#قطار_القلوب_.
#الحلقه_(1)_من_قطار_القلوب.
#وتـين_عادل.
"قراءه ممتعهه😊".
في يوم 17_1_2014🌦.
كان الجو مطر ورعد وريح وصقع والناس يجارو هروبا من المطر يلي تنزل بشده وبغزاره وصوت السيارات ومن بين هذا كله كان في حوش طالع منه صوت عياط والباين انه في حد متوفي بس مش عياط صبايا لا عياط رجاله صوت رجاله يتباكو ويعايطو بصوت عالي كأنه معش عندهم حد في دنيا "ااااه ياضلعي كسرتني وجعتني لييش لييش ياربي لييش ياربي تبي تجازيني وتمتحن صبري راضي ياربي راضي بس مش فيهم ياربي لاا ياربي معندي غيرهم يانننعععلللليي ناا المكسور يانااس جربنهاا يااحمد جربنها انكسرنا خلاص نحنا مش ناس مش بشر بلااهم"متقولوش كذب وخيال اها فيه رجالهه تنكسر هكي وتبكي هكي راهو الفقد واعر نار متعرفش وين اطفيها وخصوصا فقد الاهل اااه موعرها فقدت الهل والاخ ربي ميذوقمش نارها
والشي هذا ساير في حوش الشيخ"صفوان" يلي عدا وسيب عويله يبكو ومش عرفين وين يطفو نارهم ومش عارفين انك ميت بفعل فاعل وااه يابدر لوكان تسمع بوك من قتله 💔.
________________________________
مااااامااااا مااااماااا مممممماامممااا...كنك"خيرك" انا هنااا.....شووفييي تعاالييي مممااااامااااااااااا "حيي علياا كنها
هناء>>كنك ياماما فجعتيني ياصلوحه....
صالحه>>ماما فكرونهه .....ياماما فكرونهه......
عزيزه>>كنهاا تبكي ياهناء؟؟......
هناء>>صالحه وشافت فكرونه شن يبي يحزها😂....
عزيزه>>هههههه حي عليها باتها راقد توا تفجعه سكتيها....
صالحه>>في سرهاا.....الله نوريك يارائوف عرفتها منك توا تشوف واللهي نوريك.... ومسحت دميعاتها وخشت لدارها...
هناء>>حي علياا عقاب عمري تطلع بنتي متخلفه تخاف من فكرونه هههه ...
من الدارر... صالحهه>>منخافشش منهااا نكرها بس نقدر نضربها...
هناء>>لا صاح معاك حق وماسكه ضحكتها..
____________________________
في مكان بعيدد علي هذوما ميخطرش حتي عَ الجن الازرق........ كان في صوت ضحك واغاني ودنيا شايله........
حاتم>>شرايك في السهره يافروجه وغمزله.......
فرج>>يدخن ويضحك ماشي حالها ......بس نحنا اتفقنا ميقعدش فيها بنات يامعلم وانت خلفت الاتفاق وردله الاغمزه..........
حاتم>>بحت فيه بخوف وعارف انه فرج شن حيديرله وكيف يردها له......فرج افهمني
فرج>>حط الكبايه يلي فيها السم يلي ياخذ فيه وصبا.....حسابك بعدين ياتومي......وضحك وعدهه..
صاح فرج كان يتعطي في مخذرات وهكي بس كان يخاف ربه في بنات الناس وهوا اصلا ضروفه وهمومه يلي خلنا هكي بس مهما كانن ضروفه عمرا مامس بنت ولا قرب من بنت....
وعدا اليل وجانا الصبح بشمس جديده وجو خيالي🌤.
صالحه>>ماما ماما..
هناء>>وككك عليا نندب .....نعمم نعمم هنا...
صالحه>>بنعدي راهو واقت.....مححح وطلعت..ردت مووووحححح عطيها لبابا باهي...وغمزتلها😂.
هناء>>...معرفتش نربي بصراحه....
اووف ناخذو ستوب...نعرفكم علي صلوحح....
طبعا صالحه م2007 تقولو صغيرهه صاح بس بيجانها حجات واجد يخلنها اكبر من عمرها تقرا شهاده اعداديه ......بنت هاديه وعقلها كبير قدام الناس اما حوشهم مشيلته فوق راسها😂....طيوبه بكل وكيوت وتحب الخير لغيرها وانيقه والشي هذا كلهم يبو يقلدوها فيه بس مقدروش.....موصفاتها.....سمرا......جسمها متناسق ويجنن بس يبين فيها اكبر من عمرها.....وناس واجد يحسابوها مدايره عمليات لي جسمها.... شعرها يطق لي ظهرها ولونه بني وكيرلي يجنن .....عيونها بني فاتح ورموشها كثيفات وفمها كيوت بكل ..... صديقتها المقربات....يقين وعائشه وشهد وشهد...طبعا في شهدين شهد امحمد....وشهد منصور...حنتعرفو عليهن بعدين ....
عندها خيه وحده اسمها....
اسمها نجاة>> م2014 تقرا صف التالت
امها هناء>>م1984 بيضه زي الثلج وتهبل
بوها عادل>>م1977 اسمر وملامحه حاده واجمل شي فيه طوله وهيبة وعيونه ...وصالحه جايبه منهم الاثنين بس السمار جيبته لبوها
حوشهم كبير علي 4 ادوار الدور الارضي لعيت جدها والفوق منهم شقتهم وجنبهم شقه عمها وفوقها شقه عمها الثاني ومربوعه مشتركه وفوق الاسطوح حتي هوا مشترك.....عمامها وعماتها حنتعرفو عليهم بعدين💗.
أنت تقرأ
﮼قطار القلوب
Mystery / Thrillerروايه بالهجهه الليبيه🇱🇾، شرقاويهه روايه تحكي علي حجات واجد ومعاني واجد واكثر من قصه صعب وصفها . 7_7_2022 . تاريخ مميز حبيت تكون روايتي تنزل في تاريخ مميز وبس🌍.
