤين و هي تزيل اللحاف من علي وجهها في نعاس
في اي يا ماما الساعة كام
والدة نيڤين : عشرة ونص يختي
نيڤين وهي تتثاوب : هنروح دلوقتي يعني يا ماما خالتو زمانها لسة مصحيتش اصلا
والدة نيڤين في نفاذ صبر : لا صحيت يختي لسة مكلماني قومي بقي .
نيڤين في تزمر : حاضر يا ماما قمت اهو
خرجت والدتها من الغرفة لتعد الفطور قبل أن يخرجوا .
دلفت نيڤين الي الحمام لتفيق ثم أدت فروضها و خرجت لتعد الفطور مع والدتها هي و اختها ايلين التي في عامها السابع عشر .
نيڤين في تساؤل : انتي مروحتيش المدرسة النهاردة ولا اي .
ايلين : لاء ماما قالت إنها هتاخدني عند خالتو معاكو
نيڤين : اوكي يلا عشان بابا مستعجل عشان عايز ينزل الشغل .
رقية ( والدة نيڤين ) هو ابوكي اصلا علي طول مستعجل .
ضحكوا سويا و وضعوا الفطور علي الطاولة .
و نظفت نيڤين و ايلين الطاولة سويا .
نيڤين : الدور عليكي تغسلي المواعين
ايلين : لا انا غسلتها امبارح بعد الغدا
نيڤين : و انا غسلتها بعد العشا انتي اللي عليكي الدور .
ايلين في تأفف : ماشي لما نيجي من عند خالتو .
__________________
عند ريماس و بتول فهم يعيشون في بيت واحد لأن والد و والدة بتول توفوا عندما كانت في الخامسة من عمرها و ترعرت و كبرت وسط اولاد عمها و لكن الأقرب ريماس و اخوها وليد في الصف الثاني الاعدادي و أيضا لأن والدة ريماس تكون خالة بتول ووالد ريماس عم بتول لذلك هي تعيش معهم في نفس المنزل و لكن شخصياتهم مختلفة تماما فريماس تريد أن تكون مستقلة في عملها و يكون لها مكانة في المجتمع بينما بتول تريد أن تكون الأسرة التي حرمت منها و يكون لها بيت دافئ و زوج حنون و اطفال تكون هي امهم .
استيقظت كلا من ريماس و بتول علي صوت طرق الباب
ريماس : مين
وليد : انا
بتول بتأفف : عايز اي يا وليد عايزين ننام
وليد و هو يدلف الي الغرفة : عايز التابلت بتاعي
ريماس : انت مروحتش لي المدرسة النهاردة
والدة ريماس ( نهال ) : انتي مش شايفة الجو عامل ازاي و بعدين كفاية نوم بقي اصحوا احنا بقينا الضهر .
بتول : يا خالتو سيبينا ننام شوية احنا مكملناش نوم ست ساعات علي بعض .
نهال : والله محدش قالكوا تفضلوا صاحيين علي أم الزفت التليفونات .
ريماس : ساعة و هنقوم
بتول : اه والله ساعة بس
نهال بنفاذ صبر : صبرني يارب انتو حرين
اكمل كلا من ريماس و بتول نومهم
_______________
عند ليلي الذي لم تنم من أمس
ليلي : اي يا هنا انتي فين
هنا : انا في الكافيه مع سلمي و مهاب و رشا بنشوف هنعمل اي في مشروع التخرج في حاجة ولا اي ؟
ليلي : لا بس ولا بتول ولا ريماس و لا ريڤان ولا لارا حد فيهم بيرد و مبعتوش حاجة من امبارح .
هنا : لارا و ريڤان في الجامعة اكيد قالوا امبارح عندهم امتحان و بتول و ريماس انتي عارفة اكيد نايمين ريماس خلصت و انتي و بتول يوم الخميس اخر يوم ليكو يا ولاد المحظوظة .
ليلي بضحكة زائفة : ماشي يا ستي و بعدين ما انتي كمان فاضلك اسبوع و تخلصي اهو.
هنا بضحك : عندك حق هقفل معاكي دلوقتي و هكلمك بعدين تمام
ليلي : تمام يا حب .
ليلي في شرود يا تري اخرتها معاك اي يا عمر هتفضل ساكت كدة لحد امتي
________________
ريڤان : الحمدلله أننا ذاكرنا الحتة اللي الدكتور قال إنها مش هتيجي في الامتحان
لارا : اه والله طول عمري مش بطيق الدكتور ده ولا هو ولا مادته
ريڤان : هو ميطاقش فعلا عندك حق المهم ملناش دعوة بيه خلينا نعدي ام السنة دي علي خير خلاص هانت اهي اخر سنة
لارا : الحمدلله هتروحي و لا نقابل البنات و بعد كدة نروح
ريڤان : ماشي كلميهم و شوفي كدة لو هينزلوا هكلم ماما و نتقابل
لارا : ماشي استني هعمل مكالمة جماعية
ريڤان : ماشي احسن
قامت لارا بإجراء مكالمة جماعية
استيقظت كل من بتول و ريماس و خرجت ليلي من المرحاض محاوطة نفسها بالمنشفة فكانت تأخذ حمام لتخرج من شرودها
لارا : اي صاحيين ولا نايمين
ليلي : لا انا صاحية كنت باخد شاور
بتول : انا و ريماس لسة صاحيين بردو
ريماس : اه هي الساعة كام
هنا : الساعة 12 امال فين نيڤين
نيڤين : اي يا جماعة في اي من امتي بتتصلوا كول
ريڤان : تقريبا لارا واقعة علي ورث
ضحكت لارا و ريڤان و جميعهم
لارا : المهم يا عيال نتقابل ؟
هنا : معنديش مانع انا كدة كدة في الشارع كنت مع مهاب و رشا و سلمي .
