العاشق المهوس

الفصل الرابع

فى سيارة أميرة
رن جرس التليفون دون ان تنظر إلى الرقم قالت
أروى. الو
المتصل . انتى كنت بتعملى ايه فى مبنى مباحث الإنترنت
أروى . (بصوت غضب مليان بالخوف) انت عايز ايه مين كفاية كفاية بقى
المتصل . اهدى واسمعينى خليكى وثقة ان مافيش حد يقدر يمنعنى من حبك لا يقدر يعملى حاجة لا اخوكى ولا عمتك هينفعوكى ولا حتى مباحث الإنترنت كلها ماحدش هينقذك من حبى
أورى (قفلت السكة رمت التليفون من ايدها فى زهول)
وهنا قالت
أميرة . فى اية مالك
أروى . ده مابيهزرش يا عمتو ده حد واثق من نفسه
أميرة . ماتخفيش قولتلك كلها كام ساعة وهنعرف مين الواد ده ساعتها والله هودى فى ستين داهيه بس اهدى فهمينى هو قالك ايه خلكى خايفه كده
أروى قالى ماحدش هيقدر هيعملى حاجه ولا عمتك ولا أدهم ولا مباحث الإنترنت
أميرة . يعنى ده عارف انك كنتى ف المباحث الانترنت كمان عارف كنتى مع مين .. ده بيراقبك بقى استنى هات الرقم التليفون بتاعة
أروى. ليه
أميرة. هتصل بيه طبعا
أروى . الرقم اهو
أميرة رنت على الرقم سمعت الرسالة بتقول هذا الرقم مغلق أو غير متاح حاليا حاول الاتصال ...قفل التليفون

اميرة . اسمعى يا اروى لو اتصل بيكى تانى ابقى سجلى المكالمة
أروى . حاضر بس ممكن يا عمتو تروحينى على البيت مش هقدر اروح الجامعة النهارده
أميرة .حاضر ويكون احسن بردوا . لازم كمان اتصل بالظابط مجدى و هقولوا على المكالمة دى
-------------
وصلت أروى امام البيت قالت أميرة

أميرة . عايزه حاجه منى ياروى انا رايحه الشغل
أروى . لا شكرآ يا عمتو
أميرة . شكرآ على يا عبيطة يلا باى

دخلت أروى شقة جدها توفيق
فتحت الباب لانها معاها المفتاح

أروى. مساء الخير يا جدو
جدو توفيق . مساء الخير ايه جاى بدرى النهاردة هو سليم قالك
أروى . بابا قالى على ايه
جدو توفيق . يبقى مش قالك
أروى . ايه هو قالك لا مش قالك هو فى ايه ياجدو
جدو توفيق . هقولك بس طبعا ده سر
أروى . فى بير
جدو توفيق . فى ضيوف جايين عندكم النهاردة
أروى . ضيوف مين دول يا جدو
جدو توفيق . .عريس جاى يتقدملك
أروى . عريس تانى مش وقته خالص
جدو توفيق . هو اية مش وقته هو دا كمان بوقت
أورى. والله يا جدو

( وهنا رن التليفون خافت اروى نظرت على المتصل كانت علا)

علا. الو أورى
أروى . ايوا يا علا
علا . ايه يابنتى انتى فين قفله تليفونك و مجتيش ليه الجامعة النهاردة
أروى . هقولك بعدين انا عند جدو هطلع فوق و هكلمك
علا. خلاص شويه و هكلمك تانى باى

هنا قالت أروى لجدها انا طلع أغير
----------
شقة عائلة سليم
أروى. ايه ده انتى هنا ياماما
ليلى. اه رجعت بدرى النهاردة من الشغل
أروى . خير فى حاجه
ليلى. اه جايين لينا ضيوف النهاردة
أروى . اه عشان كده
ليلى . روحى غيرى و البسى حاجه شيك كده عشان خاطرى افردى شعرك زى البنات كده
أروى . ماما انا عايزه اسألك على حاجه هو انا بقيت تقيله عليكم
ليلى . ايه اللى بتقولى ده
أروى . يعنى كل شوية عريس انتم بتجبيهم منين
ليلى . والله مش ذنبى انك زى القمر و أي شاب يتمنى يرتبط بيك طالعه لأمك طبعآ
أروى . ههههه عارفه انى طالعلك بس بجد ياماما انا مش جابه الارتباط دلوقتى وانتى عارفه كدا كويس
ليلى. يابنتى شوفى العريس إللى جاى يمكن يعجبك عشان خاطرى
أروى. حاضر يا ماما هروح اغير