တိမ်တိုက်တစ်ယောက် သူတစ်ယောက်တည်း ဘေးတွင်အားအားယားယားဖြင့် သူများတွေအားလိုက်ကြည့်ရင်း ကိုကို့ကို ရှန်မင်း နှိပ်ပေးနေတာတွေ့ပြီး သူလည်းအားကျမခံ ခွန်းနောက်သွားပြီး ဒူးထောက်ကာ ခွန်း ပုခုံးတွေကိုသူ့လက်လေးတွေနှင့် နှိပ်ပေးတော့သည်။
'' ဟင် တိမ်တိုက်...ဘာလုပ်တာလဲ ''
ရုတ်တရက် မို့ ခွန်းကလန့်သွားပြီး အနောက်ကိုလှည့်ကြည့်ကာမေးတော့
'' မောင်ညောင်းနေမှာ စိုးလို့ ''
ခွန်း ဒီတိုင်းသာ တိမ်တိုက် နှိပ်ပေးတာခံနေလိုက်သည်။ နှိပ်ပေးသည်ဆိုသော်လည်း တိမ်တိုက်လက်လေးတွေက အားမပါသဖြင့် ပုရွတ်ဆိတ် တစ်ကောင် လျှောက်ပြေးနေသလိုပင်။
'' ဪ...''
ပါးစပ်အဟောင်းသားနှင့် မဲ့ရွဲ့ကာ ထိုနှစ်တွဲကိုကြည့်နေရသူက ဇူးကြယ်စင်မေ ။
LDRS ဘဝမို့..သူ့ခမျာ...သူများရိုတာပဲ ထိုင်ကြည့်နေရတော့သည်။မီးဖိုနားက အမျိူးသမီးကြီးနှစ်ယောက်ကလည်း စကားတပြောပြောနှင့် အဆင်ပြေနေကြသည်။
'' ဘယ်လိုလဲ ယုယ.... သားမက်ရတာလည်း မဆိုးဘူးမလား ''
ဒေါ်ခိုင်ခက်ဦး... တိမ်တိုက်တို့ဝိုင်းကို မေးထိုးပြကာမေးတော့..ဒေါ်ယုယမြိုင် တိမ်တိုက်နှင့်ခွန်းတို့ကို ကြည့်ကာ ပြုံးလိုက်ပြီး..
'' မဆိုးဘူးဆိုတာထက် ပိုပါတယ် ခိုင်ရယ်။ သားလေးပြန်ရောက်လာတာနဲ့တင် ကိုယ်အတော်ပျော်နေပါပြီ။ တိမ်တိုက် ခွဲစိတ်ခန်းထဲရှိနေတုန်းက ခွန်းက တိမ်တိုက် ကို ဖက်ငိုနေတဲ့အချိန် တိမ်တိုက် ကပြန်ရှင်လာတာလို့ပြောတယ် ။ ဘာပဲပြောပြော သူတို့နှစ်ယောက်က တစ်ယောက်ကို တစ်ယောက်သိပ်ချစ်ကြတာ ကိုယ်တို့အမြင်ပဲလေ။ ''
'' အင်း တိမ်တိုက်လေးက ကံကောင်းပါတယ် ယုယရယ်... ။ ဒါနဲ့ ယုယရော အဆင်ပြေရဲ့လား ''
'' ပြေပါတယ်... ကိုယ်မှ ဘာမှ မတတ်နိုင်တော့တာ ပြေအောင်နေရတော့မှာပေါ့ ''
နောက် သိပ်မကြာခင်တွင် ပုကြူးလေးတို့ သားအဖတွေ ရောက်ချလာသည်။ ပုကြူးတစ်ယောက်ကတော့ သင်္ကြန် ဖက်ရှင်အပြည့်ဖြစ် မင်းသားရှုံးလောက်အောင် ပြင်ဆင်လာတော့သည်။ အရင်လိုတော့ တိမ်တိုက် ကိုယ်ပေါ်ခုန်တက်တာမျိုးတော့ မလုပ်တော့ပေ။ တိမ်တိုက်နှင့်ပုကြူးအရပ်က သိပ်မကွာတော့ဘူးလေ။
YOU ARE READING
NotWithStanding...(မည်သို့ပင်ဖြစ်စေ... ) (Completed)
Randomဤဘဝအတွက် တာဝန်ဟာ မောင့်ထံပါး ချစ်ခြင်းတို့နှင့် ခစား၍သာ အဆုံးသတ်ပေလိမ့်မည်။ ............. Start - 19.2.2022 End - 25.8.2022
Episode - 48
Start from the beginning