بنت العميد

البارت الثالث

البارت الثالث
#بنت_العميد
مصطفى/
كعدنه نتعشه سوه ونور تاكل وتكول الله شهالاكل الطيب عاشت ايدها. خصوصاً الخبز فدشي
ضحكت على حركاتها. وكلتلها بالعافيه بعد كل مااروح لاهلي اجيبلج خبز من ايد امي شتردين بعد
نور/تسلم شكراً الك
مصطفى /تاكل بكل نزاكه لكم صغيره
كلتلها شـنـــي كتكوت خوما كتوت متشوفين روحج خلصانه
سويت لكم كبار وانطيها
نور/لاعفيه والله مااكدر اني هذا اكلي اصلاًاكلت هواي هالمره ع واهسك

كملنه العشه سويت قهوه اثنين وطلعنه كعدنه بالحديقه على الكراسي ونشرب
نور/ايي مصطفى سولفلي عليك على اهلك تعرف اني ماعندي لاصديقات ولا اصدقاء عًـًـًآدًيً تكون صديقي
مصطفى/اي عادي انتي ماعندج لاصديقات. ولااصدقاء بس عندج حبيب وباوعت عليها ورفعت حاجبي
نور/ابتسمت هذا الدنيه كولها بكفه وهو وحده بكفه
مصطفى/تحبينه
نور/كووولش
مصطفى/وهو يحبج
نور/طبعاً شي اكيد ومتفقين بس نتخرج نتزوج.
مصطفى/بيها الخير انشالله
نور/وانت
مصطفى/شبيه اني
نور/شوكت تزوج
مصطفى/الله كريم بعد خلي يكضن هالشهرين والله كريم
نور/ربي يسعدك
مصطفى/تسلمين
نور/الجو بارد اني بردت حيل
مصطفى/اخذي راحتج روحي طبي جوه. وباجر دوام عندج ساعه11 صارت
نور/ماشي تصبح على خير الصبح نتشاوف
مصطفى/وانتي من اهلو

راحت نور طبيت رتبت الكرفان والمواعين وخليت راسي على المخده اريد انام بقيت افكر بعلاقتها وي هذا الولد مامرتاح اله ابد اني بيه صفه البشر من شكله بسرعه اعرفه وهالولد احس وراه شي كلت الله كريم هي امانه عندي ولازم ادور شي وراه واعرفه شنو هذا
ثاني يوم كعدت على المنبه بدلت
وحضرت السياره وطلعنه كعدت بصفي ماكعدت ليوره
نور/هلاوو صباحوو
مصطفى/هلا صباح الخير
وصلتها نزلت بقيت اراقبها شفته الولد اجه طلعت تليفوني وسويت زوم اخذتله صوره
رجعت سويت حساب وهمي بالفيس طبيت لكروب الخاص بجامعتهم طلبت معلومات عليه طبولي كم واحد خاص واحد منهم كلي شتريد تعرف على وائل
كلشي اعرف عليه
رحت حذفت المنشور راساً حته ميشوفه
ورجعت للولد كتله اني ضابط واجتنه اخباريه عليه مبتز بس احب اتاكد قبل لا اضلم الولد
الولد ضحك كال بس مبتز تريد تعرف كلشي عليه لحضه
شويه واجتني اله فديوات وصور فضيعه ملاهي وشرب ونسوان ومحادثات وي بنات يهددهن لو تسوين هيج وياي لو افضحج
وكف عقلي
كتله انت شتصير منه
الولد/جان صديقي المقرب
جنت احب ابنيه ورايدها بالحلال وهو يدري بيه احبها وغدر بيه سحب صورها من فوني بدون ماادري ومسويلهن فوتوشوب صور خلاعيه وبقه يهدد بيها وهي من الخوف خضعتله وراحت من ايدي بس حبيبتي بس بنات كومه وهسه وحده مخليها براسه ع لاساس يحبها والله اليستر من الي مخططه الها
مصطفى/ومنو هاي الي اباله تعرفها
الولد/وحده مااكدر اذكر اسمها بس هي مرحله ثانيه هندسه حاسبات
مصطفى/عرفتها هاي نور بس مكلت شي تشكرت منه
وخزنت كل الفديوات والصور مالاته
بقيت افكر شلون افتح الموضوع وياها وهي تحبه اكيد مراح تتقبل الحجي
