يا انتظار السنين ويا حلم العُمر

= يـ انتظار السنين ويا حلم العُمر the end =

= يـ انتظار السنين ويا حلم العُمر the end =

حسابي انستا ' arwicx "
= وهُنا انتهى قصة ابطالي ونُودعهم وعيدهم مبارك =
'
'
سيف كان ماسك عزيز وو هيام تلبسه الشراب ،
سيف : على فاضي تتعبين نفسك راح يفصخهم ،
هيام : راح اذبحه الحيوان ابيه يتكشخ وهو يخرب ،
سيف بضحكه : روحي تكشخي انتي ما بقى شي على صلاة العيد حتى التكبيرات بدات وانتي باقي ،
فجاه رن جوال هيام مشت اخذته : هلا شصاير لا تقولين انك تبين كعب!
شوق بضحكه : لا ماعليكِ اسالك متى تروحين بيت جدي؟
هيام : الحين اتجهز و اروح ليه انتي ما رحتي؟
شوق : لا خلاص بروح احسب انك هناك ،
هيام : لا قلنا نصلي العيد ونروح ،
شوق : تمام يلا بنتي تبكي بروح اشوفها ،
هيام قفلت منها وهي تناظر لـ سيف : ليه شماغك كذا؟ عدله و اترك الولد عنك لا يتدلع ويصيح اذا تركته ،
'
شوق بقهر : طلاللل شقاعد تسوي في بنتي!!
طلال : بنتك دلوعه ما تهجد ما تخليني اعدل شعرها ،
شوق : ي حيوان خاف ربك ماعندها غير عشره حبه ،
طلال وهو يتركها ويقومً: اقول وين شماغي؟
شوق : بغرفة سهام ديمه كانت تبكي و تركته هناك ،
طلال : سهام جايه ولا كيف؟
شوق : ما ادري تقول اجي العصر خالد نايم وهي فيها نوم ،
طلال : اجل خليها تجي تقابل الجدران مين الي صاحي العصر،
'
مزون كانت واقفه تبخر البيت و سما عند الجد تلعب
و زياد مع ماما تيته يلعبون مع بعض ،
محسن نزل و بيده الشماغ : وين العيال تاخرو ي جدي؟
الجد : مدري يابوك بعضهم يقولون نصلي ونجي بعضهم يقولون حنا بالطريق وللحين محد جاء ،
فجاه انفتح الباب و دخلت ام سيف : سلام ،
مشت وهي تسلم على الكل ،
'
غاده كانت ماسكه بنتها تضحكه غسان ابتسم وهو ياخذها منها : عطيني ياها وانتي البسي. عبايتك بنمشي محسن ازعجني بـ اتصالاته ، غاده ضحكت ومشت تتجهز ،
غسان مسك يدها وطلعو وبيده بنته ' نور ' ومشو ركبو السياره وتكبيرات العيد بكل مكان والناس برا ،
نور قامت تبكي من من اصوات السيارات ،
غسان : خذي خذي بنتك الدلوعه ما تخليني اسوق ،
غاده اخذته وهي تضحك : يعمري فيها نوم ،
غسان : تستاهل ما تركتنا ننام امس ،
'
سعود قرب وهو يلبسها السلسال ريم كانت مبتسمه وتناظر بالمرايا وهمست : يمه يجننن ،
سعود : اكيد يجنن دامك لبستيه ،
ريم : سعود طلع لي الكعب من تحت السريز من كبر بطني مو قادره اطالع بالارض ،
سعود بعصبيه : مجنونه انتي! حامل و تلبسين كعب؟؟؟
ريم : خير ما يعحبني الفستان كذا بس بلبس شوي البنات يشوفون و افصخ ،
سعود : مافي واخلصي يلا تاخرنا على صلاة العيد ،
'
ام راكان كانت تحط الحلويات بالصحن التفتت وهي تشوف راكان نازل و هناء جنبه ماسكه يده ابتسمت وهي تسمي عليهم بالرحمن : ما شاء الله تبارك الرحمن الله يبعد عنكم عين كل حاسد وحاقد. ، ابتسمو وهمسو امين ،
