بنت العميد

البارت 16

(الحفله)

مصطفى
صارت عيوني بكصتي ولج نووور شدا تسوين بنفسج وشتسوين بيه اريد احجي وياها احس لساني انعكد مااكدر احجي لنوب الي ذبحني غيرتي عليها كتلتي كتل من اشوف الكل يباوعلها وهي لابسه فستان ضيق وشعرها ومكياجها بدي اسحبها بيدها واطلع بيها اخذ واروح ولااخلي واحد يباوعلها عافتنه وراحت كعدت باقرب طاوله علينه مقابيلنه جانت امي كاعده وهي كعدت يمها وعينها عليه ابد مشالتها مني ولا اني اكدر اشيل عيني منها واباوع الكل يباوعلها والكل يتمعن بملامحها وتقسيمات جسمها احس دخان يطلع من راسي غير يخلص هالعرس الزفت وارتاح اوووووف نروح ارجع للبيت لولا لنوب تذكرت اني ليوم زفتتت عريس باوعت على نرجس عود عروس وصالون رايحه وباوعت على نور يربي الفرق الي بينهن مو حقهم الناس مٰـ❧ـِّنِْٚ يحجون ومستغربين شلون تزوجت عليها اميرتي لعابتي تخبل نسيت نفسي وبقيت صافن عليها لحد ماصحيت على صوت نرجس
كولتلها هاا
نرجس/عود شنو معناها تعزم مرتك على عرسنه شنو ماعدها احساس وتجي وبكل عين وكحه تباركلنه
مصطفى/رفعتلها حاجبي كلتلها نور تسوي الي يعجبها محد اله علاقه بيها

نور/شفته يحجي وياها احس جسمي بقه يرجف متحملت اخذت فوني وطلعت للحمامات وصلت اتصلت بمصطفى
مصطفى/كاعد وشفت نور طلعت هاي وين راحت هي تمشي والشباب كرايبنه عينهم عليها ياااربي شلون بيه اليوم ولج وين رحتي ردت بس امي تباوعلي حته اكلها تروح وراها بس امي ملتهيه تسولف
حسيت تليفوني يدك طلعته شفتها نور تتصل راساً فتحت مط ولان اصوات اغاني ماسمعتها كوه الي سمعته تًٓعْـال للحمامات
نسيت نفسي وعفت كلشي وكمت رحت للحمامات لكيتها واكفه واكو ليغاد مٰـ❧ـِّنِْٚ لحمامات غرفه وصلت باوعت بيه شفتها فارغه بيها كراسي وميوزه مثل لمخزن سحبتها حيل وطوبنها بيها
مصطفى/شمسويه بروحج
نور/احًــجًِي بكل هدوء وبكل ثقه شمسويه قابل جايه العرس شلون تريدني قابل اجي
مصطفى/وتنزعين الحجاب مووو
نور/بس اني مو محجبه وكلها ايام وحته اصير مو على ذمتك
مصطفى/انتي مااجيتي ويانه بالزفه شلون اجيتي للقاعه
نور/عباس جابني
مصطفى/صكيت سنوني واخذج وحدج من لبيت مووو وصعدنتي يمه وانتي بهالبس هذا والمكياج ولج تريدين تجاطيني انتي
نور/هوووب هوووب وعلى شنو معصب كولتلك كولها كم يوم وكلمن بطريقه متسوه العصبيه وبعدين انت عريس مووو صح واليوم ليلتك يله ارجع اكيد هسه زوجتك تستفقدك وراح يشغلون الاغاني الرومانسيه وتركص وياها عود تذكرني من ركصنه اني وياك بعرسنه
مصطفى/خليت ايدي على خصرها وحاوطت ضهرها وسحبتها عليه حيل هي رافعه راسها وصار وجها حيل قريب على وجهي كلتلها واذا ركصت وياج هــًـًســًه وكدام العروس وكدام الكل شنوو رايج
نور/مستحيل تكدر تسويها
مصطفى/لااسويها وداعت عيونج متحملت بعد استسلمت ماكدرت بعد ابين نفسي قوي كدامها راساً نزلت شفتي على شفتها وبستها بقوه واني محاوطها بثنين ايدي وحاضنها حيل
نور /ماكدرت اقاومه ولامدرت ادفعه هو اني اصلاً رايده عالشي وخصوصا هسه راساً بادلته الشعور وحضنته من ركبته حيل بقينه لحد كطع انفاسنه عفته وركضت للحمام طبيت اباوع على وجهي رغم حمرتي مات وثباته قويه بس شفتها متخربطه من قوه البوسه رتبت وجهي عدلته بالمكياج وطلعت شفته واكف منتضرني اباب القاعه من شافني تقربت عليه طب هو رجع كعد بالكوشه
رجعت اني كعدت بمكاني مقابيله
مصطفى/نسيت الدنيه كلها من بستها تمنيت اخذها من ايدها وكبل نرجع بوجهنا لبغداد لبيتنه كاعده كدامي وطعم شفتها بحلكي من اتذكر شلون بادلتني الشعور احس نفسي اذوب بيها عيوني ماشلتها منها ولاهي شالت عيونه وكانما بس اني وياها بالقاعه
شغلو اغاني حته يكومون العرسان يركصون
كمنه اني ونرجس ركصنه وعيوني على نور شِفـٍـْْــٰٰتْ كلمن جاب مرته واجه ركص ويانه كلت النرجس يله نرجع رجعنه للكوشه بقيت واكف شغلو اغنيه ياسر عبدالوهاب يهنيلي ويهنيلي
اخواني كلمن يركص وي مرته بعدهم وقسم من ولد خالتي كلت الي يصير خلي يصير لوعسى مـℳαـآ ابويه يتبرى مني كدام الكل تقدمت على نور ومديت ايدي هلت ايدها بيدي واخذتها بنصهم طبيت وركصت وياها ايدي على خصوها وايدها على ركبتي واثنينه نسيته العالم كلهم. اندمجنه وي الاغنيه من الصدمه الكل انسحبو بقينه بس اني وياها عيوني بعيونها ومقربها عليه ونركص نسينه العالم والدنيه كلها  اثناء الركصه اجاني اخوي الصغير شاورتي كال ابويه عصب فدنوب يكولون
شلون مايركص وي مرته ابتسمتله وعيوني بعيون نور كتله روح كول لابوك هاي الاركص وياها هم مرتي تصير
اخوي عافني وراح محد كدر يوصلني بعد عيوني بعيونها اثنينه ساكتين بس عيونه تحجي بدي اشيلها وافتر بيها واصرخ احبج كدام الكل
نور/
كال راح نركص اني وياج وكوتله مستحيل تسويها بس صدووك سواها وعاف عروسته واجه اخذني بيدي وكدام الكل نركص حاضني بخصري واحس الدنيه كولها حاضنتني
اندمجنه وي الاغنيه
(يهنيالي ويهنيالي حبيبي يمي هنيالي)
اتمنيت لهنا وتوكف الدنيه خلااص ماريد بعد شي بس مجرد ابقه بحضن مصطفى للابد اخس صرنه حديث العرس اني وياه خلصت لاغنيه وصلني لمكاني وهو يباوع عليه ويبتسم بس وصلني ورجع يم العروس عالكوشه واباوع الناس كولهم عيونهم عليه ويتهامسون بينهم شِفـٍـْت عمو راح يم مصطفى
مصطفى
اجه ابوي صاير نار
شنووو هالمهزله مالتك ولك انت مو بعينك احد شلون تعرف عروستك بت عمك وتركص وي هذيج بت بغداد مدري منين جبتها النه واجيت
مصطفى/يابه الي تحجي وياها مرتي تصير واحبها وانت تدري كلش زين ممقتنع بهذا الزواج رحمه لابوك عوفني احسن ما هسه اعوف العرس كلها واخذ مرتي وارد بيها لبغداد.
ابويه صارت عيونه بكصته راساً عافني يدري بيه اسويها

