انا وهشاشه خيالي

بارت 18

ورد:سحبت ايدي شهاب خلينا نبتعد وننهي كلشي مدام بررنه لبعض خلص
شهاب:اش ورد اموت اني بهل اسبوع تدمرت تريديني اعوفج شدتحجين
ورد: مثل ماكلت احسن النه ثنينه وانت شوف حياتك ماشي واتمنى تفهمني بقه ساكت ويباوع عليه ممصدك  انتهى كلشي....

بدريه ونور الدين
فاطمه:دخلت بشهر الرابع بس كل يوم انزف وماكول لنور الدين حتى لايقلق وأساسًا حاليا عنده ترقيه ودايشتغل وابد مااشغل باله ماريد اتعبه كلت هاي امور الحمل بس التعب واضح على وجهي ومن يجي ماابين هذا
اجه من الشغل جنت دااطبخ مادري بي جاي وكفت على الطباخ لزمت بطني حيل بآلم سمعت صوته تعدلت سويت نفسي اگلب بالأكل حضني من وره
ابتسمت وانداريت
فاطمه:الله يساعدك حبيبي
نور الدين:ويساعدج رويحتي بيج شي
فاطمه:لا سلامتك روح بدل حتى اصب
هز راسه ممقتنع وراح للغرفه كلت خلص لازم اكُله
رتبت الميز اجه كعد باس خدي
نور الدين:عاشت ايدج بدريتي
فاطمه:اممم حبيبي شلونه شغلك
نور الدين:اخ بدريتي حاليًا كلشي متوتر يمكن حتى ترقيه مااحصل
فاطمه:ليش حبيبي
نور الدين:مو فتره مابين الترقيه تصير حساسه على اقل غلط تنقص ايام استلام الترقيه يعني جر وعر يريدوني اتلوك الهم واني تلعب نفسي هي الترقيه وحدها تجيني
فاطمه:هزيت راسي يلا انشاءلله خير
نور الدين:حبيبتي شبيج هل ايام وجهج اصفر لزم وجهي يتلمس بخدودي ابتسمت
فاطمه:مبيه والله جوز من الحمل
نور الدين:خلي اخلص من جم شغله براسي ونروح للدكتوره باس ايدي

وره يومين كعدت ميته من الوجع مشيت بالكوه اريد اروح الحمام حسيت شي دافي نزل بين رجليه شهكت ونزلن دموعي
فاطمه:ربي دخيلك كون طفلي مابي شي احجي وامشي ادور على تلفوني اتصلت على نور الدين
فاطمه:حاولت اعدل صوتي حبيبي مشغول
نور الدين:اي والله بدريه بس كولي تريدين شي
فاطمه: ضغطت على بطني بالم والدم يجري لا ماكو شي بس ردت اسئل ماشي روح عمري
نور الدين: متاكده بدريه شبي صوتج اجيج
فاطمه:لا لا توني كاعده وحاليًا بالفراش روح كمل شغلك
نور الدين:ماشي رويحتي
سديته واتصلت على ورد بسرعه
فاطمه:ورد دخيلج تعاي ابني مدري شبيه داانزف الغرفه نملت دم
ورد:جايه جايه بالطريق
اجتني بسرعه خطيه جانت بالحامعه وجايتني بسرعه
اخذتني للمستشفى وحلفتها متتصل على نور الدين
دخلوني بسرعه وسمعت الدكتوره تصيح عدها اجهاض بسرعه
فتحت عيوني بصدمه وباوعت لورد
فاطمه:شنو اجهاض ورد شدتحجي ابني مات؟؟؟
ورد:اهدي اهدي لا هسه نفتهم دكتوره احجي شكو
الدكتوره :بنتي عندج اجهاض وحالا لازم تنزلين الجنين لأن ياثر على صحتج
فاطمه:عطت واني ابجي لا لا حبابه دكتوره سوي شي لاااا
مسمعتني حطولي مخدر بالمغذي ونمت محسيت بشي كعدت لكيت نور الدين بصفي حاط راسه على ايدي
فاطمه:نور حبيبي
فز بسرعه وباوعلي
نور الدين:ها رويحتي تحسين بشي يوجعج
هزيت راسي ونزلن دموعي عرفته ضايج حيل بس ميريد يبين كدامي
فاطمه:اسفه والله اني مو خوش ام ماكدرت احمي ابنا
نور الدين:حضني بسرعه اش لتكولين هيج قدر وصار انتي احسن ام شفتها اني صوجي هملتج ولتهيت بشغلي ليش مكتيلي بدريه ليش تدرين الندم اكلني
فاطمه:ماردت اعطل شغلك وانته هلفتره تعبان ازيد همك همين
باس راسي
نور الدين:اروحلج فدوه وتكول اني موخوش ام وانتي اطيب ام شفتها بحياتي
فاطمه:ابتسمت خلي نطلع فدوه اكره المستشفى