خابرتني ورحت رجعتها هي مشغله اغاني ومندمجه وفرحانه واني التفكير اكل راسي شلون منين اجتني هاي الشغله لنوب اهلها منطيها گـِْـِْلِْ الثقه وكلمن ملتهي بدوامه ميدرون بيها شتلوص وراهم. ويكلولي امانه عندك خاف بعدين يصيرلها شي وتصير بوجهي
نور/اباوع على مصطفى بس يتصفن وعاقد حواجبه كوتله مصطفى ميسمعني او منتبهلي لان باله مويمي
طفيت الاغاني وصحت مصطفى
مصطفى/صحيت على صوتها كلتلها هاااا
نور/وين شارد
مصطفى/هيج ماكو شي كولي شرايده
نور/شوكت تعلمني السياقه
مصطفى/كيفج
نور/اليوم نبلش
مصطفى/ماشي اليوم نبلش
وصلتها للبيت
طبيت للكرفان
تغديت وخليت راسي على المخده افكر شلون راح احميها من هذا الشخص وشلون راح تتقبل الفكره وهي تحبه حيل يااربي شهالمصيبه الي وكعت على راسي
اذا يعرف ابوها شراح يسوي
نور/رجعت للبيت بدلت وتغديت وكعدنه نتخابر اني ووائل دا يلح عليه نطلع. بدون مااجيب لسايق ويايه
فكرت اتعلم السياقه وابقه اخذ السياره اطلع بيها بدون علم بابا لان ميقبل يخاف عليه من الحوادث
المغرب اتصلت على مصطفى كوتله يله. نروح بدلت ونزلت
مصطفى/نايم واتصل بيه نور علمود اعلمها سياقه
بدلت وطلعت اخذتها الساحه الجادريه حولت بمكانها وبديت اعلمها شفهي اول مره شرحتلها لنوب شغلتلها السياره وبدت تمشي بــَس خايفه ومخلي ايدي وياها على الاستيرن رادت تطب بالعامود راساً خليت ايدي فوك ايدها وصحت دوسي بريك
نور/مستمتعه بالسياقه بس نفس الوقت مرتبكه ومن
صاح دوسي ابريك خله ايده فوك ايدي ولدها حيل علمود الاستيرن يفره دست بريك ودرت وجهي صافت بوجه وعيني بعينه وهو هم بقه صافن بوجهي وعيونه بعيوني بقينه دقايق وسحبت ايدي
نور/اسفه منتبهت يله خلي نرجع للبيت فتحت لباب دا انزل
مصطفى/لحضه مصار شي طبيعي لان هاي اول مره اسحبي نفس ولترتبكين ويله بهدوء وخليج مركزه ليكدام
نور/مااشي بديت اسوق على كيف بقينه ساعتين
ورجعنه للبيت
الكاتبه ام زيزو
اتفقت وياه يوميه يعلمني وباليوم الي موجود بي بابا او ماما مرايحه للعياده مااطلع
الجو بليل يجنن فتحت شباك غرفتي وشفت مصطفى كاعد اباب الكرفان ويخابر تذكرت اول يوم سياقه من خله ايده فوك ايدي صح مو بقصده بس حسيت جسمي كله نمل شخصيته ورجولته مشفتها بشخص ثاني
صافنه عليه ودك فوني شفته وائل طبيت للغرفه احجي وياه. والاوراق والملازم تارسه الجربايه لان عندي باجر امتحان
لميتهن على صفحه وحده من الاوراق طارت وطبت جوه الكنتور ربع ساعه وسديته الخط
رحت حاول اطلعها مكدرت. لازم الكنتور يندفع يربي شسوي وباجر امتحان اجه ابالي مصطفى طلعت شفته للكرفان اتصلت بيه
نور/هلوو
مصطفى/هلا
نور/ممكن طلب
مصطفى/تفضلي
نور/بس اريدك تجي تدفع الكنتور شويه لان ورقه من اوراق الملزمه وكعت جوه وباجر امتحان عندي مااكدر اطلعها
مصطفى/شلون اطب للبيت مو امج وابوج موجودين جوه
نور/يووه ساعه 12 رايحين بسابع نومه هسه من ساعه 10 نامو متتاخر بس اطلع الورقه وانزل
مصطفى/ماشي تعالي نزلي للمطبخ راح. اجي
نور/ماشي
نزلت ع السريع
شفته اجه فتحت لباب وامش هو وراي
البيت بليل ميشا تضلمه كوله لان كلمن بغرفته
صعدت فوك لغرفتي
طبيت كوتله تفضل طب وطبكت الباب كوته تعال منا من هاي الجهه طبت