ام راكان : الحين بيوصلون الضيوف بالطريق هُم ،
'
= بعد صلاة العيد العيد تجمعو في بيت الجد =
'
هيام بصدمه : خير ليه تجي العصر؟
شوق : مدري عنها غبيه قلتلها تعالي الحين رفضت ،
غاده : ريم ي حيوانه اتصلت عليكِ ليه ما رديتي؟
ريم : انا؟ والله مدري ما سمعت متى اتصلتي؟
غاده : كنت بقولك اتصل عليك كام و انتبهي لـ بنتي ،
شوق : ما شاء الله خوش فكره ي غاده ليتك نايمه بس ،
هيام بضحكه : لو طاحت بتمسكها بلتوث يعني؟
مزون : يالله من افكارك ي غاده الله يعين بنتك ،
'
ام سعود : لا وين يختي ما احس عندها توام،
ام سيف : ما تذكرين جارتنا جميله كان بطنها زي ريم وجابت توام ولد و بنت اتوقع عندها توام ،
ام ريم : لا وين انا حملت بـ ريم كنت زيها ،
ام هيام بضحكه : اجل الام والبنت شكلهم زي بعض ،
ام شوق : قومو نجهز الفطور ولا كيف؟
ام سعود : اي اي يلا على المطبخ ،
'
سيف كان جالس و سما بحضنه : بنتك لولدي ي محسن ،
طلال : شف الاب الفاشل البنت اكبر من ولدك ي غبي ،
غسان : خذ بنتي احسن تراها اصغر من هالدبيه ،
محسن : لا تتنمرون على بنتي ما اسامحكم ،
سعود وهو يضحك : طب انتظرو ولدي بالطريق ،
طلال بضحكه : ولدك مطول خله لك ، 
غسان : نصيحه ترا بنتي مؤادبه ما تلقون زيها ،
زياد دخل وهو يصارخ : باباااا ،
سيف : جاء الشايب هاه شتبي؟
غسان : هذا مالها بنت يروح ياخذ من برا القبيله ،
محسن : تخسي بس راح ياخذ بنت طلال ،
طلال : اقول وخر بنتي المسكينه تاخذ هالشايب؟
سيف بضحكه : خلاص ي محسن خله يتزوج من برا القبيله ،
محسن : لا عمه موجود ناخذ نور لـ زياد ،
طلال : كفو ي عم البطل تضحي ببنتك وتعطيها للشايب ،
غسان : شف انا عمه بس معليش الا مستقبل بنتي ،
سيف : اجحد يالعم الكفو لا تضحي بمستقبل بنتك ،
سعود : ترا زياد شيطان حتى الي برا القبيله ما يقبلون فيه ،
زياد كان مشغوله ويختار حلاوه و يفكه و ياكل ،
سيف : ي عزتي لك ي زياد وشغول ببطنك ،
محسن : ولدي ختم كتاب اللامبالاة شعرفكم انتم ،
سلمان : طب فكرو فيني باقي ما تزوجت!
سيف بضحكه : ماعليه نشوف لك انت و زياد بنت الحلال الي توافق عليكم ،
طلال : نقول تاخذون واحد والثاني مجانا ،
سعود : لا ي غبي زياد نحط عليه خصم ،
كانو يضحكون يطقطقون ى يسولفون والشايب كانو بعيد يسولفون عن شغلهم والشركه ،
'
مزون بصراخ : هيام ولد يصيح الحقي. ،
هيام فزت وهي تركض : بنات تعالو للغرفه ومشت والبنات لحقوها ، ديمه كانت نايمه على السرير و نور بالعربيه و عزيز كان يبكي على السرير البنات تجمعو وهم يسولفون و يتقهون والي تسكت طفلها والي تنوم والي تسولف ،
والحريم بالمطبخ يطبخون والجده تتابع تلفزيون مع العامله مريم ،
= وهذا كان عيدهم الحلو البسيط =
'
الحمدلله تمت ، وختمنا روايتنا الحلوه لا تنسون تعطوني رايكم اللطيف واحبكم وانتظرو القادم، 💙💙💙