'' ဟုတ်ကဲ့...ဘယ်သူလဲ မသိ...''
'' နန်းပါ...နန်းဆုမွန်ဦး ''
နန်းဆုတစ်ယောက် သူ့ကိုယ်သူမိတ်ဆက်လိုက်မှ တိမ်တိုက် တစ်ခေါက်သေချာပြန်ကြည့်ရသည်။ ထိုအခါမှ တဖြည်းဖြည်းပြန်မှတ်မိလာတာဖြစ်သည်။ အရင်က နန်းဆုက အခုလိုမဟုတ်... ဆံပင်အရှည်နှင့် နန်းဆန်ဆန်လှနေခဲ့တာဖြစ်သည်။ အခုတော့ ဆံပင်အတိုနှင့် ခေတ်ဆန်ဆန် ယဥ်နေပြန်ရော။
'' ဪ နန်းဆု... လာလေ ခနလေးစောင့် ''
တိမ်တိုက် နန်းဆုကို ခနစောင့် ခိုင်းပြီး အိမ်ထဲမှ ခုံတစ်လုံးထုတ်ကာ အမြန်ပြန်ထွက်လာသည်။
'' ထိုင် နန်းဆု အထဲမှာ ပူတယ် ''
'' အင်း ''
ညင်သာစွာပဲ တိမ်တိုက်ချပေးသောခုံတွင်နန်းဆု ဝင်ထိုင်လိုက်သည်။
'' ဘယ်ကနေ ဘယ်လိုရောက်လာတာလဲ ''
'' ရန်ကုန်မှာ ပြိုင်ပွဲလေးတစ်ခု လာပြိုင်ရင်း တိမ်တိုက်နိုးလာပြီ ကြားတာနဲ့လာတွေ့တာ ''
'' ဟုတ်လား ဘာပြိုင်ပွဲလဲ ''
နန်းဆုလို ခပ်ရိုးရိုး မိန်းမပျိူလေးက ရန်ကုန်လိုနေရာကို ပြိုင်ပွဲအတွက် တစ်ယောက်တည်းတက်လာသည်ဆိုတာက တိမ်တိုက်အတွက် စပ်စုချင်စရာပင်။
'' ဒီဇိုင်နာ ပြိုင်ပွဲ ပါ ။ နိုင်ငံခြား စကောလာ ပါရမယ့် ပွဲ။ အဲ့တာကြောင့် ဒီမှာ တစ်လလောက်နေပြီး ပြင်ဆင်စရာရှိတာတွေပြင်ဆင်ရအောင်ပါ ''
ရှန်မင်းတို့ နှင့် ပြသာနာတက်ပြီးကတည်းက နန်းဆုတစ်ယောက် သူဝါသနာပါရာ ဝတ်စုံဒီဇိုင်း ဘက်တစ်ခုတည်းကိုသာ အာရုံစိုက်ခဲ့တာဖြစ်သည်။ သူ့မြို့သူ့နယ်တွင် နန်းဆုက နာမည်ကြီးပြီးသားဖြစ်သော်လည်း နိုင်ငံခြား တွင် ဒီဇိုင်းပညာကို စေ့စပ်စွာ လေ့လာသင်ယူချင်တာကြောင့် ထိုပြိုင်ပွဲကိုဝင်ပြိုင်ရခြင်းဖြစ်သည်။
'' ဟုတ်လား ။ နန်းဆုကတော့ မယုံနိုင်စရာပဲ.. ကြည့်ပါဦးဗျာ စောက်ချိူးမပြေတဲ့အချစ်ကို စွန့်လွှတ်ပြီး တောက်ပနေလိုက်တာများ အားကျစရာကြီး။ ''
'' အမယ်တိမ်တိုက်ကတော့ လုပ်ပြီ ။ ဒီက ရှင့်ကို အားပြန်ကျနေတာပါနော် ။ ကိုခွန်းဆိုတဲ့လူက ရှင့်ကိုဘယ်လောက်တောင် ချစ်လိုက်သလဲ ။ မိုင်းကိုင်အထိ သတင်းတွေကရောက်တယ်ရော် ''
YOU ARE READING
NotWithStanding...(မည်သို့ပင်ဖြစ်စေ... ) (Completed)
Randomဤဘဝအတွက် တာဝန်ဟာ မောင့်ထံပါး ချစ်ခြင်းတို့နှင့် ခစား၍သာ အဆုံးသတ်ပေလိမ့်မည်။ ............. Start - 19.2.2022 End - 25.8.2022
Episode - 50
Start from the beginning
