"ချစ်ရသူ မျက်လုံးထဲမှာ ဟောဒီကချမ်းမြေ့မောင်ဆိုတဲ့ကောင်က အချောဆုံးဖြစ်နေချင်တယ်လေ...ဒီတော့အပီရွိူင်းနေရတာပေါ့"
ချမ်းမြေ့ ဂုဏ်ယူ၀င့်ကြွားစွာ ရင်ကော့ပြီးပြောလိုက်တော့ ဟန်ငြိမ်းနဲ့ မိရွှန်းမျက်နှာမှာ မဲ့ရွဲ့သွားကာ တဝေါ့ဝေါ့နဲ့လုပ်နေကြတော့သည်။
"ဒါနဲ့ဟိုနှစ်ကောင်ကော...."
"မလာသေးဘူး...မင်္ဂလာဆောင်သွားပါမယ်ဆိုမှ သူတို့ကများမင်္ဂလာဦးနေကြတာလားမသိဘူး"
မိရွှန်းမှာ ရုပ်လေးချစ်စရာကောင်းသလောက် မိန်းမလုံး၀မဆန်ပေ။ စကားအပြောအဆိုကလည်း ဤကဲ့သို့ပင် ယဥ်ကျေးသိမ့်မွေ့သေး၏။
"မိန်းကလေးတန်မဲ့..စကားကိုဘယ်လိုပြော!"
စကားအား ပြောသင့်မပြောသင့် ရှေ့နောက်မကြည့်သည့် သူငယ်ချင်းအား ချမ်းမြေ့ဆူသလိုပြောလိုက်မိသည်။ စကားပြောမတတ်ပုံက ကိုယ်တွေနဲ့ကဘာမှမဖြစ်ပေမယ့် သူစိမ်းတစ်ရံနှင့်သာဆိုရင် အခက်တွေ့နိုင်သည်။ တစ်ခြားသူအမြင်မှာလည်း စကားပြောမတတ်ခြင်းကြောင့် ရိုင်းစိုင်းသည်ဟု မမြင်စေလိုပါ။ဒီသူငယ်ချင်းမလေးက ကိုယ့်ညီမလေးလိုသံယောဇဥ်ရှိရသူဟူလည်းမမှားပေသောကြောင့်။
"ငါကအမှန်တွေပြောတာ..."
ပြောစကားနားမထောင် ပက်ကနဲပြန်ပြောတတ်သည့် အကျင့်မှာ ရိုက်သတ်ချင်စရာပင်။ အစကတော့ သူပဲ ၀ဏ္ဏတို့အတွဲအား supportတယ်လေးဘာလေးနဲ့။ ၀ဏ္ဏ gayအဖြစ်၀န်ခံပြီး သူသဘောကျနေသည့်အကိုကြီးအကြောင်းပြောတုန်းက မိရွှန်းမျက်နှာကြီးအား ပြန်မြင်ယောင်လာသည်။ ဘာတဲ့...ငါကfujoshi ဆိုပြီး ၀ဏ္ဏ မိခင်ကြီးလုပ်.....၀ဏ္ဏ သူ့ဘဲကြီးကိုလိုက်တော့လည်း သူပဲအားပေးအားမြှောက်တွေလုပ်နဲ့....
ခုကြမှ အမြင်ကပ်တယ်လုပ်နေတာ။ မိန်းမတွေစိတ်များ ခုတစ်မျိုးတော်ကြာတစ်မျိုးနဲ့။
"အစကတော့ နင်ပဲsupportခဲ့တာမဟုတ်လား?ဘာတဲ့.. နင်တို့အတွဲညားကိုညားစေရမယ်ဘာညာနဲ့...ခုတစ်ကယ်ညားသွားမှ ဘာအချိုးတွေပြောင်း...."
ချမ်းမြေ့မဲ့ကာရွဲ့ကာပြောတော့ မိရွှန်းမက မျက်စောင်းထိုးသည်။ ချမ်းမြေ့လည်း သူနဲ့ပေါင်းပြီးမဲ့တတ်ရွဲ့တတ်နေပြီလေ။
YOU ARE READING
"အကြင်နာပိုပါသည် မောင့်ဟန်ချီ"(Completed)
Short Story"မောင့်နာမည် ချမ်းမြေ့မောင်ပါ ဟန်ချီရဲ့စိတ်ရောကိုယ်ရောနှစ်ပါးစလုံးကိုရွှင်လန်းချမ်းမြေ့စေမယ့်ချမ်းမြေ့မောင်ပါခင်ဗျာ... ဟဲဟဲ" //ချမ်းမြေ့မောင် "ဒီမျက်နှာရူးကတော့လား...." //လှမျက်ဟန်ချီ (ကျေးလက်ဟာသလေးပါနော်။ ပေါ့ပေါ့ပါးပါးလေးပါပဲ။ကျွန်တော့်ရဲ့ပထမဆုံး...
အခန်း(၁၁) (Uni & Zawgyi)
Start from the beginning