خلصت الحفله ورجعنه للبيت اخواني وولد عمي وكرايبنه زفوني للغرفه غرفتي القديمه الي بيها نور صايره بابها قريب على الدرج شفت نور منتجيه بالباب وكاتفه اديها ووواكفه وحسيت عيونها متروسه حزن ماادري لان اني عيوني متروسه حزن حسيت بيها هيج صعدت فوك طبيت لكيت نرجس كاعد بالغرفه طبيت وسديت الباب

نور
رجعنه للبيت صعدت وي خاله بسياره ابن اختها اني وياها ليوره واختها ليكدام كاعده
والطريق كله مصطفى يمشي ويانه سيارته وي السياره الي صاعده بيها اني
وصلنه للبيت وكفت اباب الغرفه اريد اشوف حبيبي للمره لاخيره وهو يزفونه العروسته صارت عيوني بعيونه وهو يصعد شِفـٍـْْت نضرات حزن مو طبيعيه بعيونه بس مخلوه يباوعلي نواي خبصوه يله ويله وصعدوه فوك وكولهم. نزلو طبيت للغرفه شمرت نفسي على الحربايه بقيت اعض بالمخده وابجي بكل قوه وحركه غصه بكلبي مدا تروح ابدد كتلتني كتل ماادري شكد بقيت ابجي حته ملابسي مانعزعتهن حته حذائي بعدني بي كاعده بالكاع وراسي على الجربايه وابجي بكل بحركه من كلبي سمعت صوت هلاهل هوايه عرفت هنا مصطفى تزوج امرته واخذها ولنوب صوت رمي قوي خليت ايدي على اذني اخــّّـّّاف من صوت الرمي بقيت على كعدتي ومخليه وجهي بالجربايه حسيت نفسي دخت ماادري بروحي اريد اكوم مااكدر اريد ارفع راسي مااكدر

مصطفى
تقربت النرجس وكل تفس مالي بيها بــَس حته حضرت الوالد يرضه ويقتنع. اخذتها بدون رغبه وبدون حته مااباوع على وجهه ولااركز بمعاملها ابد بــَس المهم انزل لنيشان واخلص نزلت النيشان نسوان اخوتي بقن يهلهلن ولنوب صوت الهلاهل كله اباب غرفه نور بقو يباركولي وبالي كله يم نور ابويه طلع سلاحه بقه يرمي
صعدت فوك انطيتها ضهري سويت نفسي نايم انتضرتها تنام حسيتها نامت سحبت نفسي ونزلت لغرفه نور فتحت باب غرفتها وشفت اميرتي وحبيبتي مكربصه روحها بالكاع وراسها على الجربايه بعدها بملابسها حته ممبدله كلبي فز عليها نور ليش هـًُّـيًُْـچ متكسره نور ليش هـًُّـيًُْـچ منهاره تقربت كعدت يمها سحبت راسها عليه توكمت بحضني
نور فاقده موبوعيها
💔💔💔💔💔
..............  
الكاتبه ام زيزو