"ချမ်းမြေ့..."
အနားရောက်လာလာချင်းခေါ်လိုက်သည့် ၀ဏ္ဏ။
"အေး...ငါတော့သတိရသေးတယ်နော်"
ချမ်းမြေ့ ဘုဘောက်ကျစွာပြောလိုက်တော့ ဟန်ငြိမ်းနဲ့မိရွှန်းမှာ တခိခိနဲ့ပင်။ ဒီကောင်တွေသိနေပြီလေ... ချမ်းမြေ့လည်း ၀ဏ္ဏကိုအမြင်ကပ်နေပြီဆိုတာ။
"ဟို...ကိုကိုကလိုက်လာမလို့တဲ့"
"ဘာ.."
ချမ်းမြေ့၏ "ဘာ"ဆိုသည့်အသံကြီးမှာဟိန်းကနဲ ပင်။ထို့နောက် ချမ်းမြေ့ တစ်ယောက် ကွပ်ပစ်ပေါ်မှ ၀ရုန်းသုန်းကား မတ်တပ်ထရပ်ကာ ခါးထောက်၍ -
"အေး...တစ်မျိုးလုံးသာ ခေါ်ခဲ့လို့ပြောလိုက်"
ချမ်းမြေ့ ရွဲ့ကာပြောတော့ ဟန်ငြိမ်းနဲ့မိရွှန်းမှာ တဟားဟားအော်ရယ်တော့သည်။ ချမ်းမြေ့လည်း မိမိအားလှောင်နေသည့် နှစ်ကောင်ဘက်လှည့်ကာ-
"အေး..ရယ်မနေနဲ့ မင်းတို့ကရော မပြန်ကြသေးဘူးလား? သူများအိမ်ကို ဘယ်အချိန်ထိနေဖို့စဥ်းစားထားကြတာလဲဟမ်....အလုပ်မရှိကြဘူးလား...အားယားနေကြတာလား... ဒီကြားထဲ ကိုယ်တစ်ယောက်လာနေလို့အားမရလို့ နောက်ကတွဲလောင်းတွဲလောင်း တွေပါခေါ်လာသေး"
ချမ်းမြေ့နောက်ဆုံးစကားကို ၀ဏ္ဏအားကြည့်ရင်းပြောတော့ ၀ဏ္ဏမျက်နှာကြီးမှာမည်းမဲကနဲဖြစ်သွားပြီး မျက်စောင်းထိုးလာတော့ သည်။ အောင်မယ်ဗျာ..သူကများ လာလာချည်သေးရဲ့။ ဟိုနှစ်ကောင်ကတော့ ဗိုက်နှိပ်ကာပင် ၀ါးလုံးကွဲအောင်ရယ်နေကြတော့သည်။
"အောင်မယ်လေး..ချမ်းမြေ့ရယ်....ငါရယ်ရလွန်းလို့ အူနာနေပြီ..ဘယ်နှယ့်မိန်းမကြီးကြလို့ ရန်တွေ့နေပုံက..ကိုယ့်သူငယ်ချင်းတွေကိုပြောဆိုနေလိုက်တာလည်း ရစရာကိုမရှိတော့ဘူး"
"အော်....အလိုက်ကန်းဆိုးမသိ သူများအိမ်ပေါ်လာတက်နေတဲ့ သူငယ်ချင်းတွေဆိုတာလည်းထည့်ပြောဦးလေ...."
မိရွှန်းစကားအား ချမ်းမြေ့ပြန်ချေပတော့ ဟန်ငြိမ်းမှ မသတီစရာအသံကြီးဖြင့် -
"အချစ်ကလဲကွာ..."
"-ီးကိုအချစ်..ဒါနဲ့ ဟိတ်ကောင် မင်းလင်ကဘယ်တော့လာမှာတဲ့လဲ"
DU LIEST GERADE
"အကြင်နာပိုပါသည် မောင့်ဟန်ချီ"(Completed)
Kurzgeschichten"မောင့်နာမည် ချမ်းမြေ့မောင်ပါ ဟန်ချီရဲ့စိတ်ရောကိုယ်ရောနှစ်ပါးစလုံးကိုရွှင်လန်းချမ်းမြေ့စေမယ့်ချမ်းမြေ့မောင်ပါခင်ဗျာ... ဟဲဟဲ" //ချမ်းမြေ့မောင် "ဒီမျက်နှာရူးကတော့လား...." //လှမျက်ဟန်ချီ (ကျေးလက်ဟာသလေးပါနော်။ ပေါ့ပေါ့ပါးပါးလေးပါပဲ။ကျွန်တော့်ရဲ့ပထမဆုံး...
အခန်း(၁၀) (Uni & Zawgyi)
Beginne am Anfang