مسابقة اتحداك تاخد لقب💪

♡ إشكال ؟؟ ♡

سلام عليكم أعزائي متابعين مسابقة اتحداك تاخد اللقب ..

( بون بما انوا عراقية و مصرية لي كانوا مشاركين معانا خرجوا للاسف ، درك خلي نكمل نحكي بلهجتنا احسن )

بعد محطيت نتائج و ملاحضات و شهادات تشجيع كل يعني بصفة عامة نتائج التحدي اول

صرات مشاكل مع مشاركين و قراء ..
حبيت نقولكم زوج كلمات برك

انا درك درت هذي مسابقة و جربت مكسيمون تكون ناجحة و منظمة و مبدلة على اخرين كليا
تعبت و كيما تعبت انا في هذي مسابقة و كتاباتي لوخرين (دعم قصص ولا كرونيكات كتابات ترفيه ..الخ) يجي واحد ينقدني قال مسابقة تاعك مشي في مستوى ولا مثلا كرونيك تاعك كانت ناقصة شوية .. مشي نروح نهجم على لي قالي هذا كلام و نقولك انا الف و منعرت شحال راه متبع مسابقة قالي هايلة انت تجي تقولي هكذا بالعكس نفرح مين واحد تنبه و نجرب كيفاه نحسنها و نحسن مستوى تاعي ..

كتاب وتباد كيما راهم كل و انا معاهم منابانوش قد ذرة قدام كُتاب لوخير

كاتب شيخ شيوخ ونقدوه و تقبل انت درك مزالك في بداية متقبلش واش نقولك يعجز لسان عن تعبير

كاتب حقيقي يتقبل نقد اذا كان بناء ولا هدام غير مهم يجرب مكسيمون يحسن من نفسه

كاين ناس خرجت و نقدناها و قالت حمد لله نبهتوتي مزية كاين تعليقات راهي شاهدة

درك فهمت مشكل راه في شعبنا الله غالب كيف ما دير معاه متسلكش و كيما قالتلي وحدة : يصرى واش يصرى شعبنا ميتبدلش عندك صح في هذي

و حبيت نقولكم حاجة في هذي مسابقة مظلمتش حتى واحد و كل واحد ميدتلوا حقوا
مثلا سادية حب تستاهل 10/10
تسقسوني علاه بسكوا صح تعبت كاتبة فيها و كامل واش كان كاين في طريقة قراءة  كان متوفر
انا نقطت على كلش و هذي مشي مسابقة عالمية واو يعني مسابقة بسيطة بين كُتاب كتشجيع فقط 

10\10 داتها على حساب تنقيط لي نقطتوا انا و لي درتوا انا .. و نعاود نقولكم هذي مسابقة بسيطة و كيما نحب نسيرها نسيرها نقطة الى سطر

و اخيرا حبيت نقولكم الانسحاب من مسابقة ممنوع مدامك دخلتي كملي لتالي ممكن تكوني رابحة

هذا واش حبيت نقولكم

اسبوع قادم نحطلكم فعالية ثانية ممكن سبت
لانوا  نتائج باكالوريا خلطولي حساباتي كل مهم ان شاء الله برك نقدر نكمل واش بديت

تصبحون على واقع اجمل ❤

#par_ikram