انا وهشاشه خيالي

بارت12

فزيت فجاة من مكاني باوعت اني وين
جنت بغرفتي وبصفي نور الدين باوعتله وابتسمت بفرح تقربت حضنته قويي كلش مثل ميسويلي سمعت ضحكته
نور الدين:ها بدريه شهل تحرش
فاطمه:انته حضنتي واني ردتيها مو تحرش جنت احجي واجر الكلمه بالكوه
نور الدين:شكد نمتي
فاطمه:شكد
نور الدين:صارلج يوم كامل نايمه
فركت عيوني وباوعت لشكله جان قريب عليه كُلش لحيته طولانه وشكله نحلان وجوه عيونه سود
فاطمه: وينه فارس
نور الدين:بالسجن 
هزيت راسي على كيف
نور الدين: تدرين لوما سكران وميدري بروحه هسه انتي لسه عنده
اباوعله وبس ساكته بتعدت ردت اكوم سحبني وقربتي اله كُلش طبع بوسه خفيفه على شفايفي وحجه يهمس
نور الدين:من رحتي حسيت الدنيا وكفت بس لو ادري ليش هيج تربعتي بكلبي اخ يبدريه لو اكدر احجي كلشي بس كلبي يوجعني يحجي وعيونه بعيوني وصوته ذايب
وجهي صار احمر بس اريد افلت من عنده
فلتت بالكوه وطفرت للحمام احس صرت بركان سبحت ورتاحيت وبدلت تركت شعري مفتوح ومبلل ورحت للمطبخ بيدي سعدون ابوس بيه وهو واكف يسوي ريوك
وكفت يمه حجيت بنبرة اللواكه مالتي
فاطمه:نوووووور
نور الدين:خيرج
فاطمه: خلي ارجع للمدرسه شنو هاي ماريد ابطل اريد اصير business woman
باوعلي صفح
نور الدين:مو هسه
فاطمه:شوكت
نور الدين:ولكم ماكو هيج البارحه مخطوفه والا شويه تنكتل تصبح الصبح تريد تروح للمدرسه صدك بطرانه
فاطمه:غير طالبه مجتهده
نور الدين:غير تنجحين بالدفرات
ضحكت وباوعتله
فاطمه:شمدريكككك بعدين يادفرات صح اطلع دور ثاني بس انجح
نور الدين:اي وتريد تصير business woman
كعدنا ناكل وندك الباب كام نور واني كملت اكل
نور الدين: منو تفضلي
ورد: بيت الضابط نور الدين ؟؟

