بنت العميد

البارت 15

مصطفى
وصلت لبيتهم اخذتها ورجعنه للبيت واني ابد ماحطيت عيني بعينها ولا حجيت وياها كلمه
طبينه للبيت
كلتلها بــَس اطب اسبح واكو موضوع اريد احجي بي وياج
نور/تمام
احس مصطفى ابد مو على بعضه القلق كتلني انتضرته سبح وطلع يمي كعد بالمطبخ على الميز لابس بس شورت والمنشفه على راسه وعلى جسمه صايره يفرك بشعره ينشفه ورث جكاره سحب نفس منها قوي وحجه

مصطفى/نور اليوم خطبت بت عمي
نور/حسيت صعقه ضربتني رغم اني جنت متوقعه هالشي واني اصلاً طلبته منه بــَس توقعت مو هــًـًســًه بـٍْْـٍْ؏ـٍْْد وقته حسيت كلبي كام يرجف كوه سيطرت على نفسي ماريد افضح نفسي كدامه
سويت نفسي ممهتمن. وكولتله ايي الف مبروك انشالله
وراساً طلعت رحت للحمام فتحت الدوش حته ميبين صوتي من ابجي وبقيت ابجي بحركه احس نار الغيره اشتعلت بيه لَيــِْش هيج صار بيه مو اني اصلاً الي طلبت منه هالشي موو آٌنـي ردته يوعدني حته يخطب بنت عمه لَيــِْش من صارت السالفه ڝٍُـًْدوك هيج تاذيت ليششش ليشششش ياااربي ساعدني وقويني ماريده يحس بيه احبه ولا اريده يحس بيه هلكد منهاره بقيت قرابة الساعه ابجي لحد ماحسيت نفسي انتهيت تعبت عيوني بقن يحركني غسلت وجهي وطلعت كبل للغرفه وحهي مبين عليه خليت مكياج حته ميبين شي وبدلت طلعت شفته على كعدته بعده والنفاضه متروسه كطوف جكاير كوومه مدخن وبيده جكاره بقيت اسوي نفسي ارتب بالمطبخ وامسح بالكاونتر ناطينه ضهري
مصطفى/لَيــِْش هلكد طولتي. بالحمام
نور/جنت اسبح غير
مصطفى/بس شعرج يابس
نور/هااا اييي غسلت بــَس جسمي وطلعت
مصطفى/وتغسلين جسمج ساعه كامله
نور/ايي حبيت ابقه بالمي ليشش عندك اعتراض
طبعاً احًــجًِي وياه وناطيته ضهري
ماريد اخلي عيوني بعيونه
مصطفى/مراح تحجين شي
نور/بخصوص شنو
مصطفى/بخصوص الخطوبه
نور/لـ❌ـلا
ااااا صدووك ايي راح احجي درت وجهي عليه رفعت حاجبي كولتله ياريت تاجل زواجك لعَـدْ قريب موعد دوامي حته بعد زواجك مباشرتاً نتطلك يعني اذا متصير زحمه تصبر شويه مو تستعجل بي مثل الخطوبه
حته يكون سبب مقنع ننفصل وانت تكمل حياتك الزوجيه وي مرتك واني اكمل دراستي وارجع الحياتي الطبيعيه ومشكور ماقصرت سترت عليه وعلى سري ربي ينطيك على كد نيتك ويرزقك السعاده وراحة البال
مصطفى/بكلبي ياسعاده وياراحة بال الي تجيني وانتي مو يمي
شلوون بيه وشراح يصير بيه مابقه شي لدوام اقل لشهرين ربي معجزه منك تقلب حياتي
كلتلها
يعني الموضوع مهامج ابد بــَس الي هامج شوكت تطلكين مني وتكملين دراستج وترجع ايام الجامعه
نور/رجعت نطيته ضهري
دراستي وحياتي اهم شي عندي شمرت الوصله وطبيت
للغرفه دفنت راسي بالمخده ياربي انطيني القوه والصبر ماريد افضح نفسي كدامه اريد ابين نفسي قويه وممهتمه
طبعاً كل هالفتره من رجعنه من اهله و مصطفى ينام بصفي على الجربايه منام بالهول بـٍْْـٍْ؏ـٍْْد وكل يوم اصبح الكه نفسي بحضنه اجه الليل وطلعت الفراش بالهول فرشته هو كاعد يتفرج تلفزيون بقه يباوع عليه من فرشت بدون ميحجي شي طبيت وطبكت باب الغرفه لان ٱڵـڝُـًبح عنده دوام يطب للغرفه يبدل
حاولت انام والدمعه بطرف عيني كوه كدرت آنام
مصطفى/شفتها شفتها فرشتلي وطبت للغرفه وسدت الباب وهاي اول شي جنت خايف منه منعتني من النومه يمها هو اني شمحصل بس الحضنه تالي الليل وحته هاي انحرمت منها تمددت على الفراش بقيت ادخن ردت بس آنام ماكدرت متعلم على حضنها رحت للغرفه تمددت بصفها وحضنتها بكل مره جانت تتقرب عليه بس هالمره سحبت نفسها مني ونطتني ضهرها وكالت مصطفى ابتعد عني وارجع بفراشك رجاءاً انت هسه شخص خاطب واكو انسانه ثانيه بحياتك
مصطفى/بس انتي اقرب منها انتي شرعاً وقانوناً مرتي
نور/بس زواجنه مجرد اتفاق وبس خلينه محافضين على البعد الي بينه مابقه شي اقل لشهرين وكلمن بطريقه
مصطفى/سحبت نفسي منها وطلعت كعدت بالكراج والجكاره صارت رفيقتي الي متفارك ايدي ابد بقيت لحد الصبح كاعد ادخن واشمر الكطف بالكاع
طلعت الشمس طبيت بدلت ملابسي ورحت للدوام واني مانايم ولادقيقه