مصطفى/اول مره اطب لبيتهم واصل للمطبخ بس
البيت اضائته قليله هي تمشي وامشي وراها طبت لغرفه طبيت وسدت لباب عرفت هاي غرفتها اخشاب ابيض وكلشي بيها ابيض حته مرجوحه عش هم بيضه
راحت باتجاه الكنتور كالت منا باوعـ👀ـت يربي هاي شلابسه ثوب فوك الركبه وردنه اقصر من الربع وحته خفيف ودله ولافه شعرهاليفوك عالي
بكلبي نعلت الشيطان لابسه هالبس هذا وساعه 12 بليل صايحتني ووحدنه بالغرفه والشيطان. يفتر داير مدايري
استغفرت ربي شلون اني وي بنت العميد
رحت تقربت على الكنتور دفتعته شويه طلع طارف لورقه
نور/ايي عفيه هياتها طلعت سحبتها رفعت راسي عليه شكرا تعبتك
مصطفى/لا تدللين رجعت الكنتور وطلعت نزلت جوه وصلتني لباب لمطبخ ورجعت صعدت
مشت لايام وصار خميس اني يوميه اعلمها سياقه شبه الي ضبطتها كلتلها من ارجع اخليج تنزلين بالشارع
باجر جمعه تحضرت اروح لاهلي طلعت الصبح
العصر شِفـٍـْــٰٰتْ امشي حضرت التنور الطين تذكرت نور كلتلها يمه ضميلي كم كرصه عود
السبت العصر حضرت غراضي وهم امي حملتني اكل اشكال توكلت لبغداد
وصلت طبيت شِفـٍـْت سياره امها وابوها موجودات رتبت غراضي وملابسي
نور/هيج وقت يجي مصطفى تذكرت هذاك لاسبوع تعشينه سويه والخبز شكد طيب وكال المره الجايه اجيبلج خيز تنور طين
اكلت قليل بالعشه صعدت لغرفتي شِفـٍـْْــٰٰتْ ضوه الكرفان مفتوح اتصلت عليه
مصطفى/ارتب بملابسي وشفت نور تتصل فتحت خط
هلوو
نور/هلووو انت بالكرفان موو رجعت
مصطفى/ايي شمدريج
نور/اطلع وارفع راسك ع البالكون
مصطفى /طلعت شفتها واكفه ابتسمت ياهلا
نور/جبتلي خبز لولا من ايد امك
مصطفى/اي والله جبت مال طين هم تذكرتج بي وهم خلتلج كومه اكل حته خضره خلتلي
نور/ترى بعدني بلاعشه عًـًـًآدًيً اتُـعشه يمك اليوم
مصطفى/اهلاً وسهلاً تنوريني
بــَس اكمل الملابس والم الهوسه واخابرج
نور/ماشي هم بين ما بابا وماما يطبون الغرفتهن انتضرك يله بـ❀ـاي
مصطفى/بـ❀ـاي
طبيت كملت الملابس ولميت الهوسه عدلت الفراش وطلعت لاكل حميته مركه باكله وتمن وكبه ومركه كبه هم خبز وخضره.
خابرت نور كلتلها يله جيبي الطرشي والزلاطه وتعالي
نور/نزلت للمطبخ اخذت الطرشي والخيار والطماطه وليمون وشفت ماعون تبوله وببسي اخذتهم وطلعت رحت فتحت لباب وطبيت شفته فارش السفره نطيته يسويلنه الزلاطه
مصطفى/شطلعت هاي هم اني
سويت الزلاطه وصبيت لببسي وكعدنه ناكل
نور/ماشاء الله شكد نفسها طيبه بلاكل هاي كولهن امك مسويتهن
مصطفى/بالعافيه اي كلهن امي
نور/واخواتك مزوجات
مصطفى/ماعندي خوات احنه بس ولد 6
3 اكبر مني و2 اصغر مني وكلهم متزوجين وكلمن بيته وحده ابوي بانيلهم مشتملات ومكعدهم. بيهن وبس هو وامي واني بالبيت
نور/ربي يحفظكم وهم شي اْكّـ✔️ـًّيّدْ تلتمون كولكم سويه
مصطفى/كل جمعه الغده بيت المزرعه يصير وكلها تلتم اخواني ونسوانهم وجهالهم تصير هوسه
نور/اممممم اجواء حلوه اكيد اتمنه اعيش بهيج اجواء
مصطفى/اخذج اذا تحبين
نور/ياريت والله فد يوم اضبط بابا وماما مموجودين اتاكد منهم ميرجعون ونطلع من الصبح بس كون يوم مو جمعه حته اضرب دوام الكليه وتاخذني للمزرعه