قبل شهرين
ورد: يمه اني رايحه لبيت صديقتي عازمتني على الغدا
::وين متروحين الدنيا مو امان
ورد:يمه روحي طلعت خليني اطلع ماتاخر والله
::روحي بس ادك عليج تردين
ورد:ماشي
بدلت واخذت تكسي ورحت لمركز الشرطه وضليت اسئل من واحد لواحد هذاك يكُلي روحي لشرطي فلان هذاك يكُلي روحي لضابط فلان مخليت مكان مفتريته
امشي بسرعه اريد الحك قبل لتتصل امي واحد يمشي ويخابر وبيده كلاص جاي نصدمنه ببعض ووكع الجاي عليه كتمت صرختي بالم وجان نارررر باوعتله بحقد
ورد:انته متشوف اعمى متكليييي
شهاب: اهدي شمدريني ماشفتج
ورد:هاي بدل ماتعتذر وخر عن طريقي مشيت وعفته واني امسح بملابسي
رجعت للبيت لان امي اتصلت امتضرت كم يوم وهم رجعت للمركز ودوني على ضابط جبير بالعمر
ورد :السلام عليكم سيدي اني صارلي ايام ادور على ضابط موجود هنا اسمه نور الدين بس اعرف اسمه ولازم التقي بيه
::بنيتي هنا اكو هواي ضباط هذا سامع بي بس ماعتقد بمركزنا مرهه اجه لهنا لصديقه اكدر ادليج لصديقه وهو يكلج
زفرت الهوا وكلت بنفسي صرت جني طوبه اروح منا واجي منا
ورد:اي والله تسوي فضل
اخذني ودخلت لمكتب واحد حاط رجليه على الميز مالته ويلعب ومندمج
دكيت الباب اكثر من مره
شهاب:بس لحضه خلكمل الكيم رحمات الله اهلك
بقيت واكفه دخيلك ربي هذا شكل ضابط بقيت واكفه يم الباب ومتكتفه كمل وباوعلي
شهاب:هاي انتي خاف جيتي تريدين فصل لان حركتج بالجاي
ورد: اجيت الضابط سرمد دزني عليك اريد استسفر من شي احجي ولازمه نفسي بالكوه
شهاب:اي تفضلي شكو
ورد:تعرف الضابط نور الدين واني بنفس مكاني واكفه
شهاب:لا
عرفت ديجذب عليه
ورد:تره مراح اگله كلي تعرفه لولا حجيت بنتر
شهاب:تدرين ويامن دتحجين ؟؟؟
ورد:ويامن يعني هو انته خلك زعطوط يشتغل بفلوس ابو هنا
عدل كعدته وباوعله بعصبيه وحقد
شهاب:  احترمي نفسج والله لو انتي ولد جان عرفت شلون اتصرف وياج
ورد:تقدمت عليه وشراح تسوي تمد ايدك حتى اكسرها انسان بلا ذوق عفته وطلعت سديت الباب حيل
مانكر تندمت لان حجيت ويا هيج لان هو الوحيد الي راح يدليني مكان نور الدين وين
بعد ايام همين رجعت وكلي ثقه راح يكول مكانه لان عندي شي قوي ضده
دكيت باب مكتبه ودخلت لكيته منزل راسه ديكتب
باوعلي صفح
شهاب:ها خيرررر؟؟
ورد:السلام عليكم
شهاب:شكو
ورد:الناس تكول وعليكم السلام تقدمت كعدت وحطيت رجل على رجل يلا ماكو مشكله اعلمك تحيه الاسلام
شهاب:فضيني شكو كتلج ماعرف احد باسم نور الدين ليش هل ملحه شكد لزكه
رفعت تلفوني وشوفته صورته بس بالداخليات ونايم
فتح حلكه وكام يريد ياخذ التلفون عرفت هو ابو شي جبير بالدوله وهو شخصيته عود هيبه كدام الكل وهاي الصوره حصلتها من صديقه صديقه اضرب منه اول مكتله اني حبيبه شهاب دزلي الصوره مدري شنو من مجتمع المهم اخذت الصوره وانطيته بلوك
شهاب: شهل تصرفات شنو زعاطيط احنه مسحيها كام يمتمت وتوتر ابتسمت
ورد:شنو رأيك ادز هاي الصوره لبيج؟؟؟والله تنشهر شبيك عاط بيه
شهاب:شتريدين احجي فلوس؟ شنو احجيييي
ورد:خلي فلوسك الك كلي وين نور الدين اختي عنده حجيتها واني اعيط مثله
سكتنه ثنينه باوعلي
شهاب:نور الدين حاليًا عنده مشكله حتى مكالماتي مدا يرد عليهن من تخلص اني اكلج ونروحله ماكدر انطيج عنوانه
ورد:والله اذا جنت تجذب ياشهاب صورتج تلكاها بكل بيجات العراق فتهمت؟
شهاب:شنو انتي تهددين يعني تره اكدر اطيح حضج بس خليني محترمج
ورد:اي عود خفت هاك رقمي اتصل من تنحل مشكله صديقك كطيعه انته وياه شمرته وطلعت
صار كل يوم يراسلني بحجه نور الدين واني ارد بكلمه وهو يكتب جرايد لو يدز صوره شنو رايج انشر هاي شنو رايج احط هاي ستوري واني مطايقته اخر شي نطيته بلوك انوب كام يتصل على الرصيد واني مطنشته
مرت الايام وصار شهر تقريبا اتصل عليه
ورد:ها شهاب هاااااا
شهاب:ووجعا شبيج متريدين تروحين لنور الدين هاهيه باي
ورد:اكف نحلت مشكلته نكدر نروح؟؟؟
شهاب:اي
ورد:اوك نطيني العنوان اروح
شهاب:اني اجيج
ورد:نطم شنو هيه هيته أساسًا اهلي ميدرون اني اجي وين الكاك
شهاب:ب*** تلكيني انتضرج بالسياره
بدلت وكلت لامي رايحه لصديقتي هاي حجتي شسوي لعد
وصلت ونزلت من تكسي وصعدت بسيارته ليوره
