نور الدين:ضربت على الميز بقوه وعاط وبعدييين تضلين تعوين متحجين مرمرتي كلبي داالعب وياج
ويصرخ بوجهي ويضرب على الميز
:ضميت وجهي بين ايديه واهز براسي ميفهمني ميفهمني ماكدر احجي ماكدر متطلع مني جمله من الي شفته
:قرب وجهه مني وصوته الي صار رعب حياتي بسبوع
نور الدين: همس بفحيح وغضب ها يعني متحجين؟؟؟
فاطمه:باوعت توسل واني اشهك اريده يفهمني عباله اني متعمده ماحجي
نور الدين: بقه بس اخوج العار عايش وانتي صرتي بين الرجلين ف شنو رأيج اتخلص منه وهم كدامج مثل باقي عائلتج ؟؟؟
فاطمه:باوعت بوجهة بصدمه مشفت بحياتي شخص بحقارته صرخت بقوه وكعدت بالكاع اصرخ وألم بنفسي انهاريت من كلامه الي مثل السم بداخلي
اجه صديقه جفت للغرفه نور بسرعه تعال لگينه الوكر مالتهم ...باوعلي اروح واجي اذا محجيتي عتبري نفسج ميته فهمتي؟ طلع بسرعه
فاطمه: رچيت نفسي على الحايط بتعب والدموع منشفت من عيني وكلامه يتردد ببالي ونمت... حسيت الباب نفتح على كيف وخطوات تتوجه كدامي اجه قرفص كدامي وباوعلي باوعتله وكوه افتح عيوني مد ايده الي
نور الدين:كومي وياي
فاطمه:ابتسمت يعني راح يقتلني خلص كمت وملزمت ايده وهو يباوعلي مدري شلون احس نضراته مو مثل قبل كلها حقد وشر
نور الدين:تعالي وياي للمكتب سحب ايدي ومشه
اباوع المركز فارغ وهدوء يمكن فجر هسه دخلني للمكتب وكعدني وكعد مقابيلي بالضبط
نور الدين: فاطمه احجي دخيلج احجي عذبتيني تدرين باجر اذا ماحجيتي شراح يصير راح تروحين للسجن وتعرفين السجن شبيه مسقبلج يضيع يمكن يعتدون عليج ويمكن يقتلوج وهاي اذا مؤبد اقري على نفسج الفاتحه جان يحجي بتوسيل موعبالك الوحش الي جان قبل باوعتله ونزلو دموعي اشرت على بلعومي ماكدر
نور الدين:الدكتور كال ممعقوله تبقى هلكد حاولو وياها حط رجل على رجل يلا بويه نسولف شعدنه اليوم الا اخليج تحجين باوعتله عبالك شخص منفصم كلسا شخصيه دخيلك ربي
مرت ساعتين وهو يحاول يحجيني واني مثل الطفله وياه اريد احجي فجاة كلي خلص نامي مراح تحجين شبيدي عليج باوعتله شعجب فگ عني ياخه
نور الدين: راح اطلع نامي على التخم هذا كام وطلع
اباوع مستغربه مددت وبسرعه نمت ماحس غير صوت طلقه قريبه مني كلش فزيت وصحت يمه بصوت عالي
اجه يمي ولزم وجهي اش اش خلص حجيتي باوعتله بصدمه وغضب
نور الدين:هاي جانت الطريقه الوحيده كال الدكتور لو تموت من الخرعه لو تنطق وانتي عار متموتين
فاطمه: لك انته شنو من بشر اكو واحد هيج يسوي من صدك انته وحش وصرخ بوجهة واجر بقميصه حيل هد ايديه من قميصه وكعدني
نور الدين :هاج شربي مي لو ضاله ساكته احسن شوف صوتها يصلي صلي شربت مي واني مخنزره بوجهة وارجف من الخرعه كعد كبالي وحجه بجديه
نور الدين: احجي
فاطمه:شحجي
نور الدين: منو قتل عائلتج اخوج وين
فاطمه: ضغطت حيل على الكلاص واني اباوعله شلون اقتل اهلي من كل عقلك صارلك سبوع شوفتني الويل وتكلي منو قاتل اهلج؟؟؟
نور الدين:السجينه بيدج جانت من اغمى عليج شيفسر هذا
فاطمه: نكسر الكلاص بيدي واني ارجف واباوع بعيونه كام بسرعه لف ايدي بكنيلكس وباوعلي بحده
نور الدين: فاطمه شوفي بلا تصرفات زعاطيط اني من اسبوع مانايم بسببج لاعبالج مكيف اريد ادخلج سجن وهاهيه اني شداخل جيبي بس ماريدج تتمررين بالسجون وخاصه محد بقالج بهل دنيا الكل تخلى عنج حتى اخوج الكوا*د يحجي ويصرخ ولازم ايدي كرايبج يكولون بتهم ماتت وياهم معلينه بعد عاجبج تصفين بالسجون وتدمر حياتج احجي ويصرخ بوجهي
فاطمه: عطت واني ابجي لا لا ماريد اني ممسويه شي وداعت امي شهكت ولزمت وجهي كمت اشرب مي......... سولفتله الي صار بهل ليله المشؤومه وهو ساكت بس يباوعلي ولازم ايدي الي كلها دم واني ابجي رفعت راسي وكتله
فاطمه: يعني راح انسجن واني ممسويه شي
نور الدين: زفر الهوه وباوعلي مراح يصدكوج فاطمه باجر لازم تنتقلين للسجن مراح ابقيج هناك وراح اوصي ناس عليج بين ماطلعج من السالفه بس كون تضلين ساكته اي كلمه منج تنهيج فهمتي! باوعتله واني اشهك
فاطمه: يعني بهذا كلامك دتقنعني بغير طريقه تره فهمت ماكو حل ثاني ادري حبقى بالسجن ابجي واشهك وهو يباوعلي بتمعن
نور الدين: بابا كتلج اني شداخل جيبي شنو اقنع بيج زعطوط اني صارت قديمه هاي نجبي وثقي بيه
هزيت راسي ومسحت دموعي
ثاني يوم مشفته ابد واخذوني للمحكه والقاضي يسئلني واني اجاوب على كد السؤال اخذوني للسجن شفت الويل كلهن كبار ويخوفن واني معتزله حتى اكل وياهن ماكل جانن عصابات عبالك ويتقربن مني بشكل مقرف واني ابتعد ....وكل وقتي صار اصلي وادعي ينقذني نور الدين واخلص منا واحس هو عافني مراح يطلعني بس اقنع بنفسي
الكاتبه :وتيِن
YOU ARE READING
انا وهشاشه خيالي
Mystery / Thrillerبين ليله وضحاها تتغير الكثير من الاقدار والكثير من المشاعر فماذا يحصل اذ جمعنا بين الحب والكره والخوف والاطمئنان والحقد والامان..... كل هذا سيحصل بهذه القصه ستتغير الكثير من الاقدار والمشاعر والاهم من هذا تتعرف على وجوه كنت مخدوع بها طوال سنوات...
بارت3
Start from the beginning