نيڤين : احنا عند خالتو بس هقول لماما و اجيب الحاجات اللي عايزاها و اجيلكوا يارب توافق
ريماس : مش عارفة ماما هترضي ولا لاء اصل احنا لسة صاحيين
بتول : هحاول اقنعلكوا خالتو انا
ريڤان : طب نصاية و هنكلمكم تاني شوفوا انتو اي الأوضاع .
هنا : تمام
نيڤين : ماشي هروح اقول لماما
بتول و ريماس : اوكي
ليلي : مش عارفة انزل ولا لاء مش قادرة
لارا : ليلي بطلي رخامة و انزلي هنستناكي
ليلي : طيب هشوف
أغلقت لارا الخط و قالت في تساؤل
هي ليلي مالها كانت ساكتة خالص طول الكول
ريڤان : مش عارفة هتلاقي بسبب الزفت اللي اسمه عمر اكيد مفيش غيرو
لارا :
معرفش هيفضل بيستعبط لحد امتي
ريڤان : هخليها تيجي بالعافية معتقدش طنط حنان هيبقي عندها مانع صح
لارا : اه احنا ممكن نروحلها بيتها قريب لحد منشوف بتول و ريماس هيعملوا اي
ريڤان : يلا بينا
________________________
ذهب كلا من ريڤان و لارا الي منزل ليلي :
حنان : ايوة مين
لارا : انا و ريڤان يا طنط
حنان : اهلا اهلا يا حبايبي معلش علي البهدلة بقي بس ليلي مقالتليش انكو جايين
ريڤان بابتسامة : لا هي ليلي اصلا متعرفش أننا جايين احنا اللي اسفين أننا جايين من غير ميعاد
حنان : اي يا بنتي اللي بتقوليه ده عيب عليكي انتو عيالي زي ليلي و شهد بالظبط
لارا : ربنا يخليكي يا طنط فين ليلي بقي
حنان : في اوضتها هي مش بتخرج منها اصلا
ريڤان : طب احنا هندخلها
حنان : ادخلوا يا حبايبي البيت بيتكو
___________________
ليلي باندهاش و هي تزيل سماعة الأذن من علي رأسها : ادا انتو جيتو امتي
لارا : هنكون جينا امتي يعني لسة جايين
ريڤان : غبية اوي اي يختي مش عايزة تنزلي لي أن شاء الله طبعا عشان استاذ عمر بتاعك
ليلي : علي صوتك كمان امي لسة مسمعتش
لارا بضحك : عندها حق بردو يا ليلي هتفضلي كدة لحد امتي
ليلي بحزن : انا معرفش هو بيعمل كدة لي اصلا ساعات احس انه مهتم اوي و ساعات احس اني مش فارقة معاه اصلا ساعات أحسه أنه بيموت فيا و ساعات يعاملني ولا كأنه يعرفني
ريڤان : عادي دي مرحلة الاستعباط اتقلي انتي بس عليه
لارا : هي لو سمعت كلامك يبقي هينفصلوا
ريڤان : يا ست اقعدي بزين بتاعك اللي منعرفش شكله لحد دلوقتي اصلا
لارا بهيام : زين هو فيه زي زين بس انا مش عارفة اعمل اي قوليلي اعمل اي
ريڤان : بتساليني لي دلوقتي مش انا بخرب العلاقات
ليلي بضحك : انتو جايين تتخانقوا و أمي برة
ريڤان : طب اي هننزل ولا اي
لارا : هتصل علي العيال و اشوفهم عملوا اي
بتول : اي عاملين اي
لارا : عاملين اي ؟ انتي نايمة ولا اي عملتي اي مع خالتك
بتول : قالتلنا نروق و بعد كدة هتفكر ننزل ولا لاء
ليلي : امال فين ريماس
بتول : بتروق الاوض
ريڤان : امال انتي بتعملي اي يا حبي
بتول : بغسل المواعين
ريڤان : طب نادي ريماس
بتول : ريمااااس يا ريمااااس
ريماس : اي في اي
بتول : خدي افتحي السبيكر
ريماس : اي
لارا : كتك اوا انتي وهي عملتوا اي
ريماس : اعتقد أن ماما هتوافق يعني انتو عملتوا اي مع نيڤين
لارا : برن عليها اهو
ريماس : ماشي علي متكلموها نكون احنا خلصنا
YOU ARE READING
لِمَا أْنَا ؟
Randomتتغير احداث حياتنا باستمرار ك ظهور شخص في حياتنا يقلبها رأس علي عقب بواسطة خبر يغير مصيرنا و مستقبلنا و لكن الأهم ان نستمر و نواصل و نتكيف بجميع الأحوال لا مانع أن نحزن قليلا و لكن لا ندع الحزن يتمكن منا علينا دائما البدء من جديد ليس علينا استغلال ك...