شهاب:اي سايق الخلفج اني
ورد:امشي وبدون كلام زايد اريد اشوف اختي
ساق وماسكت بس يلغي وينكت وصلنا للعماره وصعدنا بالمصعد باوعلي
شهاب: خرب بالكوا*د نسيت تلفوني راح انزل اجيبه ذيج شقته اشرلي
هزيت راسي ومشيت دكيت الجرس طلعلي
ورد:انته نور الدين ؟؟
نور الدين:منو تفضلي
ورد: جاوب انته نور الدين
نور الدين:اي منو نتر اجه شهاب
شهاب: ها نوري صافحه
شهاب:هاي ورد صارلها شهرين تلح عليه تريد تشوفك تكول اختي عندك عمي طلع اختها خلي تشوفها
باوع نور الدين بشك مانكر نضراته تخوف حاده تحسين يريد يضربج
نور الدين: بس زوجتي ماعدها اخت
فتحت حلكي ورد:زوجتك؟تقصد فاطمه؟؟؟؟؟
نور الدين:اي
ورد: بت خالها اني مو اختها بس خلي اشوفها كافي تحقيق واني احجي اجت فاطمه دتلبس شالها شافتني شهكت
فاطمه: وردتيييي بجيت وتقدمت الها حضنتها حيل
ورد: يمهههه فطيمه وينج مشتاقتلج يكلبه شصار بيه بدونج
فاطمه:همست كلشي صارلي ورد كلشي
نور الدين:طبو عيب احنه بره حجها بحده
دخلنا وشهاب يصنف علينه لان متحاضنين ونبوس ببعض
شهاب:هديها هديها مراح تطير
ورد:شعليك تغارررر
سحبه نور الدين وراحو للصاله واني وورد رحنه لغرفتي
فاطمه:شلونج شلونه خالي
ورد:بخير الحمدلله فطيمه صدك خجلانه منج محد سئل عنج حتى ابوي اسفه تحجي وتبجي بس والله صارلي شهرين ادور عليج فتت مراكز دتشوفين هذا العار شهاب هددته بصورة يلا قبل يكلي وين نور الدين
فاطمه:مسحت دموعها دنجبي وذا  اهمشي عندي انتي اعرفج متعوفيني وهذا شهاب صديق مقرب لنور الدين مره شفته بصوره هو وياه بس مبين فطير
ورد:عوفينه منه سولفيلي شصارلج وصدك هذا زوجج؟؟؟
فاطمه:هزيت راسي وسولفتلها كلشي وهي تباوعلي وتبجي وتتاسف لان مجانت وياي
فاطمه:وخلصصصص هاي قصتي
ورد:تحبي لنور الدين ؟؟
فاطمه:رفعت كتفي بمعنى مادري
ورد:هي مال كلاوات احجي
فاطمه:مادري كتلج كلسا شخصيه هو حنون ولطيف وشهم وبعدين يصير بارد مستفز عصبي همجي مفاهمته لسه
هزت راسها
ورد:لازم اروح امي هسه حركت التلفون واني غلقته
فاطمه:ورد لتجيني وتدخلين نفسج بمصايب حبابه خلي نتواصل بالواتساب وهاهيه اخذت رقمها
طلعنه من الغرفه ثنينه وجهنا احمر من البجي
شهاب:يااا ليش ماعزمتونه!
ورد:عليمن؟
شهاب:على القرايه مالتجن شوف مبينه خوش مله هواي باجيات
نور الدين وورد سكتو بس اني ضحكت بصوت عالي
وشهاب على ضحكتي ضحك
باوعت لنور الدين خزرني سكتت فجاة
ورد: ديري بالج على نفسج حبيبي كلما يصيرلي مجال اجيج والله
فاطمه:وانت هم هلا بيج بأي وقت
شهاب:يلا حشيش امشي
ورد:حشيش شنو شجاب الورد على الحشيش
نور الدين:شهاب اثكل وصل ورد لبيتهم ولتلزك 
شهاب:هاهيه عمي امشينه
راحو سد الباب واجه يمي مخنزر
فاطمه:ها يول شبيك
نور الدين:لو بعد بايستها وحاضنتها خاف مشبعتني
حسيته غار
فاطمه:لا شبعت لتخاف
كفخني على راسي
نور الدين:شسولفتو بس لا كلشي خرطتي يمكن تطلع مثل اخوج شلون تثقين؟؟؟؟
فاطمه:لا لتخاف ورد ابد مو مثلهم اساسا مخالفه ابوها وجايه تشوفني وصارلها شهرين تدور عليه وشهاب ميقبل يكللها عليك اخر شي مهددته بصوره وهو نايم بالداخليات حجيتها وضحكت وهو مخنزر نفس ملامحه
نور الدين:هز بيده عبالك حلوه دتتمضحك عافني ومشى
رحت انضف البيت وهو يمي بالصاله وبيده التلفون اسمعه يخابر يكول لتخاف ميصير شي وهذاك مصر على شي اخر شي عاط ليش مكتلي ادهم خرب بالكوا*د مشى بسرعه يريد يطلع
فاطمه:وين نور
نور الدين:لادهم هسه جاي
فاطمه:خل اروحححح لبست بسرعه ومشيت قبله زفر الهوه بعصبيه وطلعنه  طبينالهم اخذ ادهم مدري شيسولفون
همست لمرام شبيهم ذوله؟؟؟
مرام:مادري مكلي بس حسب علمي جايهم تهديد ثنينهم
فتحت حلكي وشهكت وهيه كرصتني
مرام:لج لتخافين هاي عدوهم التهديدات زلاطه بس ادهم مهددي بيه ومتخبل مع انو محد يعرف مكانه وانوب عرفوا نور الدين بنفس العماره هددوهم ثنينهم وهلحجي صارله فتره ومهتمينه بس هسه واضح الشي خطر
فاطمه: يعني شلون هسه
مرام:علمي علمج ديشوفون حل
باوعولنا ثنينهم وواضح الغضب والتوتر بوجوهم
حجو ثنينهم بنفس الوقت لازم تطلعن منا انتن الثنين...

للكاتبه وتين

انستا لأي سؤال/uluvmine