The newest hanamichi sakuragi(Cold-hearted)

Chapter 20

"Natural na sa lalaki ang pagiging sweet and gentleman, ganon kasi ako pinalaki ng mga magulang ko. Kasi katulad mo, babae rin ang mama ko at mahal na mahal ko siya." Doon tila nakuha si aki ng mga salita ni fujima. May kung anong tuwa siyang naramdaman habang pinapakinggan ang mga sinabi nito sakanya.

"Napakaswerte ng mga babaeng kapag may lalaking katulad mo mag isip, ganon din kasi ang lalaking gusto ko. Kahit na binago siya ng panlalait ng mga tao, nandoon parin ang pagmamalasakit niya sa mga taong nakapaligid sakanya." Tila proud na saad ni aki ng masagi na naman sakanyang isipan si sakuragi.

"Siguro kung ako ang lalaking iyon at sinabihan mo ako ng ganyan, sobrang matutuwa ako at ipagmamalaki pa kita sa mga tao."

Namula naman ng husto ang mukha ni aki dahil sa sinabi ni fujima sakanya.

"Haha. Grabe kinikilig naman ako sa mga sinasabi mo, don't get me wrong ah! Bilang babae kasi may kanya kanya kaming preferences sa mga lalaki, mabilis para samin na kiligin kasi may soft spot parin naman kami. Tho, iyong iba siguro na babae hirap makuha ang loob nila kasi iniisip nila baka binobola lang sila ng lalaki." Anas ni aki na naintindihan naman ni fujima.

'Hindi ko akalain na may makakausap ako na babaeng honest sa totoong nararamdaman nila at maging ang paniniwala nito sa mga lalaki ay hindi ganon kasama. Di tulad ng ibang babae na makikita lang ang halaga mo kapag may maipagmamalaki ka.' 

Saad ni fujima sa kanyang sarili habang titig na titig kay aki, bawat anggulo sa mukha ni aki ay napakagandang pagmasdan. Tho, napaka inosente ng mukha nito pero mas makikita mo parin ang totoong ugali kapag nakausap mo na ito.

'Hindi siya mahirap pakisamahan at hindi rin siya mahirap magustuhan.'

Muling anas ni fujima na unting unting naappreciate ang presensya ni aki.

"Naiintindihan ko mga sinabi mo, ganon rin naman ang paniniwala naming mga lalaki. Malalaman namin kung may motibo ba ang babae samin sa bawat pinapakitang kilos nito."

Tila natauhan si aki sa sinabi ni fujima hanggang sa maalala niya ang mga ginagawa niyang effort para kay sakuragi nitong nag daang araw.

'Hindi kaya iyon ang dahilan kung bakit tila nahihirapan si sakuragi na iconsider ang nararamdaman niya sakin kasi... masyado akong malapit sakanya?' Anas ni aki sakanyang isipan.

'itanong ko kaya kay fujima kung ano ang nararamdaman nila kapag may babaeng nagbibigay motibo sakanila. Tutal, nandito na rin naman siya might as well na tanungin na rin siya para malaman ko kung ano ang pinaka away ng lalaki sa babae. Tama.'

Saad muli ng isipan ni aki na palihim na tinignan si fujima. Kinabahan kasi siya bigla.

"May itatanong lang sana ako, okay lang ba?" Nakayukong saad ni aki, narinig naman ni aki ang pagtawa nito ng mahina.

"hm. Sure, walang problema." Saad naman ni fujima na nakangiti pa ng iangat niya ang ulo niya.

"hm. Ano ba ang pinaka ayaw niyo sa mga babae? Ayaw niyo ba sa mga babaeng nag bibigay motibo?" Tanong ni aki nakinakabahan pa.

Tila nag isip si fujima habang nakatingin sa taas ng langit, malayang malaya si aki na natitigan ito kaya hindi niya maintindihan kong bakit naappreciate niya ang kagwapuhan nito.

"hm. Katulad niyo rin mga babae, may kanya kanya rin kaming nagugustuhan sa mga babae. Hindi naman kasi kami pari parihas kaya siguro sa iba ayaw nila sa mga babaeng nagbibigay motibo kasi iniisip nila na 'easy to get' ito. Pero sa paniniwala ko bilang isang lalaki at nagmamahal din naman, walang masama kung may babaeng nagbibigay motibo sa lalaki, nasa lalaki nalang iyon kung paano niya ihahandle ang ganong bagay, karamihan kasi sakanila iniiwasan na nila ang babae kasi natuturn off na sila. Ayaw kasi nilang may mga babaeng nagpapakababa para lang sakanila. Madami ibig sabihin at madami rin pwedeng ipaliwanag sa tanong mo. Pero iisa lang ang sagot ko sa tanong mo 'base on my opinion' na hindi masamang maglahad ng pagmamahal ang mga babae sa lalaki, kasi... ilang taon, buwan o araw silang umatras at nagdududa para lang maging matibay ang loob nila na sabihin sa nagugustuhan nila ang nararamdaman nila."