مصطفى/رفعت حاجبي صدك تحجين
نور/ايي والله تبقه بس سهير اكولها عود طلعت. وي صديقتي لبيتهم المهم سهير كولش كتومه ومتحجي شي ابد
مصطفى/لايمعوده اكعدي وين اخذج كلشي يصير
نور/مااا حباب بس اضبط دوام بابا وماما ونروح بــَس بسيارتي
مصطفى/واخذج للمزرعه ولغير محافضه هيج مامنه ومتخافين
نور/مو انت وياي ليش اخــّّـّّاف
مصطفى/اهااا مااشي لعد
كملنه عشه وراحت باجر دوام هي كعدت الصبح طلعنه للدوام وصلتها طبيعيه سوالف وضحك
من رحت اجيبها صعدت معبسه وعيونها حمر باوعت عليها
مصطفى/شبيج
نور/راساً بجيت تعاركت وي وائل
مصطفى/رفعت حاجبي وضحكت ضحكه استهزاء اهااا وائل شغلت السياره وطلعت
طبعاً ماسكتت عليه بعدني ادور علسه شغلات وكومه عرفت حته عنوان بيتهم وابوه منو ورقمه كلشي كدرت اتوصله ابوه واحد مسوؤل وهم ساقط نفس ابنه
منتضرالوقت المناسب حته اعترف الها عن خرابيط حبيبها من كالت وائل ردت اعترفلها بسوالفه وشفتها شكد منهاره كلت الوقت مومناسب ماحجيت شي وهي دموعه تصب وصلته البيت ونزلت طبت واني رحت للكرفان تغديت وبدلت طلعت رجعت بليل ب9
نور/كضيتها بجي ونهاريت حيل لان عرفت عنده علاقه بابنيه غيري وهو هم معبرني ولااتصل عليه بعد واني متعوده على طول مكالمات بينه عرفت باجر ماما خفر من العياده وترجع للمستشفى وبابا هم يبات خارج البيت
بقيت اكلب بفوني ردت اتصل على وائل واتراجعت حسيت بروحي شكد مخنوكه حيل اريد احد اشتكيله ماكو راحت ايدي على رقم مصطفى هو صديقي الوحيد صار اتصلت بي
مصطفى/جنت اسبح وتليفوني دك طلعت شِفـٍـْت نور باوعت ساعه11جاوبتها
الووو
نور/آِٰلُّـوو
مصطفى/صوتها مخنوك وكوه تحجي
كلتلها هااا خيرج
نور/مصطفى دا احس روحي تطلع مني اكدر اجي يمك شويه مخنوكه حيل
مصطفى/تعالي هلابيج
نور/سديته ورحت طبيت يمه بالكرفان لابس فانيله وبجامه والخاولي على شعره يفرك براسه تعالي تفضلي سحبت الخاولي خليته بالحمام ورحت يمها شفتها مدنكه راسها وعيونها حمر وتبجي كاعده على الجربايه كعدت بصفها
بكلبي حيل انقهرت عليها لان شكد جاي تاذي نفسها علموده وهو واحد حقير ووسخ. بس شسوي مااكدر احجي هــًـًســًه

ايي شبيج
نور/بس كلي شبيج دموعي بقت تصب وابجي بحركه
مصطفى /مديت ايدي على وجهه مسحت دموعها اشششش كااافي شنو هالدموع ترى محد يستاهل هيج تسوين بنفسج علموده
نور/مصطفى رفع وجهي عليه ويباوع لعيوني وعاقد حواجبه يمسح بيهن ويحجي وياي حسيت بلمسات ايده
وخشونته ورجولته وشخصيته هالشغلات الي ابد مشايفتهن عد وائل بس شسوي لكلبي الي يعشقه بجنون
نور/جريت نفس
مصطفى حييل مخنوكه دا احس روحي تطلع وماعندي احد افضفضله غيرك انت صديقي الوحيد
مصطفى/مااشي اسمعج فضفضي طلعي الي بكلبج
نور/خليت راسي على كتفه وبقيت اسولفه على وائل والي صار
مصطفى/شو راساً مات راسها على كتفي وبقت تحجيلي وتبجي
لنوب شعرها صاير بركبتي مديت ايدي على ضهرها اطبطب عليه مااعوف شكلها الوقت مو مناسب. هسه بقيت اسمعها بدون مااحجي وياها
..............
الكاتبه ام زيزو