مرام وادهم
مرام:جنت كاعده على التخم واقره كتاب على الحمل وعلى تربيه الاطفال كلش استفاد منه اجه ادهم باس بطني على كيف وباس راسي وكعد بصفي
ادهم:دخلتي بشهرج مناوي يطلع مو طلعت روحي
مرام:هلمره اتفق شو داخل بسبات ابنك
ادهم:رفع ردانته اطلعه اني غمز
مرام:ادهمممم ضحكت
ادهم: بويه حضرتي ملابس الج وللطفل خاف فجاة يكعد ويهجم علينه يريد يطلع
مرام:اي محضره كُلشي اول مدخلت بشهري لتخاف بس عليك توديني للمستشفى وتتحمل الغلط الي راح تحصله
ادهم:اوديج للمستشفى بعيوني بس الغلط ليش
مرام:لان قريت معلومه بهذا الكتاب يكول باثناء الولاده المراة تكره زوجها ولو يكون قريب عليها تحطه وتكتله واذا بعيد تكتفي بالغلط
ادهم:ضحك اشك هذا الكتاب ناصب عليج
مرام: نجرب بيوم الولاده شخسرانين
ادهم:اي وشلون عندج سنون مال جلاب تشبعيني عض واذا الله راد ينقذني اكون بعيد عنج عندج لسان صاروخ ينكط عسل راح تشبعيني غلط
مرام:الله اشتهيتك بعضه تقربت وعضيت زنده وهو صار عنده الوضع عادي اصلا مكام يحس
جنه نايمين وحسيت بالم فضيع ابد ابد مو عادي مثل كل مره
تعدلت واني اقره بكلبي ايات
مرام:ادهم الحك فدوه راح اجيب احس راح اموت صرخت بآلم وهو كام بسرعه يلبسني ويهدئ بيه واني ميته من الوجع وصريخي وصل للطابق الاول
صعدنا السياره واني اصرخ واغلط عليه مخليت غلطه تعتب عليه
مرام: يبووووو الله ياخذ الساعه الي شفتك بيها وحبيتك ياكلب لك راح اموت من وراك ادهم استعجلللللل عضيت ايده قوي وهو صاح
ادهم:صار صار بس هدي ايدي شلون اسوق نعلالا
وصلنا بالموت ودخلوني لصاله وادهم دخل وياي ولدت ولاده طبيعيه ادهم معافني وشبع غلط مني ومن غير العض هدات حطو ابني بحضني بجيت وباوعت لادهم
مرام:ادهم شوف ابنه يخبل الله مصلي على محمد بست راسه تقرب ادهم باس راسه
وره يومين رجعنا للبيت تعبانين غسلنا وبدلنا وبسرعه للفراش وبنصنه ابنا "ليث"
مرام: ادهم شنو رايك نسولف ليثوي قصتنا
ادهم:اي ليش لا احجيها انتي واني اكتبها  حتى من يكبر يقراها سحب دفتر وقلم 
ابتسمت اممم
كان يامكان قبل 10سنوات

للكاتبه:وتين
انستا//// uluvmine